IRCTC Dubai Tour : రిపబ్లిక్ డే సెలబ్రేషన్స్ దుబాయ్‌లో! 4 రాత్రులు, 5 పగళ్లు.. ఐఆర్సీటీసీ అదిరిపోయే ప్యాకేజీ ఇదే!

ఈ ఏడాది గణతంత్ర దినోత్సవ వేడుకలను విదేశీ గడ్డపై జరుపుకోవాలని ఉందా? అయితే ఐఆర్సీటీసీ అందిస్తున్న దుబాయ్ స్పెషల్ టూర్ మీకోసమే. 4 రాత్రులు, 5 పగళ్ల పాటు సాగే ఈ విహారయాత్రలో మీరు అబుదాబీతో పాటు దుబాయ్‌లోని అద్భుతమైన ప్రదేశాలను సందర్శించవచ్చు. ఒక్కసారి ప్యాకేజీ బుక్ చేసుకుంటే చాలు.. భోజనం, వసతి, లోకల్ గైడ్ బాధ్యత అంతా రైల్వే శాఖదే. ఈ ప్యాకేజీకి సంబంధించిన పూర్తి వివరాలు మీకోసం.

ప్యాకేజీ వివరాలు ధర

ఐఆర్సీటీసీ దుబాయ్ ప్యాకేజీని ఒక్కొక్కరికి రూ. 94,730 గా నిర్ణయించారు. ఈ యాత్ర 4 రాత్రులు మరియు 5 పగళ్ల పాటు సాగుతుంది. ఈ ప్యాకేజీని జైపూర్, ఢిల్లీ, ముంబై, బెంగళూరు, అహ్మదాబాద్ మరియు కొచ్చి వంటి ప్రధాన నగరాల పర్యాటకులు వినియోగించుకోవచ్చు. అందరినీ కలిపి ఒకే గ్రూప్‌గా తీసుకెళ్లడం ద్వారా విదేశాలలో భారతీయ సాంస్కృతిక వైవిధ్యం ఐక్యతను చాటాలని ఐఆర్సీటీసీ లక్ష్యంగా పెట్టుకుంది.

ప్యాకేజీలో ఏమేమి ఉంటాయి?

ఈ టూర్ ప్యాకేజీ అత్యంత సౌకర్యవంతంగా రూపొందించబడింది. ఇందులో కింది సదుపాయాలు ఉంటాయి:

ప్రయాణం: రానుపోను విమాన టిక్కెట్లు.

వసతి: త్రీ-స్టార్ హోటళ్లలో బస.

వీసా: దుబాయ్ టూరిస్ట్ వీసా ఛార్జీలు.

ఆహారం: ప్యాకేజీలో భాగంగా భోజన సదుపాయం.

సైట్ సీయింగ్: ఏసీ బస్సుల్లో దుబాయ్ అందాలను చూడవచ్చు.

అదనపు ఆకర్షణలు: ఎడారి సఫారీ (Desert Safari) మరియు లోకల్ టూర్ గైడ్ సేవలు.

భద్రత: పర్యాటకులందరికీ ట్రావెల్ ఇన్సూరెన్స్.

ఎలా బుక్ చేసుకోవాలి?

పర్యాటకులు ఐఆర్సీటీసీ అధికారిక వెబ్‌సైట్ లేదా ఐఆర్సీటీసీ టూరిజం మొబైల్ యాప్ ద్వారా ఈ ప్యాకేజీని బుక్ చేసుకోవచ్చు. గణతంత్ర దినోత్సవ సందర్భంగా ఈ ఆఫర్ ఉండటంతో టిక్కెట్లు త్వరగా అమ్ముడయ్యే అవకాశం ఉంది. కాబట్టి ఆసక్తి గల వారు వీలైనంత త్వరగా నిర్ణయం తీసుకోవడం ఉత్తమం.