Refrigerator: వామ్మో ఈ పదార్థాలను ఫ్రిజ్‌లో అస్సలు ఉంచకండి.. విషం తిన్నట్లేనంట.. జాగ్రత్త..

రిఫ్రిజరేటర్.. ఇప్పుడు ప్రతీ ఇంట్లోనూ తప్పనిసరి వస్తువుగా మారింది.. ఎక్కువగా వంటగదిలో ఆహారం కుళ్లిపోకుండా ఉండేందుకు దాదాపు ప్రతి ఇంట్లోనూ ఫ్రిజ్‌ని ఉపయోగిస్తారు. అయితే ఆహార వృధాను తగ్గించే ఈ గాడ్జెట్ మీ ఆరోగ్యాన్ని కూడా ప్రమాదంలో పడేస్తుందన్న విషయం మీకు తెలుసా? తెలియకపోతే.. కొన్ని విషయాలను మీరు తప్పనిసరిగా తెలుసుకోవాలంటున్నారు ఆరోగ్య నిపుణులు.. కొన్ని ఆహార పదార్థాలు ఫ్రిజ్‌లో నిల్వ ఉంచితే విషపూరితంగా మారే అవకాశం ఉందని.. ఈ విషయంలో తప్పనిసరిగా అవగాహన ఉండాలని పేర్కొంటున్నారు. ఆయుర్వేద నిపుణుల ప్రకారం.. అలాంటి ఆహారపదార్థాలు ఏంటో ఇప్పుడు తెలుసుకోండి..

ముఖ్యంగా.. రిఫ్రిజిరేటర్‌లో నాలుగు ఆహారాల పదార్థాలను ఉంచకూడదంటూ ఆయుర్వేద డాక్టర్, గట్ హెల్త్ నిపుణుడు డింపుల్ జంగ్దా తన ఇన్‌స్టాగ్రామ్ పోస్ట్‌లో పంచుకున్నారు. ఎందుకంటే ఈ ఆహారాలు రిఫ్రిజిరేట్ చేసిన వెంటనే విషపూరితం అవుతాయని పేర్కొన్నారు. అంతేకాకుండా.. వీటిని తినడం వల్ల ఆరోగ్యం దెబ్బతింటుందని.. క్యాన్సర్ కు కారణమవుతుందని హెచ్చరించారు.

ఫ్రిడ్జ్ లో ఉంచకూడని ఆహార పదార్థాలు..

వెల్లుల్లి: ఒలిచిన వెల్లుల్లిని రిఫ్రిజిరేటర్‌లో ఉంచకూడదని నిపుణులు అంటున్నారు. దీని కారణంగా, వెల్లుల్లి త్వరగా బూజు పట్టడం ప్రారంభమవుతుంది. ఇది క్యాన్సర్ ప్రమాదాన్ని కలిగిస్తుంది. ఇది కాకుండా, గడ్డకట్టే వెల్లుల్లి కూడా దాని రుచి, పోషకాలను నాశనం చేస్తుంది. వెల్లుల్లిని నిల్వ చేయడానికి ఉత్తమ మార్గం రిఫ్రిజిరేటర్ వెలుపల చల్లని, పొడి ప్రదేశంలో ఉంచడం..

ఉల్లిపాయ: ఉల్లిపాయలను ఎప్పుడూ రిఫ్రిజిరేటర్‌లో నిల్వ చేయకూడదు. ఎందుకంటే తక్కువ ఉష్ణోగ్రత కారణంగా ఉల్లిపాయ పిండి చక్కెరగా మారుతుంది. దానిలో పొషకాలు నశించి.. హానికర పదార్థాలు పెరగడం ప్రారంభమవుతుంది. అందువల్ల, ఉల్లిపాయను ఎల్లప్పుడూ చల్లని, పొడి ప్రదేశంలో ఉంచాలి.

అల్లం: చాలా మంది అల్లం తాజాగా ఉండేందుకు రిఫ్రిజిరేటర్ లో నిల్వ ఉంచుతారు. కానీ నిపుణుల అభిప్రాయం ప్రకారం, అలా చేయడం వల్ల అల్లంలో ఫంగస్ పెరిగే అవకాశం పెరుగుతుంది. ఇది మూత్రపిండాలు, కాలేయానికి హాని కలిగిస్తుంది. అందువల్ల, దానిని రిఫ్రిజిరేటర్‌లో ఉంచకూడదు.

అన్నం: వండిన అన్నాన్ని 24 గంటల కంటే ఎక్కువసేపు రిఫ్రిజిరేటర్‌లో ఉంచితే అది విషపూరితంగా మారుతుందని యుకెలోని నేషనల్ హెల్త్ సర్వీస్ అధ్యయనాన్ని ఉటంకిస్తూ నిపుణులు చెబుతున్నారు. అలాగే మీరు అన్నాన్ని మళ్లీ వేడి చేసినప్పుడు.. అది పూర్తిగా వేడి అయిందా లేదా అని ఎల్లప్పుడూ తనిఖీ చేయాలి.. అంతే కాకుండా అన్నం ఒకటి కంటే ఎక్కువ సార్లు వేడి చేయకూడదని కూడా అధ్యయనంలో పేర్కొన్నారు.

View this post on Instagram

A post shared by DrDimple, Ayurveda & Gut Health Coach (@drdimplejangda)

ఫ్రిజ్‌లో ఆహారాన్ని ఎలా ఉంచాలి..

నిపుణుల అభిప్రాయం ప్రకారం.. ఆహారాన్ని ఆరోగ్యంగా ఉంచడానికి కొన్ని ప్రాథమిక నియమాలను పాటించడం చాలా ముఖ్యం. ఇందులో ప్రధానంగా లీక్ ప్రూఫ్, క్లీన్ కంటైనర్‌లు లేదా ర్యాప్‌లలో మిగిలిపోయిన వాటిని నిల్వ చేయడం, వంట చేసిన రెండు గంటలలోపు మిగిలిపోయిన వాటిని శీతలీకరించడం, నిల్వ చేయడానికి ముందు వేడి ఆహారాన్ని చల్లబరచడం వంటివి ఉంటాయి..

మరిన్ని హెల్త్ వార్తల కోసం ఇక్కడ క్లిక్ చేయండి..