Women: వయస్సు పెరుగుతున్న కొద్దీ మహిళలకు ఈ 5 విటమిన్లు కచ్చితంగా అవసరం..!

Women Health Tips: వయస్సు పెరుగుతున్న కొద్దీ, మహిళలు తమ ఆరోగ్యం పట్ల మరింత శ్రద్ధ వహించాలి. పురుషుల కంటే మహిళల్లో విటమిన్లు, పోషక లోపాలు ఎక్కువగా కనిపిస్తాయి. ఇది ప్రధానంగా హార్మోన్లలో మార్పుల వల్ల కలుగుతుంది. చాలా సార్లు జీవనశైలిలో మార్పుల కారణంగా కూడా మహిళల్లో అకాల వృద్ధాప్యం మొదలవుతుంది. చర్మం, జుట్టు, ఎముకలకు సంబంధించిన సమస్యలు మహిళల్లో ఎక్కువగా కనిపిస్తాయి. తరచుగా మహిళలు వీపు, కాళ్లలో నొప్పి వంటి సమస్యలతో బాధపడుతుంటారు. మహిళలు ఆరోగ్యంగా ఉండటానికి ఈ 5 విటమిన్లు కచ్చితంగా అవసరం. అవేంటో తెలుసుకుందాం.

1. విటమిన్ డి వయసు పెరుగుతున్న కొద్దీ, మహిళలకు ఎముకలకు సంబంధించిన సమస్యలు మొదలవుతాయి. వెన్నునొప్పి, మోకాలి, చీలమండ నొప్పి వంటి సమస్యలు పురుషుల కంటే మహిళల్లో ఎక్కువగా కనిపిస్తాయి. ఎముకలను ఆరోగ్యంగా ఉంచడానికి కాల్షియం, విటమిన్ డి సమృద్ధిగా అవసరం. అందువల్ల, కాల్షియం, పుట్టగొడుగులు, పాలు, జున్ను, సోయా ఉత్పత్తులు, గుడ్లు, వెన్న, వోట్మీల్, కొవ్వు అధికంగా ఉండే చేపలు వంటి ఆహారాలలో విటమిన్ డి, కాల్షియం పుష్కలంగా ఉంటాయి.

2. విటమిన్ E ఫిట్‌నెస్‌తో పాటు మహిళలు కూడా తమ అందం పట్ల శ్రద్ధ వహించాలి. ప్రతి స్త్రీ చాలా కాలం పాటు యవ్వనంగా, అందంగా కనిపించడానికి ప్రయత్నిస్తుంది. దీని కోసం విటమిన్ ఈ సమృద్ధిగా అవసరం. మీ చర్మం, జుట్టు, గోర్లు అందంగా ఉండటానికి విటమిన్ ఈ చాలా అవసరం. విటమిన్ ఈ ముడతలు, మచ్చలను తొలగించడానికి సహాయపడుతుంది. బాదం, వేరుశెనగ, వెన్న, పాలకూర వంటి ఆహారాలలో విటమిన్ ఈ పుష్కలంగా ఉంటుంది.

3. విటమిన్ B9 గర్భధారణ సమయంలో మహిళల శరీరంలో అనేక మార్పులు చోటుచేసుకుంటాయి. ఆ సమయంలో శరీరానికి ఎక్కువ విటమిన్లు అవసరం. ప్రసవ సమయంలో విటమిన్ లోపం అనేక సమస్యలకు దారితీస్తుంది. గర్భధారణ సమయంలో మహిళలు బీన్స్, ధాన్యాలు, ఈస్ట్ మొదలైన ఆహారాలను తీసుకోవాలి. ఇందులో విటమిన్ బి 9 (ఫోలిక్ యాసిడ్) అధికంగా ఉంటుంది. తద్వారా శిశువును జాగ్రత్తగా చూసుకోవచ్చు. ఫోలిక్ యాసిడ్ శిశువు మెదడు అభివృద్ధికి సహాయపడుతుంది.

4. విటమిన్ ఎ మహిళలు 40, 45 సంవత్సరాల మధ్య హార్మోన్ల మార్పునకు గురవుతారు. ఈ వయస్సులో మహిళలు అనేక ఆరోగ్య సమస్యలను ఎదుర్కొంటారు. అటువంటి పరిస్థితిలో చర్మంలో అనేక రకాల మార్పులు సంభవించవచ్చు. అందువల్ల ఈ సమయంలో మహిళలు క్యారెట్లు, బొప్పాయి, గుమ్మడికాయ గింజలు, పాలకూర వంటి విటమిన్ ఎ అధికంగా ఉండే ఆహారాలను తీసుకోవాలి.

5. విటమిన్ కె కొంతమంది మహిళలు పీరియడ్స్ సమయంలో చాలా రక్తం కోల్పోతారు. ప్రసవ సమయంలో కూడా చాలా రక్తం కోల్పోతారు. ఈ రెండు పరిస్థితులలోనూ విటమిన్ K శరీరానికి అవసరం. ఇది అధిక రక్త నష్టం సమస్యను నివారించడంలో సహాయపడుతుంది. అటువంటి పరిస్థితిలో సోయాబీన్ నూనె, ఆకుపచ్చ కూరగాయలు ఎక్కువగా తీసుకోవాలి. డైట్‌లో విటమిన్ K అధికంగా ఉండే ఆహారాలను చేర్చడం మంచిది.

Samantha – Naga Chaitanya: ఉత్కంఠకు తెర.. సమంత- నాగచైతన్య విడాకులు.. అధికారిక ప్రకటన

Pawan Kalyan: తొక్కే కొద్దీ పైకిలేస్తాం తప్ప.. తగ్గేది లేదు.. రాష్ట్ర రాజకీయాలు రెండిళ్ల మధ్య జరిగితే కుదరదుః పవన్

Cheating: తవ్వుతున్న కొద్దీ కదులుతున్న డొంక.. మాట్రిమోనీ మోసగాడి వలలో ఎందరో యువతులు..