Valentine’s Day 2023: మీ ప్రియమైన వారికి ఈ గిఫ్ట్ ఇవ్వండి.. బతికి ఉన్నంతకాలం మర్చిపోరు.. ఆరోగ్యంగా, ఆనందంగా జీవిస్తారు..
ఇది ఒక్క వాలెంటైన్స్ డే రోజుకు మాత్రమే పరిమతం కాకూడదు. దంపతులుగా బతికి ఉన్నంత కాలం ఇదే ప్రేమ, ఆప్యాయత, ఆదరణ ఒకరిపై ఒకరికి ఉండాలి. అందుకు ఈ గిఫ్ట్ ఇవ్వండి.
Updated on: Feb 14, 2023 | 1:54 PM
వాలెంటైన్స్ డే.. ఒకరిపై మరొకరి ప్రేమను వ్యక్తపరిచేందుకు అద్భుతమైన అవకాశం. మీ ప్రియమైన వారి పట్ల ప్రేమను, శ్రద్ధను, సంరక్షణను చేతల్లో చూపించే అరుదైన అవకాశం. ఈ సమయాన్ని ఎవరు వృథా చేసుకుంటారు చెప్పండి.. అందుకే వాలెంటైన్స్ డే అంత ప్రాధాన్యం ఉంటుంది. బహుమతులు ఇవ్వడం.. ప్రియమైన వారు కొరుకున్నది చేయడం చేస్తుంటారు. అయితే ఇది ఒక్క వాలెంటైన్స్ డే రోజుకు మాత్రమే పరిమతం కాకూడదు. దంపతులుగా బతికి ఉన్నంత కాలం ఇదే ప్రేమ, ఆప్యాయత, ఆదరణ ఒకరిపై ఒకరికి ఉండాలి. ఈ సమయంలో కొంత మంది కొన్ని ప్రామిస్ లు చేస్తుంటారు. అది చేయను.. ఇది చేయను.. ఇలా ఉంటా.. అలా ఉంటా.. అంటూ తన జీవిత భాగస్వామికి వాగ్దానాలు చేస్తూ ఉంటారు. అయితే ఈ ప్రామిస్లు మీ ఆరోగ్యానికి సంబంధించినవి అయితే బాగుంటుంది. ఒకరి పట్ల ఒకరికి వారి ఆరోగ్యంపై శ్రద్ధ అవి తెలియజేస్తాయి. ఆ ప్రామిస్ లు ఒకరు మర్చిపోయినా.. మరొకరు గుర్తు చేసుకునే వీలుంటుంది. అందుకే ఈ వ్యాలెంటైన్స్ డే రోజున మీ ప్రియమైన వారికి ఆరోగ్యాన్ని గిఫ్ట్ గా ఇవ్వండి.. ఆరోగ్యాన్ని గిఫ్ట్ గా ఎలా ఇవ్వగలం? ఇదిగో ఇలా.. ఓ సారి మీరు చదివేయండి..
జంక్, ప్రాసెస్డ్ ఫుడ్కి ఫుల్ స్టాప్.. ఆరోగ్య నిపుణుల అభిప్రాయం ప్రకారం, క్రమం తప్పకుండా జంక్ ఫుడ్ తినడం వల్ల ఊబకాయం, అధిక బరువు, కార్డియోవాస్కులర్ డిసీజ్, టైప్ 2 డయాబెటిస్ వంటి దీర్ఘకాలిక వ్యాధులు వచ్చే ప్రమాదం ఉంది. చెడు కొలెస్ట్రాల్ పెరిగి కాలేయ వ్యాధి, కిడ్నీ సమస్యలు, క్యాన్సర్లు వచ్చే అవకాశం ఉంటుంది. ఈ ఫాస్ట్ ఫుడ్స్ చాలా రుచికరమైనవి అయినప్పటికీ ఫైబర్ లేని కార్బోహైడ్రేట్లతో నిండి ఉంటాయి. మీ జీర్ణవ్యవస్థ ఈ ఆహారాలను విచ్ఛిన్నం చేసినప్పుడు, మీ రక్తంలో చక్కెర స్థాయి పెరుగుతుంది. ఇది మీ అన్ని అవయవాలను తిమ్మిరి కలుగజేస్తుంది. అధిక మొత్తంలో కార్బోహైడ్రేట్లను తరచుగా తినడం వల్ల మీకు మధుమేహం, అనారోగ్యకరమైన బరువు పెరిగే ప్రమాదం ఉంది. అది ఊబకాయానికి దారి తీస్తుంది. ఇది ఉబ్బసం, శ్వాస ఆడకపోవడం వంటి శ్వాసకోశ సమస్యల ప్రమాదాన్ని పెంచుతుంది. నిపుణుల అభిప్రాయం ప్రకారం, ఫాస్ట్ ఫుడ్ మీ సంతానోత్పత్తిపై కూడా ప్రభావం చూపుతుంది. ప్రాసెస్ చేయబడిన ఆహారంలో థాలేట్స్ ఉంటాయి, ఇవి మీ శరీరంలో హార్మోన్ల పనితీరుకు అంతరాయం కలిగించే రసాయనాలు. ఈ రసాయనాలకు గురికావడం వల్ల పునరుత్పత్తి సమస్యలు తలెత్తుతాయి. అందుకే వీటికి జంటగా ఫుల్ స్టాప్ పెట్టేయండి.
