చీప్‌గా చూడొద్దు.. ఔషధం కన్నా పవర్‌ఫుల్.. వీటిని తింటే సైలెంట్ కిల్లర్‌కు ఇట్టే చెక్ పెట్టొచ్చు..

అధిక రక్తపోటు (హైపర్‌టెన్షన్) ని సైలెంట్ కిల్లర్ అని పిలుస్తారు.. ఎందుకంటే.. ఇది తరచుగా ఎలాంటి లక్షణాలు లేకుండా చాలా కాలం పాటు శరీరంలో ఉండి, క్రమంగా గుండె జబ్బులు, స్ట్రోక్, ఇతర ఆరోగ్య సమస్యలకు దారితీస్తుంది. మీరు మీ ఆరోగ్యాన్ని కాపాడుకోవాలనుకుంటే, మీరు పెరుగుతున్న రక్తపోటును ఎలాగైనా నియంత్రించుకోవాలి. ఇది జరగకపోతే, గుండె జబ్బులు, మూత్రపిండాల వ్యాధులు, స్ట్రోక్ వంటి అనేక తీవ్రమైన ఆరోగ్య పరిస్థితులు తలెత్తుతాయని వైద్య నిపుణులు హెచ్చరిస్తున్నారు. బిపి (రక్తపోటు) ని నిర్వహించడంలో ఆహారం ముఖ్యమైన పాత్ర పోషిస్తుంది. అటువంటి పరిస్థితిలో పెరుగుతున్న బిపిని తగ్గించడానికి మనం ఈ 5 ఆహారాలు తినాలని వైద్య నిపుణులు సూచిస్తున్నారు. అవేంటో తెలుసుకోండి..

బీపీని తగ్గించే ఆహారాలు

1. అరటిపండ్లు: అరటిపండ్లు సులభంగా లభించే ఆహారం. అరటిపండ్లలో పొటాషియం పుష్కలంగా ఉంటుంది.. ఇది మూత్రపిండాలు శరీరం నుంచి అదనపు సోడియంను తొలగించడంలో సహాయపడుతుంది.. తద్వారా రక్తపోటును తగ్గడంతోపాటు.. అదుపులో ఉంటుంది.
2. డార్క్ చాక్లెట్: వీటిలో మెగ్నీషియం – ఫ్లేవనాయిడ్లు పుష్కలంగా ఉంటాయి. ఇవి నైట్రిక్ ఆక్సైడ్ ఉత్పత్తిని పెంచడం ద్వారా రక్తపోటును తగ్గిస్తాయి.. ఇది సిరలను విస్తరించేలా చేయడంతోపాటు రక్త ప్రసరణను మెరుగుపరిచే అణువు. తక్కువ పరిమాణంలో అధిక నాణ్యత గల డార్క్ చాక్లెట్ కూడా బిపిని గణనీయంగా తగ్గిస్తుందని పరిశోధనలు చెబుతున్నాయి.
3. బీట్‌రూట్: బీట్‌రూట్‌లో ఉండే సేంద్రీయ నైట్రేట్లు బిపిని మెరుగుపరుస్తాయి.. వీటిని శరీరం నైట్రిక్ ఆక్సైడ్‌గా మారుస్తుందని వైద్యులు చెబుతున్నారు. బీట్‌రూట్ రసం క్రమం తప్పకుండా తీసుకోవడం వల్ల రక్తపోటు తగ్గుతుందని పరిశోధనలో తేలింది.. ఇది గుండె ఆరోగ్యకరమైన ఆహారంలో అద్భుతమైనదని పేర్కొంటున్నారు.
4. దానిమ్మ: దానిమ్మలో యాంటీఆక్సిడెంట్లు పుష్కలంగా ఉంటాయి. అవి ముఖ్యంగా రక్తపోటు నియంత్రణకు అద్భుతమైన ఆరోగ్య ప్రయోజనాలను అందిస్తాయి. ఆంజియోటెన్సిన్-కన్వర్టింగ్ ఎంజైమ్ స్థాయిలను తగ్గించడం ద్వారా బిపిని అదుపులో ఉంచగలవని వైద్యులు చెబుతున్నారు.
5. అల్లం: అల్లం దాని ఔషధ గుణాలకు ప్రసిద్ధి చెందింది. దీన్ని మీ ఆహారం లేదా పానీయంలో చేర్చుకోవడం వల్ల రుచి పెరుగుతుంది. ముఖ్యమైన ఆరోగ్య ప్రయోజనాలను కూడా అందిస్తుంది. అల్లం సహజ కాల్షియం ఛానల్ బ్లాకర్‌గా పనిచేయవచ్చు.. ఇది బిపిని నియంత్రించడానికి ఉపయోగకరమైన సాధనంగా మారుతుంది..

హైబీపీతో లేదా లోబీపీతో ఇబ్బంది పడుతుంటే వెంటనే వైద్యులను సంప్రదించి చికిత్స పొందండి..

పెరుగుతున్న బిపిని తగ్గించడానికి మనం ఏం చేయాలో.. డాక్టర్ సౌరభ్ సేథి తన ఇన్‌స్టాగ్రామ్‌లో పోస్ట్ చేసిన వీడియోను చూడండి..

View this post on Instagram

A post shared by Saurabh Sethi (@doctor.sethi)

మరిన్ని హెల్త్ వార్తల కోసం ఇక్కడ క్లిక్ చేయండి..