నీళ్లు తక్కువగా తాగే వారు త్వరగా మరణిస్తారు.. కొత్త అధ్యయనం ఏం చెబుతుందో తెలుసా..?
అమెరికా నేషనల్ ఇన్స్టిట్యూట్ ఆఫ్ హెల్త్ దీనిపై కొత్త పరిశోధన చేసింది. తక్కువ నీరు తాగే వ్యక్తులు హైడ్రేటెడ్ గా ఉండే యువకుల కంటే పెద్దవారిగా కనిపిస్తారు. వీరికి అకాల మరణాలు వచ్చే ప్రమాదం ఎక్కువగా ఉందని అధ్యయనంలో తేలింది. దీంతో శరీరం డీహైడ్రేషన్కు గురైతే రోగాలు ఎక్కువగా వస్తాయని వెల్లడించింది.
Updated on: Sep 27, 2023 | 10:26 PM
మన శరీరానికి నీరు ఎంత ముఖ్యమో మనందరికీ తెలుసు. మూడు నాలుగు రోజులు తినకుండా బతికేయొచ్చు కానీ, నీరు లేకుండా ఒక రోజు కూడా కష్టమే. మనం ప్రతిరోజూ ఎంత నీరు తీసుకోవాలి అనే దాని గురించి నిపుణులు తరచుగా సమాచారం ఇస్తారు. ప్రతిరోజూ రెండు మూడు లీటర్ల నీరు మన శరీరంలో చేరాలి. నీరు తాగడం వల్ల మన శరీరంలో హైడ్రేట్ అవ్వడమే కాకుండా శరీరంలోని అన్ని మలినాలను బయటకు పంపుతుంది. నీరు ఆరోగ్యానికి మంచిది.. కానీ, నీటిని ఎక్కువగా తీసుకోవడం మంచిది కాదు. రోజుకు నాలుగు లీటర్ల కంటే ఎక్కువ నీరు తాగడం ఆరోగ్యానికి హానికరం. అదేవిధంగా, మీరు ప్రతిరోజూ ఒక లీటరు కంటే తక్కువ నీటిని తీసుకుంటే, అది కూడా ప్రమాదకరమే. తక్కువ నీరు తాగే వారు త్వరగా చనిపోతారని ఓ అధ్యయనంలో తేలింది.
అమెరికా నేషనల్ ఇన్స్టిట్యూట్ ఆఫ్ హెల్త్ దీనిపై కొత్త పరిశోధన చేసింది. తక్కువ నీరు తాగే వ్యక్తులు హైడ్రేటెడ్ గా ఉండే యువకుల కంటే పెద్దవారిగా కనిపిస్తారు. వీరికి అకాల మరణాలు వచ్చే ప్రమాదం ఎక్కువగా ఉందని అధ్యయనంలో తేలింది. దీంతో శరీరం డీహైడ్రేషన్కు గురైతే రోగాలు ఎక్కువగా వస్తాయని వెల్లడించింది. ఈ అధ్యయనంలో 45 నుండి 66 సంవత్సరాల వయస్సు గల వారు పాల్గొన్నారు. దీని తరువాత, 70 నుండి 90 సంవత్సరాల వయస్సు గల వ్యక్తులపై తదుపరి పరీక్షలు నిర్వహించబడ్డాయి.
పరిశోధన ప్రకారం, శరీరంలో సోడియం స్థాయి పెరగడానికి తక్కువ నీరు తీసుకోవడం కారణం. ఒక వ్యక్తి తక్కువ నీటిని తీసుకుంటే వారి రక్తంలో ఎక్కువ సోడియం ఉంటుంది. రక్తంలో ఎక్కువ సోడియం ఉన్న వ్యక్తులు ఇతరులకన్నా వేగంగా వృద్ధులు అవుతారు. అదే సమయంలో హైబీపీ, కొలెస్ట్రాల్, మధుమేహం వంటి సమస్యలతో బాధపడటం ప్రారంభిస్తారు. అనేక వ్యాధులు కూడా వీరిని ప్రభావితం చేస్తున్నాయని పరిశోధనలు చెబుతున్నాయి.
మన రక్తానికి సోడియం ఎంత మేలు చేస్తుందో కూడా ఒక పరిశోధన నివేదిక చెబుతోంది. మానవునికి లీటరు రక్తంలో 142 మిల్లీమోల్స్ సోడియం ఉండాలి. ఇది దాటితే అనారోగ్యం మొదలవుతుంది. రక్తంలో ఎక్కువ సోడియం గుండె వైఫల్యం, స్ట్రోక్, ఊపిరితిత్తుల వ్యాధి, మధుమేహం, చిత్తవైకల్యం వంటి అనేక తీవ్రమైన అనారోగ్యాల ప్రమాదాన్ని పెంచుతుంది.
శరీరంలో డీహైడ్రేషన్ కీళ్ల నొప్పులు, శరీర ఉష్ణోగ్రతలో హెచ్చుతగ్గులకు కారణమవుతుంది. ఇది మలబద్ధకం, మూత్రపిండాల్లో రాళ్లతో సహా కొన్ని సమస్యలను కలిగిస్తుంది. తక్కువ నీరు తాగడం వల్ల రక్తంలో సోడియం స్థాయి ఎక్కువగా ఉంటుందని పరిశోధనలు చెబుతున్నాయి, అయితే ఎక్కువ నీరు తాగడం వల్ల అన్నీ నయమవుతాయని మాత్రం ఎక్కడా చెప్పలేదు.
మరిన్ని లైఫ్ స్టైల్ న్యూస్ కోసం క్లిక్ చేయండి..