క్రమం తప్పకుండా వ్యాయామం.. జంటగా వ్యాయామం చేయడం చాలా ప్రయోజనకరంగా ఉంటుంది. ఎందుకంటే ఇది దంపతులు కలిసి కొంత మంచి, నాణ్యమైన సమయాన్ని గడపడమే కాకుండా ప్రతిరోజూ వ్యాయామం చేయడానికి ఒకరికొకరు స్ఫూర్తినిస్తుంది. సుదీర్ఘమైన, చురుకైన నడకలకు వెళ్లడమే కాకుండా, మీరు జిమ్లో చేరవచ్చు లేదా మీకు ఇష్టమైన టెన్నిస్, బ్యాడ్మింటన్ స్క్వాష్లను కలిసి ఆడవచ్చు. మీ శరీరాన్ని ఫిట్గా ఆరోగ్యంగా ఉంచుకోవడానికి ప్రతిరోజూ కనీసం 30 నుంచి 45 నిమిషాల పాటు వ్యాయామం చేయాలని నిపుణులు చెబుతున్నారు.
ఆరోగ్యకరమైన ఆహారాన్ని తీసుకోవాలి.. ఆరోగ్యకరమైన, తాజా ఆహారాన్ని తినడం అనేది మనమందరం మనకు వాగ్దానం చేసుకుంటాం. కానీ తరచుగా అనుసరించలే.. జంటగా, వారానికి కనీసం ఐదు రోజులు కలిసి భోజనం వండడానికి, తాజా, కాలానుగుణ ఆహారాన్ని తినడానికి ఒకరినొకరు ప్రేరేపించడం చాలా ముఖ్యం. బంధానికి మీకు సమయం ఇవ్వడంతో పాటు, మీరు సాధారణంగా ఇష్టపడని ఆహార సమూహాలను కూడా తినడానికి ఒకరినొకరు ప్రేరేపించడంలో కూడా ఇది సహాయపడుతుంది. తాజా పండ్లు, కూరగాయలు, తృణధాన్యాలు, పాల ఉత్పత్తులు, చికెన్, ఇతర మాంసాహారాన్ని తినడం ఉత్తమం.
తొందరగా లేవండి.. ఎర్లీ రైజింగ్ చాలా ఆరోగ్య ప్రయోజనాలను కలిగి ఉంది. సూర్యోదయానికి ముందే మేల్కొలపడం నిజంగా పెద్ద యుద్ధమే, కానీ మీ ఆరోగ్యం, ఫిట్నెస్ విషయానికి వస్తే అది విలువైనదే. ఇది రోజంతా మిమ్మల్ని మరింత ఉత్సాహంగా పనిచేయడానికి ప్రోత్సహిస్తుంది. ఒత్తిడిని తగ్గిస్తుంది. మీరు వ్యాయామం చేయడానికి ఎక్కువ సమయం, మెరుగైన నిద్ర షెడ్యూల్, వేగవంతమైన జీవక్రియ, ఆరోగ్యకరమైన చర్మం, తక్కువ నల్లటి వలయాలు, పని, సామాజిక సంబంధాలపై దృష్టి పెట్టడానికి ఎక్కువ శక్తిని పొందుతారు.
మరిన్ని లైఫ్ స్టైల్ వార్తల కోసం..
