జిమ్ములో వర్కౌట్ చేసిన తర్వాత ఈ ఫుడ్స్ తీసుకుంటే, హృతిక్ రోషన్ లాంటి కండలు మీ సొంతం..
శరీరాన్ని ఫిట్‌గా ఆరోగ్యంగా ఉంచుకోవడానికి క్రమం తప్పకుండా వ్యాయామం చేయడం చాలా ముఖ్యం. వ్యాయామం చేయడం వల్ల శారీరకంగానే కాకుండా మానసిక ఆరోగ్యం కూడా మెరుగుపడుతుంది.
Madhavi | Edited By: Ravi Kiran
Updated on: Mar 27, 2023 | 6:44 AM
శరీరాన్ని ఫిట్‌గా ఆరోగ్యంగా ఉంచుకోవడానికి క్రమం తప్పకుండా వ్యాయామం చేయడం చాలా ముఖ్యం. వ్యాయామం చేయడం వల్ల శారీరకంగానే కాకుండా మానసిక ఆరోగ్యం కూడా మెరుగుపడుతుంది. డైటీషియన్ల అభిప్రాయం ప్రకారం, ఫిట్‌గా ఉండాలంటే వారానికి 4-5 రోజులు కనీసం 30 నిమిషాల వర్కవుట్ చేయాలి. అయితే వ్యాయామంతో పాటు ఆరోగ్యకరమైన ఆహారం కూడా ముఖ్యం. చాలా మంది వ్యాయామం తర్వాత నీరు, జ్యూస్ లేదా షేక్ వంటివి మాత్రమే తాగుతారు. అయితే వర్కవుట్ చేసిన తర్వాత శరీరానికి శక్తి అవసరం. అందుకే జిమ్ తర్వాత ప్రోటీన్ కార్బోహైడ్రేట్లతో కూడిన ఆరోగ్యకరమైన స్నాక్స్ తినవచ్చు. దీంతో శరీరానికి తక్షణ శక్తి అందడంతో పాటు అలసట కూడా దూరమవుతుంది. పౌష్టికాహారం అందడంతో పాటు శరీరం కూడా ఆరోగ్యంగా ఉంటుంది. వర్కవుట్ చేసిన తర్వాత మీరు ఏ ఆరోగ్యకరమైన స్నాక్స్ తినవచ్చో తెలుసుకుందాం.
వ్యాయామం తర్వాత ఈ 5 ఆరోగ్యకరమైన స్నాక్స్ తినండి:
గుడ్లు:
వ్యాయామం తర్వాత మీరు గుడ్లు తినవచ్చు. గుడ్లు ప్రోటీన్ మంచి సోర్స్. ఒక గుడ్డులో దాదాపు 6 నుంచి 8 గ్రాముల ప్రొటీన్ ఉంటుంది. ఇది శరీరానికి శక్తిని అందించడమే కాకుండా అనేక ఆరోగ్య ప్రయోజనాలను కూడా అందిస్తుంది. వ్యాయామం తర్వాత గుడ్లు తినడం కండరాలను నిర్మించడంలో సహాయపడుతుంది. దీని కోసం, మీరు ఉడికించిన గుడ్లు, లేదా ఆమ్లెట్ తినవచ్చు.
బాదం;
బాదంలో పోషకాలు పుష్కలంగా ఉంటాయి. ఇందులో ప్రొటీన్, ఐరన్, క్యాల్షియం మొదలైనవి పుష్కలంగా లభిస్తాయి. వ్యాయామం తర్వాత బాదంపప్పు తినడం వల్ల కండరాలు బాగుపడతాయి. బాదం శరీరానికి తక్షణ శక్తిని అందించడానికి కూడా పనిచేస్తుంది. వ్యాయామం తర్వాత మీరు నానబెట్టిన బాదంపప్పులను తినవచ్చు.
ఉడికించిన శనగలు;
వ్యాయామం తర్వాత మీరు ఉడికించిన శనగలు ఆరోగ్యకరమైన అల్పాహారంగా కూడా తినవచ్చు. ప్రొటీన్లు, విటమిన్లు మినరల్స్ వంటి పోషకాలు శనగల్లో పుష్కలంగా ఉంటాయి. ఇది ఐరన్ కూడా అందిస్తుంది, ఇది శరీరంలో రక్తహీనతను తొలగిస్తుంది. ఉడకబెట్టిన శనగలు చాట్ చేసి తినవచ్చు. ఉడికించిన శనగల్లో ఉల్లిపాయ, టమోటా, పచ్చిమిర్చి, నిమ్మకాయ జోడించండి. పైన ఉప్పు, చాట్ మసాలా చల్లి తినండి.
పనీర్:
వ్యాయామం తర్వాత పనీర్ తీసుకోవడం చాలా ప్రయోజనకరంగా ఉంటుంది. జున్నులో ప్రోటీన్ కాల్షియం పుష్కలంగా ఉంటాయి. దీంతో కండరాలు బలపడతాయి. ఇది శరీరంలో శక్తిని పెంచడానికి కూడా పనిచేస్తుంది. సాండ్ విచ్ చేసుకొని పనీర్ తినవచ్చు.
వేరుశనగ:
వ్యాయామం తర్వాత మీరు వేరుశెనగలను ఆరోగ్యకరమైన స్నాక్‌గా తినవచ్చు. వేరుశెనగ ఆరోగ్యానికి ఎంతో మేలు చేస్తుంది. ఇందులో ప్రొటీన్లు, విటమిన్లు, ఐరన్ వంటి పోషకాలు పుష్కలంగా ఉంటాయి. వ్యాయామం చేసిన తర్వాత వేరుశెనగ తినడం వల్ల శరీరానికి శక్తి అందడంతో పాటు కండరాలు బలపడతాయి. మీరు జిమ్ లేదా వ్యాయామం తర్వాత కాల్చిన వేరుశెనగ తినవచ్చు.
మరిన్ని లైఫ్‌స్టైల్‌ వార్తల కోసం ఇక్కడ క్లిక్‌చేయండి
