Cauliflower Fried Rice: ధాబా స్టైల్ లో క్యాలీ ఫ్లవర్ రైస్ ఇలా చేయండి.. ఒక్క మెతుకు కూడా మిగల్చకుండా లాగించేస్తారు!
రెస్టారెంట్లలో, ధాబాల్లో చేసే వాటిల్లో క్యాలీ ఫ్లవర్ ఫ్రైడ్ రైస్ కూడా ఒకటి. వెజిటేరియన్స్ ఎక్కువగా దీన్ని తింటూంటారు. చాలా టేస్టీగా.. తినే కొద్దీ తినాలనిపించేంతగా ఉంటుంది. అదే స్టైల్ లో ఇంట్లో కూడా మనం ఈజీగా తయారు చేసుకోవచ్చు. ఇంట్లో మనం చేసుకుంటే ఎంతో హైజినిక్ గా కూడా ఉంటుంది. ఇలా ఒక్కసారి క్యాలీ ఫ్లవర్ ఫ్రైడ్ రైస్ ను తయారు చేశారంటే ఒక్క మెతుకు కూడా మిగల్చకుండా మొత్తం లాగించేస్తారు. మరింకెందుకు లేట్ ఎంతో టేస్టీగా ఉన్న క్యాలీ ఫ్లవర్ ఫ్రైడ్ రైస్ కు..
Chinni Enni | Edited By: Ravi Kiran
Updated on: Oct 02, 2023 | 11:30 PM
రెస్టారెంట్లలో, ధాబాల్లో చేసే వాటిల్లో క్యాలీ ఫ్లవర్ ఫ్రైడ్ రైస్ కూడా ఒకటి. వెజిటేరియన్స్ ఎక్కువగా దీన్ని తింటూంటారు. చాలా టేస్టీగా.. తినే కొద్దీ తినాలనిపించేంతగా ఉంటుంది. అదే స్టైల్ లో ఇంట్లో కూడా మనం ఈజీగా తయారు చేసుకోవచ్చు. ఇంట్లో మనం చేసుకుంటే ఎంతో హైజినిక్ గా కూడా ఉంటుంది. ఇలా ఒక్కసారి క్యాలీ ఫ్లవర్ ఫ్రైడ్ రైస్ ను తయారు చేశారంటే ఒక్క మెతుకు కూడా మిగల్చకుండా మొత్తం లాగించేస్తారు. మరింకెందుకు లేట్ ఎంతో టేస్టీగా ఉన్న క్యాలీ ఫ్లవర్ ఫ్రైడ్ రైస్ కు కావాల్సిన పదార్థాలు ఏంటి, ఎలా తయారు చేసుకోవాలో చూసేయండి.
క్యాలీ ఫ్లవర్ ఫ్రైడ్ రైస్ కు కావాల్సిన పదార్థాలు:
కట్ చేసి పెట్టుకున్న క్యాలీ ఫ్లవర్ ముక్కలు, ఉడికించిన బాస్మతీ రైస్, అల్లం, వెల్లుల్లి పేస్ట్, షాజీరా, ఉప్పు, మిరియాల పొడి, కారం, నూనె, ఫుడ్ కలర్, పచ్చిమిర్చి, ఉల్లిపాయ, సన్నగా తరిగిన స్ప్రింగ్ ఆనియన్స్, ఫ్రెంచ్ బీన్స్, పచ్చి బఠాణీ, క్యాబేజీ తరుగు, మైదా పిండి, కార్న్ ఫ్లోర్, సన్నగా తరిగిన వెల్లుల్లి, వెనిగర్, గ్రీన్ చిల్లీ సాస్, సోయా సాస్.
తయారీ విధానం:
ముందుగా బాస్మతీ రైస్ ని అరగంట సేపు నాన బెట్టుకుని, పదునుగా ఉడికించుకుని పక్కన పెట్టుకోవాలి. ఆ తర్వాత ఒక గిన్నెలో నీటిగా శుభ్రం చేసుకున్న క్యాలీ ఫ్లవర్ ముక్కల్లో అల్లం, వెల్లుల్లి పేస్ట్, కొద్దిగా కారం, ఉప్పు, మైదా పిండి, కార్న్ ఫ్లోర్, ఫుడ్ కలర్, మిరియాల పొడి, కొద్దిగా నీటిని వేసుకుని మొత్తం ముక్కలన్నింటికీ పట్టేలా మిక్స్ చేసుకోవాలి. ఇలా చేసుకున్న వాటిని.. వేడి చేసుకున్న నూనెలో వేసి ఎర్రగా వేయించుకోని, ఒక ప్లేట్ లోకి తీసుకుని పక్కకు పెట్టుకోవాలి.
ఆ తర్వాత స్టవ్ వెలిగించుకుని హై ఫ్లేమ్ పెట్టుకోవాలి. వెడల్పుగా ఉన్న ఒక బాండీ తీసుకుని సరిపడా నూనె వేసుకోవాలి. నూనె వేడెక్కాక.. వెల్లుల్లి తరుగు, ఉల్లి పాయ ముక్కలు, పచ్చిమిర్చి, స్ప్రింగ్ ఆనియన్స్ ముక్కలు వేసి బాగా వేయించుకోవాలి. ఇవి వేగాక పచ్చి బఠాణి, క్యాబేజీ, బీన్స్ తరుగు వేసి మళ్లీ ఎర్రగా వేయించుకోవాలి.
నెక్ట్స్ వీటిని బాగా వేయించుకున్న తర్వాత మిరియాల పొడి, ఉప్పు, వెనిగర్, సోయా సాస్, చిల్లీ సాస్ వేసి కలపాలి. తర్వాత వేయించిన క్యాలీ ఫ్లవర్ ముక్కలు వేసి కలపాలి ఇవి కూడా వేగాక.. ఉడికించిన అన్నాన్ని కూడా వేసి హై ఫ్లేమ్ మీద బాగా టాస్ చేసుకోవాలి. చివరిగా మరోసారి కొత్తి మీర, స్ప్రింగ్ ఆనియన్స్ వేసి ఒకసారి కలుపుకుని స్టవ్ ఆఫ్ చేసుకోవడమే. అంతే ధాబా స్టైల్ క్లాలీ ఫ్లవర్ రైస్ రెడీ. ఇంకెందుకు లేట్ మీరూ ఓ సారి ట్రై చేయండి.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణుల నుంచి సేకరించిన సమాచారం. దీన్ని ఫాలో అయ్యే ముందు ఒకసారి వైద్యుల్ని సంప్రదించడం మేలు.
