Weight Loss : బరువు తగ్గేందుకు కష్టపడుతున్నారా..? ఈ సింపుల్ ఫార్ములా ఫాలో అవ్వండి!

బరువు తగ్గడం అనేది చాలా మందికి చాలా ఛాలెంజింగ్ టాస్క్. అయితే ఇది అందరూ భయపడేంత కష్టం కాదు. మనం చేయగలిగిన కొన్ని సాధారణమైన, అత్యంత ఆరోగ్యకరమైన అలవాట్లను క్రమం తప్పకుండా అనుసరిస్తే బరువు తగ్గడం చాలా ఈజీ. బరువు పెరగడంలో అతి ముఖ్యమైన అంశం మన అనారోగ్యకరమైన జీవనశైలి. దీంతో ఊబకాయం సమస్య సాధారణంగా మారిపోయింది. అందుకే శరీరాన్ని ఫిట్‌గా ఉంచుకోవాలనే కోరిక కూడా పెరుగుతోంది. కొంతమంది ఇంటి చిట్కాలు పాటిస్తూ బరువు తగ్గాలని ట్రై చేస్తుంటారు. కొంతమంది డైటింగ్ ద్వారా బరువు తగ్గాలని ప్రయత్నిస్తుంటారు. కొంతమంది కఠినంగా వ్యాయామం చేయడం లేదా జిమ్‌కు వెళ్లడం ద్వారా బరువు తగ్గడానికి ప్రయత్నిస్తారు. కానీ, శరీరాన్ని ఎప్పుడూ ఫిట్‌గా ఉంచుకోవడానికి, స్థూలకాయాన్ని తగ్గించుకోవడానికి, శరీర బరువును అదుపులో ఉంచుకోవడానికి కొన్ని సింపుల్ డైట్ హ్యాబిట్స్ పాటిస్తే మంచి ఫలితాలు వస్తాయి.

శరీర బరువును నియంత్రించడానికి ఆహారంలో మంచి మొత్తంలో ప్రోటీన్ ఉండాలి. ప్రోటీన్ కండరాలను బలపరుస్తుంది. తద్వారా అదనపు కేలరీలను బర్న్ చేయడంలో సహాయపడుతుంది. అదేవిధంగా ఆరోగ్యకరమైన కొవ్వులు కూడా అవసరం. దీని కోసం మీరు క్రమం తప్పకుండా మీ ఆహారంలో గుడ్లు, సోయా ఫుడ్స్, పనీర్, డ్రై ఫ్రూట్స్, గ్రీన్ వెజిటేబుల్స్ చేర్చుకోవాలి. అల్పాహారంపై ప్రత్యేక శ్రద్ధ వహించండి.

మన ఇళ్లలో పెద్దలు తొందరపడకుండా నిదానంగా తినాలని చెప్పడం మనలో చాలా మంది చూశాం. ఆహారాన్ని బాగా నమిలి తిన్నప్పుడు లాలాజలం ఆహారంలో బాగా కలిసిపోయి జీర్ణశక్తిని బలపరుస్తుంది. అలాగే మనకు కడుపు నిండిన అనుభూతి కలుగుతుంది. పూర్తి రుచి, ఆనందంతో కూడిన ఆహారాన్ని తినడం స్థూలకాయాన్ని తగ్గించడంలో గొప్పగా సహాయపడుతుంది.

ఇవి కూడా చదవండి

రాత్రుళ్లు జర భద్రం..!ఇంటిచుట్టూ చక్కర్లు కొడుతున్న బ్లాక్ పాంథర్

అందంగా కనిపించాలని అనుకుంటున్నారా..? విటమిన్ ఇ బ్యూటీ ట్రిక్..

ఉదయాన్నే ఖాళీ కడుపుతో వాకింగ్ చేయడం వల్ల లాభాలు..!

అందమైన కేశాలకు సులువైన చిట్కా.. మామిడాకులతో ఇలా చేస్తే

మీరు ఫిట్‌గా ఉండటానికి కఠినమైన వ్యాయామం చేయవలసిన అవసరం లేదు. సాధారణ నడక, సైక్లింగ్, సాధారణ వ్యాయామం క్రమం తప్పకుండా చేస్తే సరిపోతుంది. అలాగే, లిఫ్ట్ ఎస్కలేటర్లను ఉపయోగించకుండా, మెట్లను ఉపయోగించడం మంచిది. మెట్లు ఎక్కడం వల్ల బరువు తగ్గడమే కాకుండా చాలా ఆరోగ్యకరమైన వ్యాయామం కూడా అవుతుందని వైద్యులు చెబుతున్నారు.

ప్రోటీన్, ఆరోగ్యకరమైన కొవ్వులతో పాటు, ఫైబర్ అధికంగా ఉండే ఆహారాలు ఖచ్చితంగా అవసరం. ఇవి జీర్ణశక్తిని బలపరుస్తాయి. జీర్ణక్రియ సక్రమంగా ఉంటేనే బరువు తగ్గడం సాధ్యమవుతుంది. దీంతో మలబద్ధకం వంటి సమస్యల నుంచి కూడా బయటపడవచ్చు. దీని కోసం, ఆహారంలో ఫైబర్ అధికంగా ఉండే పండ్లు, కూరగాయలు, చిక్కుళ్ళు, తృణధాన్యాలు ఉండాలి.

నీరు శరీరానికి అవసరం. అందువల్ల, నీరు పుష్కలంగా తాగడం వల్ల జీర్ణక్రియ మెరుగుపడుతుంది. పెరుగుదలను ప్రోత్సహిస్తుంది. అలాగే స్థూలకాయానికి తగినంత నిద్ర లేకపోవడమే ప్రధాన కారణం. నిద్ర లేమి, ఆకలిని నియంత్రించే హార్మోన్లలో మార్పులకు కారణమవుతుందని అనేక అధ్యయనాలు చెబుతున్నాయి.. కాబట్టి శరీరానికి కనీసం 7 గంటల మంచి గాఢ నిద్ర అవసరం.

మరిన్ని లైఫ్ స్టైల్ న్యూస్ కోసం క్లిక్ చేయండి..