Migraine Cure: మారుతున్న వాతావరణం వల్ల మైగ్రేన్ సమస్య పెరుగుతోంది..?.. ఎలా తగ్గించుకోవాలో తెలసుకోండి..
ముఖ్యంగా వేడి, తేమతో కూడిన వాతావరణంలో నీరు ఎక్కువగా తాగుతూ ఉండాలని వైద్య నిపుణులు సూచిస్తున్నారు. ఇకపోతే, మైగ్రేన్లను తీవ్రతరం చేసే అత్యంత సాధారణ కారకాల్లో ఒత్తిడి ఒకటి.
Updated on: Feb 20, 2023 | 10:01 AM
వాతావరణ మార్పుల కారణంగా ప్రజల ఆరోగ్యం రోజురోజుకూ క్షీణిస్తుంది. వాతావరణ సంబంధిత మైగ్రేన్ ట్రిగ్గర్స్ వెనుక ఖచ్చితమైన కారణంపై ఇంకా అధ్యయనాలు లేవు. ఈ సమస్య వ్యక్తికి వ్యక్తికి మారుతూ ఉంటుంది. వాతావరణ పీడనం, ఉష్ణోగ్రతలో మార్పులు మెదడుకు రక్త ప్రసరణలో మార్పులకు కారణమవుతాయని కొన్ని అధ్యయనాలు సూచించాయి. ఇది మైగ్రేన్లకు దారితీస్తుందని అంచనా వేస్తున్నారు. ఇతర అధ్యయనాలు సెరోటోనిన్, డోపమైన్ వంటి కొన్ని న్యూరోట్రాన్స్మిటర్ల స్థాయిలలో మార్పులను కలిగి ఉండవచ్చని సూచించాయి. సీజనల్ మైగ్రేన్లను నివారించడానికి ఇక్కడ కొన్ని చిట్కాలు ఉన్నాయి.
వాతావరణ సంబంధిత మైగ్రేన్లను నివారించడానికి చిట్కాలు ఒత్తిడి నిర్వహణ : మైగ్రేన్లను తీవ్రతరం చేసే అత్యంత సాధారణ కారకాల్లో ఒత్తిడి ఒకటి. అందువల్ల, యోగా, ధ్యానం, లోతైన శ్వాస వ్యాయామాలు వంటి ఒత్తిడి నిర్వహణ పద్ధతులను పాటించడం ద్వారా మైగ్రేన్ల నుండి ఉపశమనం పొందవచ్చు.
సన్ గ్లాసెస్ ధరించడం : ప్రకాశవంతమైన సూర్యకాంతి కొంతమందిలో మైగ్రేన్లను ప్రేరేపిస్తుంది. ప్రకాశవంతమైన లైట్లు నేరుగా కళ్ళను ప్రభావితం చేస్తాయి. ప్రమాదాన్ని తగ్గించడానికి సన్ గ్లాసెస్, విస్తృత అంచుగల టోపీని ధరించడం ద్వారా తగ్గించవచ్చు.
మైగ్రేన్ల రికార్డును ఉంచండి : మీరు మైగ్రేన్ ట్రిగ్గర్లను పొందినప్పుడు వాతావరణ పరిస్థితులను ట్రాక్ చేయండి. ఇది ట్రిగ్గర్లను గుర్తించి, నివారణ చర్యలు తీసుకోవడంలో మీకు సహాయపడుతుంది. హైడ్రేటెడ్ గా ఉండండి నిర్జలీకరణం మైగ్రేన్లను ప్రేరేపిస్తుంది. కాబట్టి ,ముఖ్యంగా వేడి, తేమతో కూడిన వాతావరణంలో నీరు ఎక్కువగా తాగుతూ ఉండాలని వైద్య నిపుణులు సూచిస్తున్నారు.
నిద్ర : వాతావరణంలో మార్పు నిద్ర విధానాలకు భంగం కలిగిస్తుంది. ఇది మైగ్రేన్లకు దారితీస్తుంది. మీరు ప్రతి రోజూ రాత్రి తగినంత నిద్రపోయేలా చూసుకోండి. క్రమం తప్పకుండా మంచి నిద్ర మీ మొత్తం ఆరోగ్యంపై సానుకూల ప్రభావం చూపుతుంది.
ఆరోగ్య సంబంధిత వార్తల కోసం ఇక్కడ క్లిక్ చేయండి
