Kalagura: పెద్ద పండుగ రోజు వండే కలగూరని ఇలా వండారంటే సూపర్..
పెద్ద పండుగ రోజు వండే కలగూర కూడా చాలా స్పెషల్. ఇది చాలా రుచిగా ఉంటుంది. చాలా మంది ఈ కర్రీకి ఫేమస్ అవుతారు. అన్ని కూరలు కలిపి చేసే ఈ కూర ఆరోగ్యానికి కూడా చాలా మంచిది. ఈ కర్రీలో అనేక పోషకాలు ఉంటాయి. ఇవి తింటే ఎన్నో సమస్యలు రాకుండా ఉంటాయి. మరి ఈ కర్రీ ఎలా తయారు చేస్తారు? ఈ కలగూరకు కావాల్సిన పదార్థాలు ఏంటో ఇప్పుడు తెలుసుకుందాం..
Chinni Enni | Edited By: Shaik Madar Saheb
Updated on: Jan 13, 2025 | 11:20 PM
సంక్రాంతి అంటేనే సందడి. ఇంట్లో ఎంతో ఆహ్లాదకరమైన వాతావరణం నెలకొంటుంది. సంక్రాంతిలో పెద్ద పండుగ మరింత ప్రత్యేకం. ఈ రోజు తమ చనిపోయిన వారిని తలుచుకుంటూ.. వారికి బట్టలు పెడుతారు. అనేక పిండి వంటలు చేసి వారికి పెడతారు. అలాగే ఈ రోజున వండే కలగూర కూడా చాలా స్పెషల్. ఇది చాలా రుచిగా ఉంటుంది. చాలా మంది ఈ కర్రీకి ఫేమస్ అవుతారు. అన్ని కూరలు కలిపి చేసే ఈ కూర ఆరోగ్యానికి కూడా చాలా మంచిది. ఈ కర్రీలో అనేక పోషకాలు ఉంటాయి. ఇవి తింటే ఎన్నో సమస్యలు రాకుండా ఉంటాయి. మరి ఈ కర్రీ ఎలా తయారు చేస్తారు? ఈ కలగూరకు కావాల్సిన పదార్థాలు ఏంటో ఇప్పుడు తెలుసుకుందాం.
కలగూరకు కావాల్సిన పదార్థాలు:
ఆయిల్, నెయ్యి, తాళింపు దినసులు, ఇంగువ, ఉల్లిపాయలు, పచ్చి మిర్చి, టమాటాలు, అల్లం వెల్లుల్లి పేస్ట్, అన్ని రకాల కూరగాయలు, గరం మసాలా, కారం, పసుపు, ఉప్పు.
కలగూర తయారీ విధానం:
ముందుగా ఉప్పు వేసి అన్ని కూరగాయలు కట్ చేసి పక్కన పెట్టుకోవాలి. ఆ తర్వాత ఒక పాన్ తీసుకుని ఆయిల్ వేసి వేడి చేయాలి. ఆ నెక్ట్స్ తాళింపు దినుసులు, కొద్దిగా ఇంగువ, కరివేపాకు వేసి వేయించిన తర్వాత ఉల్లిపాయలు, పచ్చి మిర్చి కూడా వేసి కలర్ మారేంత వరకు ఫ్రై చేయాలి. ఆ తర్వాత అన్ని రకాల కూరగాయలు వేసి ఓ ఐదు నిమిషాలు ఉడికించాక.. అల్లం వెల్లుల్లి పేస్ట్ వేసి పచ్చి వాసన పోయేంత వరకు ఉడికించాలి.
ఆ తర్వాత కారం, పసుపు, ఉప్పు వేసి అన్నీ ఉడికే వరకు కనీసం ఓ పదినిమిషాలు అయినా కుక్ చేయాలి. ఆ తర్వాత కొద్దిగా నీళ్లు వేసి అంతా ఉడికించాలి. ఆ తర్వాత గరం మసాలా, కొత్తిమీర వేసి కర్రీ దగ్గర పడేంత వరకు ఉడికించాలి. అంతే ఎంతో రుచికరమైన కలగూర సిద్ధం.
