Vitamin E: ముఖానికి నేరుగా విటమిన్ ఈ క్యాప్సూల్స్ రాస్తున్నారా.. ఈ విషయాలు మీ కోసమే!
అందంగా ఉండాలని, నలుగురిలో ఆకర్షణగా నిలవాలని ఆడువారు అనుకుంటూ ఉంటారు. అందం గురించి అంతే కేర్ తీసుకుంటూ ఉంటారు. ముఖం అందంగా, కాంతివంతంగా, ఆకర్షణీయంగా ఉంటేనే ఎదుటి వారి చూపును మన వైపుకు తిప్పుకోగలం. కానీ ఇప్పుడున్న వాతావరణ పరిస్థితులు, ఆహారపు అలవాట్ల కారణంగా ముఖం డల్గా మారుతుంది. ముఖంలో గ్లోని తెప్పించేందుకు ఎన్నో రకాల క్రీములు, ఫేషియల్స్..
అందంగా ఉండాలని, నలుగురిలో ఆకర్షణగా నిలవాలని ఆడువారు అనుకుంటూ ఉంటారు. అందం గురించి అంతే కేర్ తీసుకుంటూ ఉంటారు. ముఖం అందంగా, కాంతివంతంగా, ఆకర్షణీయంగా ఉంటేనే ఎదుటి వారి చూపును మన వైపుకు తిప్పుకోగలం. కానీ ఇప్పుడున్న వాతావరణ పరిస్థితులు, ఆహారపు అలవాట్ల కారణంగా ముఖం డల్గా మారుతుంది. ముఖంలో గ్లోని తెప్పించేందుకు ఎన్నో రకాల క్రీములు, ఫేషియల్స్ చేయించుకుంటూ ఉంటారు. ఈ క్రమంలనే కొందరు ముఖానికి విటమిన్ ఈ క్యాప్సూల్స్ కూడా అప్లై చేస్తారు. తెలిసీ తెలియకుండా నేరుగా ముఖంపై రాస్తూ ఉంటారు. దీని వలన కొన్ని నష్టాలు కూడా ఉంటాయి. మరి ఇలా ముఖానికి విటమిన్ ఈ క్యాప్సూల్స్ రాయవచ్చా? రాస్తే ఏం జరుగుతుంది? ముఖంలో ఎలాంటి మార్పులు వస్తాయో? నిపుణులు ఏం అంటున్నారో ఇప్పుడు తెలుసుకుందాం.
విటమిన్ ఈ అంటే..
విటమిన్ ఈ అనేది మన శరీరానికి చాలా అవసరం. ముఖ్యంగా చర్మం, జుట్టు అందంగా ఉండాలంటే విటమిన్ ఈ ఖచ్చితంగా కావాలి. అయితే విటమిన్ ఇప్పుడు నేరుగా మెడికల్ షాపుల్లో కూడా లభిస్తున్నాయి. ఈ క్యాప్సూల్స్తో చాలా ప్రయోజనాలు ఉన్నాయి. ఇందులో మాయిశ్చరైజింగ్ గుణాలు ఎక్కువగా ఉంటాయి. అంతే కాకుండా వీటిని ముఖానికి రాయడం వల్ల ఫ్రీ రాడికల్స్ నుంచి చర్మాన్ని రక్షిస్తుంది. అయితే ఈ క్యాప్సూల్ని అప్లై చేసుకునే విధానం కూడా ఉంటుంది. అది ఇప్పుడు తెలుసుకుందాం.
టోనర్లో..
చాలా మంది నేరుగా విటమిన్ ఈ క్యాప్సూల్స్ రాసేస్తూ ఉంటారు. అలా అస్సలు చేయకూడదు వీటిని టోనర్లో కలిపి ఉపయోగించాలి. టోనర్ లేకపోయినా మీ ముఖానికి సూట్ అయ్యే ఫేస్ ఆయిల్, రోజ్ వాటర్లో కూడా మిక్స్ చేసి ఉపయోగించవచ్చు.
క్లెన్సర్లో…
ఈ విటమిన్ ఈ క్యాప్సూల్స్ని క్లెన్సర్లో కూడా మిక్స్ చేసి ఉపయోగించవచ్చు. ఇలా మిక్స్ చేసి ముఖానికి అప్లై చేసి సున్నితంగా మసాజ్ చేయడం వల్ల మంచి గ్లో వస్తుంది. ముఖంపై మచ్చలు ఉంటే తగ్గుతాయి.
ఫేస్ ప్యాక్స్లో..
మీరు ముఖానికి ఉపయోగించే ఫేస్ ప్యాక్స్లో కూడా ఈ విటమిన్ ఈ ఆయిల్ క్యాప్సూల్స్ ని మిక్స్ చేసి ఉపయోగించవచ్చు. ఇలా చేయడం వల్ల కూడా మంచి ఉపయోగం ఉంటుంది.
మాయిశ్చరైజర్తో..
మీరు ముఖానికి ఉపయోగించే ఫేస్ మాయిశ్చరైజర్లో కూడా విటమిన్ ఈ క్యాప్సూల్స్ మిక్స్ చేసి యూజ్ చేయవచ్చు. ఇలా రోజుకు రెండు సార్లు అప్లై చేస్తూ ఉండాలి. కొద్ది రోజుల్లోనే మంచి రిజల్ట్ కనిపిస్తుంది.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్ చేయండి..