వేసవిలో పగిలిన పెదవులతో ఇబ్బండిపడుతున్నారా..? ఎఫెక్టివ్ హోం రెమెడీస్ ట్రై చేయండి..!

చలికాలంలో దాదాపుగా ప్రతి ఒక్కరికీ చర్మం పొడిబారిపోయి పెదాలు పగిలిపోతుంటాయి. కానీ, వేసవిలో పెదవులు పగిలిపోతే దానికి కారణం ఏంటో తెలుసా..? వేసవిలో వాతావరణంలో తేమ శాతం చాలా వరకు తగ్గుతుంది. తేమ కోల్పోవడం వల్ల, పెదవులు పొడిబారడం మొదలవుతుంది. మీరు కూడా వేసవిలో పెదవులు పగిలిన సమస్యతో బాధపడుతున్నారా..? అయితే ఈ వార్త మీకోసమే. పగిలిన పెదవులపై కొబ్బరి నూనెను రాయండి. ఒకటి లేదా రెండు రోజుల్లో మీరు ఫలితాలను గమనిస్తారు. కొబ్బరి నూనెలో మాయిశ్చరైజింగ్ గుణాలు ఉన్నాయి. ఇది పెదాలను మృదువుగా, హైడ్రేట్ గా ఉంచడంలో సహాయపడుతుంది.

పగిలిన పెదవులకు కొబ్బరి నూనె..

ఇందుకోసం ముందుగా మీరు మీ పెదాలను గోరువెచ్చని నీటితో కడుక్కోవాలి. పెదాలు ఆరిన తర్వాత చేతులతో కొబ్బరి నూనెను తీసుకుని పెదాలపై సున్నితంగా మసాజ్ చేయాలి. రాత్రంతా మీ పెదవులపై కొబ్బరి నూనెను అలాగే రాసి వదిలేయండి. మరుసటి రోజు ఉదయం గోరువెచ్చని నీటితో కడిగేయండి. రెండు రోజుల్లో మీరు చక్కటి ఫలితాలను చూస్తారు.

ఇవి కూడా చదవండి

ఈవెనింగ్ వాకింగ్ వల్ల ఇన్ని లాభాలా..? తప్పక అలవాటు చేసుకోండి..

ఆహారంలో సూపర్​ఫుడ్స్​ తీసుకోండి ఇల.. బంగారంలాంటి ఆరోగ్యం మీ సొంతం

అందమైన దుబాయ్‌ని ఛిద్రం చేసిన వర్షం.. తిరిగి మెరవాలంటే ఎంతఖర్చు.?

బాప్‌రే.. ఏం డ్రామా అక్కా! హెల్మెట్‌ లేకుండా పట్టుబడిన లేడీ టీచర్

పగిలిన పెదాలకు కలబంద

కలబంద చర్మాన్ని హైడ్రేట్‌గా ఉంచడంలో సహాయపడుతుంది. పగిలిన పెదాలను మృదువుగా చేయడానికి ఇది మంచి ఎంపిక. మీరు రాత్రి పడుకునే ముందు మీ పెదవులపై కలబంద జెల్‌ను అప్లై చేసి, మరుసటి రోజు ఉదయం నిద్రలేచిన తర్వాత కడిగేయవచ్చు. కొద్ది రోజుల్లోనే పగిలిన పెదాల నుంచి ఉపశమనం పొందుతారు.

ఈ రెండు విధనాలు కాకుండా..మీరు కొన్ని హోం రెమిడీస్‌ని కూడా ప్రయత్నించవచ్చు. మీరు కూడా పెదవులు పగిలిన సమస్యతో బాధపడుతుంటే వాటిపై తేనెను రాసుకోవచ్చు. తేనెలో యాంటీ బ్యాక్టీరియల్ గుణాలు ఉన్నాయని చెబుతున్నారు. దీన్ని అప్లై చేయడం వల్ల మీ పెదాలు మృదువుగా ఉంటాయి. కావాలంటే దానితో లిప్ బామ్ కూడా తయారు చేసుకోవచ్చు.

పాలు

మీరు కూడా పగిలిన పెదవులతో బాధపడుతూ ఉంటే..పాలు మీకు ప్రయోజనకరంగా ఉంటుంది. పాలు పగిలిన పెదవుల నుంచి మిమ్మల్ని కాపాడుతుంది. దీనికి పాలను పెదవులపై అప్లై చేయడం మేలు చేస్తుంది.

పసుపు- పాలు

పసుపు అనేక వ్యాధులకు ఔషధంగా పనిచేస్తుంది. పగిలిన పెదవులకు పరిష్కారంగా కూడా పసుపు పనిచేస్తుంది. పసుపులో కొన్నిచుక్కల పాలు పోసి చిక్కటి మందపాటి పేస్ట్ తయారు చేయండి. దీన్ని పెదవులపై రాసి కొద్దిసేపటి తర్వాత పెదాలను కడిగేసుకోవాలి. ఇలా చేస్తే మార్పును మీరే చూస్తారు.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ న్యూస్ కోసం క్లిక్ చేయండి..