Diabetes and skin care : డయాబెటిస్లో చర్మ సంరక్షణ నిర్లక్ష్యం చేయకండి.. ఇలాంటి సన్స్క్రీన్ తప్పనిసరి..!
చర్మాన్ని ఎలాంటి ఇన్ఫెక్షన్లు, ఎరుపుదనం, దద్దుర్లు రాకుండా కాపాడుకోవడానికి ఉన్ని దుస్తులను ధరించడం మానుకోండి . డయాబెటిక్ పేషెంట్లు స్నానానికి స్కిన్ ఫ్రెండ్లీ బాడీ వాష్ లేదా హెర్బల్ సోప్ వాడాలి. ఇది కాకుండా చర్మంపై ఎక్కువ మొత్తంలో బాడీ వాష్ అప్లై చేయడం మానుకోండి.
Updated on: May 26, 2024 | 7:01 PM
డయాబెటిస్..దీనినే మధుమేహం, షుగర్ వ్యాధి అని కూడా అంటారు. డయాబెటిస్ అనేది జీవితకాలం వేధించే తీవ్రమైన జబ్బు. వయసుతో సంబంధం లేకుండా ఎవరికైనా ఈ జబ్బు రావొచ్చు. ప్రతీ ఏడాది లక్షల మంది షుగర్ వ్యాధి కారణంగా చనిపోతున్నారు. రక్తంలోని చక్కెరల (గ్లూకోజ్)ను శరీరం ప్రాసెస్ చేయలేనప్పుడు డయాబెటిస్ వస్తుంది. దీనివల్ల గుండెపోటు, పక్షవాతం, చూపు కోల్పోవడం, మూత్రపిండాల వైఫల్యం వంటివి సంభవించే ముప్పు ఉంటుంది. దీనిని ఖచ్చితంగా నిర్మూలించగలిగే మెడిసిన్ లేనప్పటికీ, జీవనశైలిలో మార్పులతో చాలా వరకు ఈ వ్యాధిని నివారించవచ్చు. అయితే, మధుమేహులు ముఖ్యంగా ఆహారంపై ప్రత్యేక శ్రద్ధ వహిస్తారు. కానీ, చర్మాన్ని జాగ్రత్తగా చూసుకోవడం మరచిపోతాము. మధుమేహ వ్యాధిగ్రస్తులు తమ చర్మాన్ని జాగ్రత్తగా చూసుకోవడం చాలా ముఖ్యం అని నిపుణులు సూచిస్తున్నారు. ఎందుకంటే మధుమేహం ప్రభావాలు చర్మంపై కూడా కనిపిస్తాయి. ఇందుకోసం నిపుణులు పాటించాల్సిన కొన్ని ప్రత్యేక చిట్కాలు ఇక్కడ తెలుసుకుందాం..
డయాబెటిస్లో మీ చర్మంపై ప్రత్యేక శ్రద్ధ వహించండి. చర్మంపై ఎలాంటి ఇన్ఫెక్షన్ వచ్చినా సమస్య పెరుగుతుంది. అటువంటి పరిస్థితిలో డయాబెటిక్ రోగులు అనేక సమస్యలను ఎదుర్కోవలసి ఉంటుంది. అన్ని వేళల మీ మీ చర్మాన్ని ఎలా సంరక్షించుకోవచ్చు, చర్మ సంబంధిత సమస్యలను ఎలా నివారించవచ్చో అనే విషయాలపై అవగాహన తప్పనిసరి. ఇందుకోసం..
మాయిశ్చరైజర్ని క్రమం తప్పకుండా వాడండి:
మీ చర్మం పొడిగా ఉంటే, చర్మాన్ని తేమగా మార్చడం చాలా ముఖ్యం. ఎందుకంటే చర్మం పొడిగా ఉండటం వల్ల అలెర్జీకి కారణం కావచ్చు. చర్మంపై మాయిశ్చరైజర్ లేకపోవడం వల్ల చర్మంలో దురద, పొడిబారడం జరుగుతుంది. దీని కారణంగా స్కిన్ ఇన్ఫెక్షన్ వచ్చే అవకాశం పెరుగుతుంది. మాయిశ్చరైజర్ని ఉపయోగించడానికి ఉత్తమ సమయం షవర్ లేదా స్నానం చేసిన తర్వాత. మీరు పగటిపూట కూడా మాయిశ్చరైజర్ని ఉపయోగించవచ్చు. ఇది కాకుండా, చేతులు, కాళ్లు పొడిబారకుండా ఉండేందుకు మీరు రోజుకు 3 నుండి 4 సార్లు మాయిశ్చరైజర్ ఉపయోగించవచ్చు.
సన్స్క్రీన్ను అప్లై చేయండి:
మార్కెట్లో అనేక కొత్త రకాల సన్స్క్రీన్లు వచ్చాయి. అయితే మీరు డయాబెటిక్ పేషెంట్ అయితే, మీరు 40 SPF సన్స్క్రీన్ని ఉపయోగించడం మంచిది. సన్స్క్రీన్ సూర్యుని హానికరమైన ప్రభావాల నుండి ముఖాన్ని రక్షించడంలో సహాయపడుతుంది. ఇది చర్మాన్ని టాన్ రాకుండా కూడా కాపాడుతుంది. సన్స్క్రీన్ని రెగ్యులర్గా ఉపయోగించడం వల్ల ముఖం కాంతివంతంగా మారుతుంది. చర్మంపై సన్స్క్రీన్ వర్తించే ముందు, ప్యాచ్ టెస్ట్ చేయండి. ప్రతి సీజన్లో సన్స్క్రీన్ అప్లై చేయాలి.
సీజనల్ పండ్లు, కూరగాయలను ఎక్కువగా తినండి. నీరు పుష్కలంగా తాగాలి. తద్వారా చర్మం తగినంత తేమతో ఉంటుంది. తాజా పండ్ల రసాలను తీసుకోవాలి. చర్మానికి అనుకూలమైన సబ్బును ఎంచుకోండి. స్నానం చేయడానికి డియోడరెంట్ సబ్బు లేదా బాడీ వాష్ను ఉపయోగించడం మానుకోండి. దీని కారణంగా చర్మం pH స్థాయి ప్రభావితమవుతుంది. అలాగే, చర్మంపై ఎర్రటి దద్దుర్లు, వేడి దద్దుర్లు వచ్చే ప్రమాదం పెరుగుతుంది. డయాబెటిక్ పేషెంట్లు స్నానానికి స్కిన్ ఫ్రెండ్లీ బాడీ వాష్ లేదా హెర్బల్ సోప్ వాడాలి. ఇది కాకుండా చర్మంపై ఎక్కువ మొత్తంలో బాడీ వాష్ అప్లై చేయడం మానుకోండి.
చర్మాన్ని ఎలాంటి ఇన్ఫెక్షన్లు, ఎరుపుదనం, దద్దుర్లు రాకుండా కాపాడుకోవడానికి ఉన్ని దుస్తులను ధరించడం మానుకోండి . మీరు వెచ్చని బట్టలు ధరించాలనుకుంటే, ముందుగా కాటన్ దుస్తులను ధరించండి. దీని తరువాత మీరు స్వెటర్ లేదా షాల్ ధరించవచ్చు. శరీరం, చర్మం వేడి దుస్తులు ఎక్కువ సమయం ధరించటం వల్ల చర్మంలో వాపు మరియు దురద పెరుగుతుంది.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి..
