Skin care: ఇంట్లోనే తయారు చేసుకునే సూపర్ ఫేస్‌మాస్క్‌..! అలియా భట్ అంతటి అందం మీ సొంతం..
చేతులతో తేలికపాటి మసాజ్‌ చేయాలి. ముఖం మీద అప్లై చేసి, సుమారు 20 నిమిషాల పాటు ఆరిన తర్వాత శుభ్రమైన నీటితో కడగాలి.
Updated on: Dec 31, 2022 | 12:34 PM
చలికాలంలో చర్మం పొడిబారడం మొదలవుతుంది. అటువంటి పరిస్థితిలో రసాయనాలు అధికంగా ఉండే ఉత్పత్తులను వాడటం సరికాదు. ఎందుకంటే, ఇది చర్మానికి హాని కలిగిస్తుంది. కానీ, ఒక సూపర్ ఫేస్‌ మాస్క్ ఉంది. అది మీకు వరంలాంటిదనే చెప్పాలి. ఇక చలికాలంలో పొడి చర్మం సమస్యను ఎదుర్కోవడం సర్వసాధారణం. దీని కోసం మీరు ఆయిల్, క్రీమ్ అప్లై చేస్తుంటారు. అయితే మీరు ఎప్పుడైనా పచ్చి పాలను ప్రయత్నించారా..? ఇందులో మాయిశ్చరైజింగ్ లక్షణాలు, లాక్టిక్ యాసిడ్ ఉన్నాయి. ఇందులో ఉండే క్యాల్షియం, విటమిన్ బి, విటమిన్ డి చర్మానికి మేలు చేస్తాయి. అనేక చర్మ సంరక్షణ, సౌందర్య ఉత్పత్తులలో పాలు, క్రీమ్ కలపడానికి ఇదే కారణం.
పచ్చి పాలతో మృదువైన చర్మాన్ని పొందడం ఎలా? చాలా మంది చర్మం సహజంగా పొడిగా ఉంటుంది. అలాంటి వారు శీతాకాలంలో అదనపు జాగ్రత్తలు తీసుకోవాలి. అటువంటి పరిస్థితిలో మీరు రసాయన ఆధారిత చర్మ సంరక్షణ ఉత్పత్తులను ఉపయోగిస్తే, అప్పుడు చర్మం దెబ్బతింటుంది. బాలీవుడ్ నటి అలియా భట్ లాగా మృదువైన చర్మాన్ని పొందడానికి పచ్చి పాలను ఎలా ఉపయోగించాలో ఇక్కడ తెలుసుకుందాం.
1. రాత్రిపూట పచ్చి పాలను రాసుకోండి. రాత్రి పడుకునే ముందు మీ పొడిబారిన చర్మంపై పచ్చి పాలను రాసుకుంటే, చర్మంలోని రఫ్‌నెస్‌ తొలగిపోతుంది. ఇందుకోసం ఒక గిన్నెలో 2 చెంచాల పచ్చి పాలను తీసుకుని కాటన్ బాల్స్ సహాయంతో ముఖానికి రాసుకుని అలాగే పడుకోండి. ఉదయం నిద్రలేచిన తర్వాత ముఖం కడుక్కోవాలి.
2. పచ్చి పాలు, అరటిపండుతోఫేస్‌ మాస్క్.. ఈ ప్యాక్‌ చర్మానికి మేలు చేయడమే కాదు, అందులో అరటిపండును కలిపితే, అది చర్మానికి మరింత మేలు చేస్తుంది. అరటిపండు సహాయంతో చర్మం తేమను కలిగి ఉంటుంది. దీని కోసం, ఒక గిన్నెలో పచ్చి పాలను తీసుకోవాలి. ఈ అరటిపండును పేస్ట్‌లా చేసి పాలల్లో కలపాలి. చేతులతో తేలికపాటి మసాజ్‌ చేయాలి. ముఖం మీద అప్లై చేసి, సుమారు 20 నిమిషాల పాటు ఆరిన తర్వాత శుభ్రమైన నీటితో కడగాలి.
3. పచ్చి పాలు, తేనె మాస్క్.. పచ్చి పాలు, తేనె కలయిక చర్మం ఆరోగ్యానికి చాలా ప్రయోజనకరంగా పనిచేస్తుంది. ఇది చర్మాన్ని బాగా తేమ చేస్తుంది. దీని కోసం, ఒక గిన్నెలో 2 చెంచాల పచ్చి పాలను తీసుకుని దానితో 1 చెంచా తేనె కలపండి. ఇప్పుడు దీన్ని ముఖానికి అప్లై చేసి 10 నుంచి 15 నిమిషాల తర్వాత ముఖాన్ని శుభ్రం చేసుకోవాలి.
మరిన్ని లైఫ్ స్టైల్ న్యూస్ కోసం ఇక్కడ క్లిక్ చేయండి.
