Thyroid Disorder: థైరాయిడ్ సమస్యతో ఇబ్బంది పడుతున్నారా.. ఇంట్లోనే చికిత్స తీసుకోండి ఇలా..

ప్రస్తుతం థైరాయిడ్ సమస్యలతో బాధపడేవారి సంఖ్య అధికంగా ఉంది. ముఖ్యంగా ఈ సమస్యతో మహిళలే ఎక్కువ మంది బాధపడుతున్నారు. థైరాయిడ్ గ్రంథి మన మెడ వెనుక భాగంలో ఉంటుంది. ఇది మన శరీరంలోని జీవక్రియలను నియంత్రించడంలో సహాయపడుతుంది. మెడలో ఉండే థైరాయిడ్ గ్రంధి సీతాకోకచిలుక ఆకారంలో ఉండే గ్రంథి. ఇది థైరాక్సిన్ (T4), ట్రైయోడోథైరోనిన్ (T3) హార్మోన్లను ఉత్పత్తి చేస్తుంది. ఈ థైరాయిడ్ సమస్యను రెండు రకాలుగా విభజించారు వైద్య నిపుణులు. ఒకటి హైపోథైరాయిడిజం, మరొకటి హైపర్ థైరాయిడిజం.

హైపోథైరాయిడిజమ్‌ను అండర్‌యాక్టివ్ థైరాయిడ్ అని కూడా అంటారు. ఒక వ్యక్తికి తగినంత థైరాయిడ్ హార్మోన్ ఉత్పత్తి లేనప్పుడు ఇది సంభవిస్తుంది. అదే సమయంలో శరీరంలో చాలా థైరాయిడ్ హార్మోన్ ను ఉత్పత్తి అయినప్పుడు హైపర్ థైరాయిడిజం సంభవిస్తుంది. ఈ హైపోథైరాయిడిజమే చాలా మంది స్త్రీలు స్థూలకాయం బారిన పడడానికి కారణం.

సాధారణంగా థైరాయిడ్ సమస్యలు పురుషుల కంటే మహిళల్లోనే ఎక్కువగా కనిపిస్తాయి. థైరాయిడ్ వల్ల మహిళల్లో స్థూలకాయం, పీరియడ్స్ క్రమం తప్పడం, అలసట, మూడ్ స్వింగ్స్ వంటివి లక్షణాలు కనిపిస్తాయి. కనుక ఇంట్లో ఉండే వస్తువులతో థైరాయిడ్ సమస్యను సహజంగా నయం చేసుకోవచ్చు. అవి ఏమిటో ఈ రోజు తెలుసుకుందాం.

ఇవి కూడా చదవండి

ఘీ కాఫీ ఆరోగ్యానికి మంచిదే.. ఎలా తాగితే ఆరోగ్యకరం అంటే

అక్టోబర్ 3న శ్రీవారి బ్రహ్మోత్సవ అంకురార్పణం.. సర్వం సిద్ధం

ఇంద్రకీలాద్రి పై రేపటి నుంచి దసరా నవరాత్రులు.. ఏర్పాట్లు పూర్తి

టిఫిన్ ను నెల రోజుల పాటు స్కిప్ చేస్తే ఎంత అనారోగ్యమో తెలుసా

ధనియాలు

ధనియాలల్లో సహజసిద్ధమైన థైరాయిడ్‌ను నియంత్రించే గుణాలు ఉన్నాయి. థైరాయిడ్ నియంత్రణ కోసం ఒక గాజు గ్లాసుని తీసుకుని రెండు చెంచాల ధనియాలు వేసి నీరు పోసి రాత్రంతా నానబెట్టండి. ఉదయం నిద్ర లేవగానే వీటిని తీసుకోవడం వల్ల హైపర్ థైరాయిడిజం అదుపులో ఉంటుంది. అలాగే జీర్ణక్రియను మెరుగుపరచడంలో సహాయపడుతుంది.

కొత్తిమీర రసం:

కొత్తిమీరలో విటమిన్ ఎ, సి, బి పుష్కలంగా ఉన్నాయి. ఇవి థైరాయిడ్ లెవల్స్ ను క్రమబద్ధీకరించి, థైరాయిడ్ లెవల్స్ ను బ్యాలెన్స్ లో ఉంచుతాయి. థైరాయిడ్ సంబంధిత సమస్య ఎముకల్లో విపరీతమైన నొప్పిని కలిగిస్తుంది. కొత్తిమీర రసం ఎముకల నొప్పి నుంచి ఉపశమనం అందించడంలో చాలా ప్రభావవంతంగా పని చేస్తుంది. అలాగే కొత్తిమీర ఆకులలో యాంటీఆక్సిడెంట్ లక్షణాలు పుష్కలంగా ఉన్నాయి. ఇవి ఫ్రీ రాడికల్స్ వల్ల కలిగే హాని నుంచి శరీర కణాలను రక్షించడంలో సహాయపడతాయి.

తులసి ఆకులు అలోవెరా:

తులసి, కలబంద రెండు శక్తివంతమైన ఆకులు. ఈ రెండు శరీరానికి వివిధ ఆరోగ్య ప్రయోజనాలను అందిస్తాయి. తులసి ఆకులు యాంటీ బాక్టీరియల్, యాంటీవైరల్, యాంటీ ఇన్ఫ్లమేటరీలు అధికంగా ఉంటాయి. ఇవి థైరాయిడ్ సమస్యలను అదుపులో ఉంచుతాయి. అయితే వీటిని హైపర్ థైరాయిడ్ రోగులు మాత్రమే తీసుకోవాలి.

తులసి ఆకు రసం థైరాయిడ్ సంబంధిత వ్యాధులను నయం చేస్తుంది. రెండు చెంచాల తులసి రసాన్ని ఒక చెంచా కలబంద రసంతో కలిపి జ్యూస్‌గా తీసుకోవాలి. వీటిని రెగ్యులర్ గా తీసుకోవడం వల్ల థైరాయిడ్ సమస్యల నుంచి బయటపడవచ్చు.

కొబ్బరి నూనె:

థైరాయిడ్ సమస్య ఉన్నవారు కొబ్బరి నూనెను ఔషధంగా తీసుకోవచ్చు. కొబ్బరి నూనెలో ఉండే మీడియం చైన్ ఫ్యాటీ యాసిడ్స్ థైరాయిడ్ గ్రంధికి బాగా పని చేస్తాయి. అలాగే, కొబ్బరి నూనె జీవక్రియను పెంచుతుంది. శరీర ఉష్ణోగ్రతను నియంత్రిస్తుంది. అంతేకాదు ఇది బరువు తగ్గడానికి కూడా సహాయపడుతుంది.

మరిన్ని లైఫ్ స్టైల్ వార్తల కోసం క్లిక్ చేయండి..

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)