Healthy Liver: కాలేయం ఆరోగ్యంగా ఉండాలంటే.. ఈ దేశీ ఫుడ్స్ చాలా బెటర్.. అన్ని సమస్యలకు చెక్ పెట్టినట్లే..
ప్రస్తుత కాలంలో ప్రజలు తమ ఆరోగ్యం, ఆహారం పట్ల శ్రద్ధ చూపలేకపోతున్నారు. దీని కారణంగా కాలేయం వంటి ముఖ్యమైన అవయవం ప్రభావితమవుతుంది.
Updated on: Aug 15, 2022 | 7:00 AM
Healthy Liver: కాలేయం మానవ శరీరంలో చాలా ముఖ్యమైన భాగం. ఇది మానవ శరీరంలో అతిపెద్ద గ్రంథి కూడా. శరీరంలో ఇది డయాఫ్రాగమ్ కింద ఉదరం కుడి వైపున ఉంటుంది. కాలేయం విటమిన్ ఎను కూడా సంశ్లేషణ చేస్తుంది. ఇది కాకుండా కాలేయం గ్లూకోజ్‌ను గ్లైకోజెన్ రూపంలో నిల్వ చేస్తుంది. పిత్త రసం, యూరియా సంశ్లేషణ, సేంద్రియ పదార్థాలను సేకరించడం కాలేయం ద్వారానే జరుగుతుంది. కాలేయం ఎంజైమ్‌లు, హెపారిన్‌లను కూడా విడుదల చేస్తుంది. ఇది ఎర్ర రక్త కణాలు (RBC) ఏర్పడటానికి ఇనుమును నిల్వ చేస్తుంది. ఇలాంటి ఇతర ముఖ్యమైన విధులను కాలేయం నిర్వహిస్తుంది.
నేటి కాలంలో ప్రజలు తమ ఆరోగ్యం, ఆహారం పట్ల శ్రద్ధ చూపలేకపోతున్నారు. దీని కారణంగా కాలేయం వంటి ముఖ్యమైన అవయవం ప్రభావితమవుతుంది. ఇది ఆరోగ్యంపై ప్రభావం చూపుతుంది. అందువల్ల, కాలేయాన్ని ఆరోగ్యంగా ఉంచడానికి మనం కొన్ని ఇంటి నివారణలను అనుసరించవచ్చు.
ఎలాంటి ఆహారం తీసుకోవాలి?
కాలేయాన్ని సురక్షితంగా ఉంచడానికి, మంచి ఆహారం తీసుకోవడం చాలా ముఖ్యం. ఆహారంలో కొవ్వులు, కార్బోహైడ్రేట్లు, ప్రోటీన్లు, ఖనిజాలు, విటమిన్లు సమతుల్యంగా ఉండాలి. ఉప్పును మితంగా తీసుకోవాలి. ఎందుకంటే అదనపు ఉప్పు కడుపులో నీటి పరిమాణాన్ని పెంచుతుంది. దీని కారణంగా శరీరంలో మంట సమస్య ఉంటుంది.
నిమ్మకాయ..
నిమ్మకాయలో విటమిన్ సి పుష్కలంగా లభిస్తుంది. దీని రోజువారీ ఉపయోగం కాలేయం నుంచి కొవ్వును తగ్గించడంలో సహాయపడుతుంది.
ఆపిల్..
యాపిల్ జ్యూస్, యాపిల్ సైడర్ వెనిగర్ కాలేయంపై పేరుకుపోయిన కొవ్వును తొలగించడంలో ఉపయోగపడుతుంది. ఖాళీ కడుపుతో యాపిల్ తినడం వల్ల శరీరంలోని కొవ్వును తొలగించుకోవచ్చు.
గ్రీన్ టీ..
గ్రీన్ టీలో యాంటీ ఆక్సిడెంట్లు ఉంటాయి. దీని వినియోగం వల్ల బరువు తగ్గడంతో పాటు కాలేయం ఆరోగ్యంగా ఉంటుంది.
జామకాయ..
యాంటీఆక్సిడెంట్లు, విటమిన్ సి కూడా ఉసిరిలో పుష్కలంగా లభిస్తాయి. దీని వినియోగం వల్ల శరీరంలో ఉండే హానికరమైన పదార్థాలు బయటకు వస్తాయి.
