కరోనా టైంలో పెరిగిన బ్యాడ్‌ హ్యాబిట్స్‌.. మద్యం, సిగరెట్లకు బానిసలైన యువత..

Carona Pandemic: కరోనా కాలంలో మద్యపానం, ధూమపాన వ్యసనం యువతలో విపరీతంగా పెరిగింది. ఇటీవల, జర్నల్‌లో 'వ్యసనం' ఒక అధ్యయనం ప్రచురించారు.

Drinking Too Much Alcohol I

uppula Raju |

Updated on: Jan 02, 2022 | 6:26 PM

Carona Pandemic: కరోనా కాలంలో మద్యపానం, ధూమపాన వ్యసనం యువతలో విపరీతంగా పెరిగింది. ఇటీవల, జర్నల్‌లో ‘వ్యసనం’ ఒక అధ్యయనం ప్రచురించారు. దీని ప్రకారం ఇంగ్లాండ్‌లో మొదటి లాక్‌డౌన్ సమయంలో 4.5 మిలియన్లకు పైగా పెద్దలు మద్యం సేవించడం ప్రారంభించారు. ఇది దాదాపు 40 శాతం పెరిగింది. మద్యానికి బానిస కావడం స్త్రీలలో, తక్కువ ఆదాయం ఉన్నవారిలో కూడా కనిపిస్తుంది. ఈ అధ్యయనం ప్రకారం మొదటి లాక్‌డౌన్ సమయంలో 6,52,000 మంది యువత ధూమపానానికి బానిసలయ్యారు.

డ్యుయిష్ వెల్లే నివేదిక ప్రకారం.. అక్టోబర్ 2021లో యూరోపియన్ జర్నల్ ఆఫ్ పబ్లిక్ హెల్త్‌లో ప్రచురించిన అధ్యయనం ప్రకారం.. మార్చి 2020లో ఫ్రాన్స్‌లో మొదటి లాక్‌డౌన్ తర్వాత పొగాకు వినియోగం 18 ఏళ్ల వయస్సు ఉన్నవారిలో 27 శాతం పెరిగింది. 19 శాతం మంది తమ వినియోగం తగ్గిందని చెప్పారు. లాక్‌డౌన్‌ తర్వాత మద్యం సేవించే వారి సంఖ్య 11 శాతం పెరిగిందని చెప్పారు. వారి వయస్సు 18 నుంచి 49 సంవత్సరాల మధ్య ఉంటుంది. అదే సమయంలో 24.4 శాతం మంది ప్రజలు తాగడం మానేసినట్లు చెప్పారు. జర్మనీలో కూడా సిగరెట్ తాగే యువకుల సంఖ్య వేగంగా పెరిగింది. ఒక అధ్యయనం ప్రకారం 2019 లో 14 ఏళ్లు పైబడిన వారిలో 27 శాతం మంది సిగరెట్ తాగేవారు ఇప్పుడు ఈ సంఖ్య 31 శాతానికి పెరిగింది.

జర్మనీలో సిగరెట్ తాగడం వల్ల ఏటా దాదాపు 1.20 లక్షల మంది చనిపోతున్నారు. జర్మన్ సొసైటీ ఫర్ అడిక్షన్ రీసెర్చ్ అండ్ అడిక్షన్ థెరపీ ప్రెసిడెంట్ డాక్టర్ ఫాక్ కీఫెర్ ప్రకారం.. 25 శాతం మంది పెద్దలు కరోనా కాలంలో ఎక్కువ మద్యం సేవించారు. ఒత్తిడి, విచారం, ఒంటరితనం కారణంగా దీనికి బానిసయ్యారు. యూనివర్శిటీ కాలేజ్ లండన్‌లోని అడిక్షన్ స్టడీస్ హెడ్ సారా జాక్సన్ ప్రకారం.. లాక్‌డౌన్‌లో ఒత్తిడి కారణంగా చాలా మంది యువత ధూమపానం చేయడం ప్రారంభించారు. అయితే ఒక వ్యక్తి మద్యం లేదా ధూమపానం మానేస్తే అది క్యాన్సర్ ప్రమాదాన్ని తగ్గిస్తుందని గుర్తుంచుకోండి.