Toothbrush : టూత్ బ్రష్‌ని ఎన్ని రోజుల తర్వాత మార్చాలి..! ఒకవేళ మార్చకపోతే ఏం జరుగుతుంది..? తెలుసుకోండి..

Toothbrush : ఉదయం మేల్కొనగానే అందరు చేసేపని బ్రష్ చేయడం. తర్వాతే ఏ పని అయినా మొదలుపెడతారు.

Tooth

uppula Raju |
Updated on: Jun 08, 2021 | 3:20 PM

Toothbrush : ఉదయం మేల్కొనగానే అందరు చేసేపని బ్రష్ చేయడం. తర్వాతే ఏ పని అయినా మొదలుపెడతారు. అయితే చాలామంది ఏ టూత్ పేస్ట్ వాడితే మంచిదని చెక్ చేస్తారు కానీ బ్రష్ గురించి పెద్దగా పట్టించుకోరు. అయితే బ్రష్ గురించి కూడా అందరు తెలుసుకోవాలి లేదంటే చాలా సమస్యలు ఎదుర్కోవల్సి వస్తోంది. చాలా మంది ఎనిమిది నుంచి పది నెలల వరకు టూత్ బ్రష్ వాడుతున్నారు. బ్రష్ క్షీణించనంత కాలం బ్రష్ ఉపయోగించబడుతుంది. బ్రష్ దెబ్బతిన్నప్పుడు మాత్రమే మార్చుతున్నారు. ఇది తప్పు మీరు నిర్దిష్ట కాలానికి మించి బ్రష్ ఉపయోగిస్తే అది మీ దంతాలు, చిగుళ్ళపై ప్రభావం చూపిస్తుంది.

వ్యాధి నివారణ, నియంత్రణ కేంద్రాల ప్రకారం.. ప్రతి 3 నుంచి 4 నెలలకొకసారి ప్రతి వ్యక్తి తమ బ్రష్‌ను మార్చాలి. వీలైతే మంచి నాణ్యత గల బ్రష్ కొనండి. మీరు బ్రష్ చేస్తున్నప్పుడు బ్రష్ ముళ్ళగరికెలు విరిగిపోతే బ్రష్ దెబ్బతిందని మీరు అర్థం చేసుకోవచ్చు. తరచుగా బ్రష్ వంగి ఉంటుంది. అయితే ఇవి మీ బ్రష్ దెబ్బతిన్న సంకేతాలు మాత్రమే కాదు. చిన్న పిల్లలు బ్రష్ చేసేటప్పుడు కొరుకుతారు. దీనివల్ల బ్రష్‌ల ముళ్లు త్వరగా విరిగిపోతాయి. పిల్లల బ్రష్‌లు త్వరగా క్షీణించడానికి ఇదే కారణం.

కోల్‌గేట్ ప్రకారం.. మీకు అనారోగ్యం నుంచి కోలుకున్న తర్వాత పాత బ్రష్ వదిలి కొత్త బ్రష్ వాడాలి. కరోనా సమయంలో పాజిటివ్ వచ్చిన రోగులు వీలైనంత త్వరగా తమ బ్రష్‌ను మార్చుకోవాలని చాలా మంది వైద్యులు సలహా ఇచ్చారు. బ్రష్‌లో కరోనా జెర్మ్స్ ఉండే అవకాశం ఉంది. కరోనా సమయంలో మీ బ్రష్‌ను ఎవ్వరూ వెళ్ళని ప్రదేశంలో ఉంచాలి. ఇంటి సభ్యులందరి బ్రష్‌లు ఒకే చోట ఉంచే అలవాటు ఉంటుంది. ఇది సరైనది కాదు.