Relationship Tips: మీ వైవాహిక జీవితం బోరింగ్ గా మారిపోయిందా? ఈ ‘777 ఫార్ములా’తో మీ బంధంలో మళ్లీ కొత్త ఉత్సాహం ఖాయం!

ప్రస్తుత ఉరుకుల పరుగుల జీవితంలో భార్యాభర్తలు ఇద్దరూ తమ వృత్తిపర లక్ష్యాలు కుటుంబ బాధ్యతల్లో మునిగిపోతున్నారు. పెళ్లయిన తొలినాళ్లలో ఉండే ఆ ఉత్సాహం ఒకరికొకరు ఇచ్చుకునే ప్రాధాన్యత కాలక్రమేణా ఒక సాధారణ అలవాటుగా మారిపోతుంది. ఒకే ఇంట్లో పక్కపక్కనే ఉంటున్నా కూడా భార్యాభర్తల మధ్య మాటలు తగ్గిపోయి ఏదో ఒక వింత దూరం ఏర్పడుతుంది. ప్రస్తుత కాలంలో, చాలా జంటలు కేవలం ఈ చిన్నపాటి దూరం వల్లే మానసికంగా విడిపోవడానికి లేదా విడాకుల వరకు వెళ్లడానికి దారితీస్తోంది. ఇలాంటి విసుగును ఛేదించి, దంపతుల మధ్య మళ్లీ పాత శృంగారాన్ని, ప్రేమను చిగురింపజేయడానికి మానవ సంబంధాల నిపుణులు సూచిస్తున్న అత్యంత ప్రభావవంతమైన జనాదరణ పొందిన ఆధునిక వ్యూహమే ఈ ‘777 ఫార్ములా’. ఎంత బిజీగా ఉండే జీవనశైలిలోనైనా ఇది అద్భుతంగా పనిచేస్తుంది.

మొదటి 7: ప్రతి ఏడు రోజులకు ఒక డేట్ నైట్ వారం మొత్తం ఆఫీసు పనులు, ఇంటి బాధ్యతలు, పిల్లల చదువులు ఇలా ఎవరి బిజీలో వారు ఉండటం వల్ల భార్యాభర్తలు ఒకరికొకరు కనీస సమయం కూడా కేటాయించుకోలేకపోతున్నారు. ఈ 777 నియమం ప్రకారం, వారానికి కనీసం ఒక్కసారైనా (అంటే ప్రతి ఏడు రోజులకు ఒకసారి) కుటుంబ సభ్యులు లేదా పిల్లలు లేకుండా భార్యాభర్తలు ఇద్దరూ మాత్రమే బయట ఎక్కడికైనా డేట్‌కు వెళ్లాలి. అది ఇద్దరికీ ఇష్టమైన రెస్టారెంట్ లో డిన్నర్ కావచ్చు, ఇద్దరూ కలిసి ఒక మంచి సినిమా చూడటం కావచ్చు, లేదా ప్రశాంతంగా ఎవరూ లేని చోట లాంగ్ డ్రైవ్ కావచ్చు. ఒంటరిగా కొంత సమయం గడపడం వల్ల ఒకరి మనసులోని మాటలు మరొకరు పంచుకోవడానికి అవకాశం ఏర్పడుతుంది.

రెండవ 7: ప్రతి ఏడు వారాలకు ఒక చిన్న యాత్ర రోజువారీ దినచర్య ఎవరికైనా విసుగు తెప్పిస్తుంది. అందుకే ప్రతి ఏడు వారాలకు (సుమారు ఒకటిన్నర నెలలకు) ఒకసారి దంపతులు ఒక చిన్న యాత్రను ప్లాన్ చేసుకోవాలి. అది మరీ దూరంగా ఉండే ప్రదేశం కాకపోయినా, నగరానికి దగ్గరలో ఉన్న ఏదైనా పర్యాటక ప్రాంతానికి వెళ్లడం లేదా శని, ఆదివారాలు ఒకటి రెండు రోజుల పాటు ప్రశాంతంగా ఉండే రిసార్ట్‌ను సందర్శించడం లాంటివి చేయాలి. ఇలా ఇంటి వాతావరణానికి దూరంగా వెళ్లడం వల్ల ఆఫీసు కుటుంబ సంబంధమైన మానసిక అలసట పూర్తిగా తగ్గిపోతుంది. కొత్త వాతావరణంలో ఇద్దరి మధ్య ప్రేమ మరింతగా పెరుగుతుంది.

మూడవ 7: ప్రతి ఏడు నెలలకు ఒక సుదూర ప్రయాణం ఈ ఫార్ములాలో చివరి అత్యంత ముఖ్యమైన నియమం ప్రతి ఏడు నెలలకు ఒకసారి సుదీర్ఘ సెలవు తీసుకోవడం. భార్యాభర్తలిద్దరూ తమ వృత్తిపరమైన పనులకు విరామం ఇచ్చి, దూరంగా ఉన్న ఏదైనా కొత్త ప్రదేశానికి లేదా విదేశీ పర్యటనకు ప్రయాణించాలి. ఇది రోజువారీ దినచర్య నుండి పూర్తి స్థాయి విరామం ఇవ్వడానికి సహాయపడుతుంది. కొత్త ప్రదేశంలో కొత్త అనుభవాలు మీ బంధంలో కొత్త ఉత్సాహాన్ని, కోల్పోయిన శృంగారాన్ని తిరిగి తీసుకురావడానికి ఎంతగానో తోడ్పడతాయి.

ఈ ఫార్ములా వల్ల కలిగే అద్భుతమైన ప్రయోజనాలు క్రమబద్ధమైన పని షెడ్యూల్ కుటుంబ జీవితాన్ని నిర్వహించడంలో వచ్చే తీవ్రమైన విసుగును ఈ 777 నియమం సులభంగా దూరం చేస్తుంది. పని ఒత్తిడి కారణంగా ఒకరికొకరు దూరంగా ఉన్న జంటలు ఈ నియమాన్ని పాటించడం వల్ల తమకంటూ ప్రత్యేకమైన నాణ్యమైన సమయాన్ని పొందుతారు. జీవితంలో తీసుకునే ఇటువంటి క్రమమైన విరామాలు కొత్త వాతావరణాలు భార్యాభర్తల మధ్య బంధం లోతును, ప్రేమను అనంతంగా పెంచుతాయి. ఈ చిన్న నియమాలను మీ జీవితంలో అలవాటు చేసుకుంటే మీ వివాహ బంధానికి కచ్చితంగా ఒక కొత్త శోభ చేకూరుతుంది.