ఖాళీ కడుపుతో ఈ ఆకులను తింటే చాలు.. మలబద్ధకం, జీర్ణక్రియ సమస్యలు దూరం..! క్యాన్సర్ సహా మరెన్నో..
చర్మం ముడతలు, మొటిమలు, చర్మ వ్యాధులను నివారించడానికి జామ ఆకుల రసం లేదా పేస్ట్‌ను వాడవచ్చు. జామ ఆకులలో యాంటీ డ్యాండ్రఫ్, యాంటీ ఫంగల్ లక్షణాలు ఉన్నాయి. జుట్టు రాలడం, చుండ్రు, జుట్టుకు మెరిశ్ణ రావడానికి జామ ఆకుల రసంతో తలకు మసాజ్ చేయవచ్చు.
జామ కాయలు, పండ్లను తినడం వల్ల కలిగే ఆరోగ్య ప్రయోజనాలు మనందరికీ తెలిసిందే. కానీ జామ ఆకుల వల్ల కలిగే ఆరోగ్య ప్రయోజనాల గురించి చాలా తక్కువ మందికి మాత్రమే తెలుసు. జామ ఆకుల్లో ఔషధ గుణాలు పుష్కలంగా ఉన్నాయంటున్నారు ఆరోగ్య నిపుణులు. జామ ఆకులు సహజ ఔషధంగా పనిచేస్తాయి. దీని వల్ల శరీరం ఎలాంటి హాని లేకుండా ఆరోగ్యంగా ఉంటుంది. కడుపు సమస్యలతో బాధపడేవారు జామ ఆకులను తింటే ఆ సమస్య నుంచి ఉపశమనం లభిస్తుంది. ఇది యాంటీఆక్సిడెంట్, యాంటీ బాక్టీరియల్ లక్షణాలను కలిగి ఉంటుంది. అంతేకాదు,ఈ ఆకుల్లో అనేక రసాయనాలు ఉంటాయి. వివిధ వ్యాధుల చికిత్సలో ఇది చాలా ప్రభావవంతంగా పనిచేస్తుంది.
క్యాన్సర్ నివారణ: జామ ఆకులు క్యాన్సర్‌కు దారితీసే కణాలను నాశనం చేస్తాయి. క్యాన్సర్ కారక కణాల ఉత్పరివర్తనాల ప్రమాదాన్ని తగ్గిస్తాయి. జామ ఆకులను క్రమం తప్పకుండా తీసుకోవడం వల్ల కొన్ని రకాల క్యాన్సర్లను నివారించవచ్చు అంటున్నారు నిపుణులు.
మధుమేహం చికిత్సకు మంచి ఔషధం: జామ ఆకుల్లో చాలా బయోయాక్టివ్ సమ్మేళనాలు ఉంటాయి. శరీరంలోని షుగర్‌ని తగ్గిస్తుంది.. అంతే కాదు ఖాళీ కడుపుతో జామ ఆకులను తీసుకోవడం వల్ల బరువు తగ్గడంలో ముఖ్యపాత్ర పోషిస్తుంది. శరీరంలో అధికంగా పేరుకున్న కొవ్వును కరిగించడంలోనూ జామాకు రసం అద్భుతంగా పనిచేస్తుంది.
డయేరియాలో కూడా ఉపయోగపడుతుంది: జామ ఆకుల్లో యాంటీ డయాబెటిక్ గుణాలు ఉన్నాయి. అంతేకాదు, ఉదయాన్నే ఖాళీ కడుపుతో జామ ఆకులను నమలడం వల్ల జీర్ణక్రియ మెరుగుపడుతుంది. ఇది అజీర్ణం, మలబద్ధకం, గ్యాస్, అసిడిటీ మొదలైన కడుపు సమస్యల ప్రమాదాన్ని తగ్గిస్తుంది. కాబట్టి ప్రతిరోజూ ఉదయం జామ ఆకులను నమలండి.
గుండె ఆరోగ్యానికి మంచిది: జామ ఆకుల్లో పోషకాలు, యాంటీ ఆక్సిడెంట్లు పుష్కలంగా ఉంటాయి. ఇందులో ఉండే విటమిన్ సి రోగనిరోధక శక్తిని పెంచుతుంది. పొటాషియం రక్తపోటును అదుపులో ఉంచుతుంది. దీంతో గుండె ఆరోగ్యం కూడా మెరుగుపడుతుంది.
బరువు నియంత్రణ కోసం: జామ ఆకుల్లో ఉండే క్యాటెచిన్స్, క్వెర్సెటిన్, గల్లిక్ యాసిడ్ వంటి యాంటీ ఆక్సిడెంట్లు ఆక్సీకరణ ఒత్తిడికి వ్యతిరేకంగా పోరాడుతాయి. ఇది పరోక్షంగా బరువు తగ్గడాన్ని ప్రోత్సహిస్తుంది.
జుట్టు, చర్మం ఆరోగ్యానికి మంచిది: జామ ఆకులలో యాంటీ ఏజింగ్, యాంటీ ఇన్‌ఫ్లమేటరీ లక్షణాలు ఉన్నాయి. చర్మం ముడతలు, మొటిమలు, చర్మ వ్యాధులను నివారించడానికి జామ ఆకుల రసం లేదా పేస్ట్‌ను వాడవచ్చు. జామ ఆకులలో యాంటీ డ్యాండ్రఫ్, యాంటీ ఫంగల్ లక్షణాలు ఉన్నాయి. జుట్టు రాలడం, చుండ్రు, జుట్టుకు మెరిశ్ణ రావడానికి జామ ఆకుల రసంతో తలకు మసాజ్ చేయవచ్చు.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్‌ చేయండి..
