Menstrual Cup vs Pads: పీరియడ్స్లో శానిటరీ ప్యాడ్స్ లేదా మెనుస్ట్రువల్ కప్.. వీటిల్లో ఏది మంచిది?
పీరియడ్స్ అంటే చాలా మంది మహిళలకు భయం. ఎందుకంటే పీరియడ్స్లో రకరకాలుగా ఉంటుంది. కడుపులో నొప్పి, నడుపు నొప్పి, రక్త స్రావం, చికాకు, ఆందోళన, భయం ఇలా ఒక్కొక్కరికి ఒక్కోలా ఉంటుంది. కొంత మందికి తీవ్రంగా కడుపులో నొప్పి వస్తూ ఉంటుంది. ఇంకొంత మందికి విపరీతంగా రక్త స్రావం కూడా అయిపోతుంది. నెల సరిలో ఇంతకు ముందు ఎక్కువగా క్లాత్స్ ఉపయోగించే వారు. ఆ తర్వాత ప్యాడ్స్..
Updated on: Sep 02, 2024 | 6:10 PM
పీరియడ్స్ అంటే చాలా మంది మహిళలకు భయం. ఎందుకంటే పీరియడ్స్లో రకరకాలుగా ఉంటుంది. కడుపులో నొప్పి, నడుపు నొప్పి, రక్త స్రావం, చికాకు, ఆందోళన, భయం ఇలా ఒక్కొక్కరికి ఒక్కోలా ఉంటుంది. కొంత మందికి తీవ్రంగా కడుపులో నొప్పి వస్తూ ఉంటుంది. ఇంకొంత మందికి విపరీతంగా రక్త స్రావం కూడా అయిపోతుంది. నెల సరిలో ఇంతకు ముందు ఎక్కువగా క్లాత్స్ ఉపయోగించే వారు. ఆ తర్వాత ప్యాడ్స్ వచ్చాయి. ఇప్పుడు వీటినే ఎక్కువగా యూజ్ చేస్తున్నారు. అయితే ప్రస్తుత కాలంలో మెనుస్ట్రువల్ కప్స్ వినియోగంలోకి వచ్చాయి. అయితే శానిటరీ ప్యాడ్స్ లేదా మెనుస్ట్రువల్ కప్స్.. ఏది వాడితో మంచిదో అని ఆలోచనలో పడుతున్నారు. మరి వీటిల్లో ఏది వాడితే మంచిదో ఇప్పుడు తెలుసుకుందాం.
శానిటరీ ప్యాడ్స్:
గత కొంత కాలం ముందు వరకు ఎక్కువగా క్లాత్స్ ఉపయోగించే వారు. కానీ వీటితో రకరకాల సమస్యలు వచ్చేవి. ఆ తర్వాత వీటి స్థానంలోకి ప్యాడ్స్ వచ్చాయి. మహిళల్లో కూడా వీటిపై అవగాహన పెంచారు. ఇవి వచ్చాక మహిళలకు కాస్త ఉపశమనం ఇచ్చాయి. ఇప్పుడు చాలా మంది వీటినే ఉపయోగిస్తున్నారు. అయితే వీటిని తయారు చేయడానికి వీటిల్లో థాలేట్స్ అనే కర్బన సమ్మేళనాలను ఉపయోగిస్తున్నారు. వీటిని వాడటం వల్ల దురద, దద్దుర్లు, ఇన్ ఫెక్షన్లు వస్తున్నాయి. అధిక రక్త స్రావం అయినప్పుడు ప్యాడ్స్తో చాలా కష్టంగా ఉంటుంది. వీటిని ఒకసారి మాత్రమే వాడి పడేయాల్సి ఉంటుంది.
మెనుష్ట్రువల్ కప్స్:
ప్రస్తుత కాలంలో మెనుస్ట్రువల్ కప్స్ చాలా ప్రాచూర్యం పొందాయి. వీటిని ఎంతో సేఫ్టీగా తయారు చేస్తారు. వీటిని పెట్టేటప్పుడు కాస్త నొప్పిగా ఉన్నా.. వీటిని వాడటం వల్ల చాలా ఫ్రీగాఉంటుంది. వీటి వల్ల ఎలాంటి అనారోగ్య సమస్యలు, ఇన్ ఫెక్షన్లు, దురద వంటివి రాకుండా ఉంటాయి. ఈ కప్ని చాలా సార్లు ఉపయోగించవచ్చు. ఒక్క కప్ కొనుక్కుంటే దాదాపు మూడు నెలల దాకా వాడుకోవచ్చని ఆరోగ్య నిపుణులు అంటున్నారు. అధిక రక్త స్రావం అయ్యే వారు ఎక్కువగా వీటిని ఉపయోగిస్తే బెటర్. శానిటరీ ప్యాడ్స్ కంటే వీటిని ఉపయోగించడమే మంచిదని నిపుణులు సూచిస్తున్నారు.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్ చేయండి..
