Mustard Oil: ఈ నూనెతో వంటలు చేస్తే మీరు ఊహించని లాభాలు..

నూనెల్లో చాలా రకాల ఉన్నాయి. కానీ ఎక్కువగా వంటకు ఉపయోగించే వాటిల్లో పామ్ ఆయిల్, సన్ ఫ్లవర్ ఆయిల్, వేరుశనగ, కొబ్బరి నూనె ఉంటాయి. తెలుగు రాష్ట్రాల్లో మాత్రం పామ్ ఆయిల్, సన్ ఫ్లవర్ ఆయిల్, వేరుశనగ యూజ్ చేస్తారు. ఇప్పుడంటే ఆయిల్స్‌లో ఇన్ని రకాలు వచ్చాయి. కానీ పూర్వం ఎక్కువగా ఆవాల నూనె, నువ్వుల నూనెను ఉపయోగించేవారు. వీటితో వంటలకు రుచి మాత్రమే కాకుండా ఎన్నో ఆరోగ్య ప్రయోజనాలు ఉన్నాయి. ముఖ్యంగా ప్రస్తుతం చలి కాలం కాబట్టి.. ఈ నూనె తీసుకోవడం వల్ల బ్యాక్టీరియల్, వైరల్ ఇన్ఫెక్షన్స్ రాకుండా అడ్డుకోవచ్చు. ఇంకా మరెన్నో దీర్ఘకాలిక వ్యాధులు రాకుండా చేస్తాయి. ఆవాల నూనెను వంటల్లో ఉపయోగించడం వల్ల ఎలాంటి బెనిఫిట్స్ ఉన్నాయో ఇప్పుడు చూద్దాం.

కీళ్ల నొప్పులు మాయం:

తరచూ ఆవాల నూనె ఉపయోగించిన వంటలు తింటే కీల్ల నొప్పులు తగ్గించుకోవచ్చు. ఇందులో ఆల్ఫా లినోలెనిక్ యాసిడ్, ఓమేగా 3 ఫ్యాటీ యాసిడ్స్ ఉంటయి. ఇవి కీళ్లను దృఢంగా, ఆరోగ్యంగా ఉండేలా చేస్తాయి. అర్థరైటిస్‌తో బాధ పడేవారు ఈ నూనె తీసుకుంటే మంచి ఫలితం ఉంటుంది.

గుండెకు మేలు:

మస్టర్డ్ ఆయిల్ వంటలు తినడం వల్ల గుండెకు కూడా ఎంతో మేలు జరుగుతుంది. ఇందులో ఉండే పోషకాలు.. శరీరంలో రక్త ప్రసరణ సరిగా జరిగేలా చేస్తాయి. దీంతో రక్త పోటు కూడా కంట్రోల్ అవుతుంది. ఈ క్రమంలో గుండె సంబంధిత సమస్యలు రాకుండా ఉంటాయి.

ఇవి కూడా చదవండి

జామ చెట్టు ఆకులను ఇలా వాడారంటే షుగర్, బీపీకి బైబై చెప్పొచ్చు..

బియ్యం కడిగిన నీళ్లతో అందం, ఆరోగ్యం.. డోంట్ మిస్!

కొరియన్స్ లాంటి చర్మం కావాలంటే.. ఇలా ట్రై చేయండి..

ఈ ఆకుకూర వారంలో ఒక్కసారి తిన్నా.. రోగాలే రావు!

జలుబు, దగ్గు కంట్రోల్:

మస్టర్ ఆయిల్ తీసుకోవడం వల్ల జలుబు, దగ్గు అనేవి కంట్రోల్ అవుతాయి. ఛాతీలో పేరుకు పోయిన కఫాన్ని బయటకు పంపుతుంది. అదనపు నీరు ఉన్నా తగ్గుతుంది. శ్వాస తీసుకోవడానికి ఇబ్బంది పడేవారికి ఆవాల నూనెతో మసాజ్ చేస్తే మంచి ఫలితం ఉంటుంది.

చర్మం – జుట్టు సమస్యలు మాయం:

ఆవాల నూనెతో చేసిన వంటలు తినడం వల్ల చర్మానికి, జుట్టుకు కూడా చాలా మంచిది. ఇందులో ఉండే పోషకాలు చర్మ రంగును మెరుగు పరుస్తాయి. ఎలాంటి మచ్చలు లేకుండా యవ్వనంగా ఉండేలా చేస్తుంది. అలాగే ఆవాల నూనె తీసుకోవడం వల్ల తలపై వేడి అనేది ఉత్పత్తి అవుతుంది. దీంతో రక్త ప్రసరణ బాగా జరిగి.. జుట్టు ఒత్తుగా, పొడుగ్గా పెరుగుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే.)

మరిన్ని లైఫ్ స్టైల్ వార్తల కోసం క్లిక్ చేయండి.