మధుమేహ బాధితులు ఈ పండు ఆకులను తింటే షుగర్ లెవెల్ పెరగదు..! ఎలా వాడాలో తెలుసుకుందాం..

మధుమేహం అనేది ప్రపంచవ్యాప్తంగా వేగంగా పెరుగుతున్న వ్యాధి. ఈ వ్యాధితో బాధపడుతున్న రోగుల సంఖ్య కూడా అంతే వేగంగా పెరుగుతోంది. శరీరంలో రక్తంలో చక్కెర స్థాయిలను నియంత్రించడంలో ఇన్సులిన్ ప్రభావవంతమైన పాత్ర పోషిస్తుంది. శరీరంలో ఇన్సులిన్ ఉత్పత్తి చేయడంలో సహాయపడే అనేక మందులు ఉన్నాయి. కానీ అవి ఇతర సైడ్‌ఎఫెక్ట్ కలిగి ఉంటాయి. మీరు ఎటువంటి హాని లేకుండా సహజ పద్ధతిలో ఇన్సులిన్‌ను పెంచాలనుకుంటే, (అత్తి ఆకులు) అంజీర్‌ ఆకులు మీకు సహాయపడతాయి.

అనారోగ్య సమస్యలతో బాధపడుతున్నవారు తప్పకుండా అంజీర్‌ పండ్లను తింటే మంచిదని ఆరోగ్య నిపుణులు చెబుతున్నారు. అంజీర్‌లో ఉండే మూలకాలు అనారోగ్య సమస్యలను తగ్గించడమేకాకుండా మధుమేహం, గుండె సంబంధిత వ్యాధులను కూడా దూరం చేస్తాయి. అయితే, అంజీర్‌ పండ్లతో పాటు వాటి ఆకులు కూడా మధుమేహానికి మందులా పనిచేస్తాయని ఆరోగ్య నిపుణులు చెబుతున్నారు. ఇందులో ఉండే ఔషధ గుణాలు మలబద్ధకం సమస్యను దూరం చేస్తాయి. గుండె సమస్యలు కూడా తగ్గుతాయని ఆరోగ్య నిపుణులు అంటున్నారు.

అంజీర్ ఆకుల్లో అపారమైన యాంటీ డయాబెటిక్ లక్షణాలు ఉన్నాయి. మధుమేహం బాధితులకు మంచిది. ఇందుకోసం ముందుగా 4-5 అంజూర ఆకులను నీటిలో వేసి 10 నిమిషాలు మరిగించాలి. ఆ తర్వాత ఆ నీటిని టీగా తాగాలి. అంతేకాదు.. అంజీర్ ఆకులను ఎండబెట్టి పొడి చేయవచ్చు. అర చెంచా పొడిని ఒక కప్పు నీళ్లలో కలిపి టీ లాగా తాగాలి. రెండు విధానాలు అపారమైన ప్రయోజనాలను అందిస్తుంది.

ఇవి కూడా చదవండి

కాఫీలో కొబ్బరినూనె కలుపుకుని తాగితే ఈ జబ్బులన్నీ పరార్‌..!

రాత్రి పడుకునే ముందు ఈనాలుగు పనులు చేస్తే జుట్టు అందం పెరుగుతుంది

పాస్తా ప్రియులకు ముఖ్య గమనిక..! పదుల సంఖ్యలో ఉన్న వెరైటీలు తెలుసా

కలబంద జ్యూస్ ప్రతిరోజూ తీసుకోవడం వల్ల శరీరంలో ఏమవుతుందో తెలుసా!

ఎముకలు బలహీనంగా ఉంటే అంజీర్‌ ఆకులను తీసుకోవడం వల్ల ప్రయోజనం పొందవచ్చు. ఇందుకోసం అంజూరపు ఆకుల పొడిని తీసుకోవచ్చు. అంజీర్‌ ఆకులలో మంచి మొత్తంలో పొటాషియం, కాల్షియం ఉంటాయి. ఇవి ఎముకల సాంద్రతను బలపరుస్తాయి. దీన్ని తీసుకోవడం వల్ల ఎముకల్లో నొప్పి సమస్య నుంచి కూడా ఉపశమనం లభిస్తుంది.

గుండె జబ్బులతో బాధపడే వారికి కూడా అంజీర్‌ ఆకులను తీసుకోవడం మేలు చేస్తుంది. వాస్తవానికి, దాని ఆకులలో ఒమేగా -3, ఒమేగా -6 ఉన్నాయి. ఇవి గుండెను బలోపేతం చేస్తాయి. అంతే కాదు, అత్తి ఆకులలో పెక్టిన్ అనే కరిగే ఫైబర్ ఉంటుంది. ఇది శరీరం నుండి అదనపు కొలెస్ట్రాల్‌ను తొలగిస్తుంది. అంజీర్‌తో పాటు నారింజ, ఆప్రికాట్లు, బొప్పాయి వంటి పోషకాలు అధికంగా కలిగిన పండ్లను తీసుకుంటే సులభంగా డయాబెటిస్‌ సమస్యలు తగ్గుతాయని ఆరోగ్య నిపుణులు చెప్పారు. అంతేకాకుండా వీటిని క్రమంగా వినియోగిస్తే వివిధ రకాల అనారోగ్య సమస్యలు సులభంగా తగ్గుతాయి.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ న్యూస్ కోసం క్లిక్ చేయండి..