Viral Video: తగ్గేదే లే.. కుక్కను ఎదిరించిన తొండ.. వీడియో చూస్తే పక్కా షాకవుతారు

ప్రాణం మీదికి వస్తే పిల్లి కూడా…పులి అవుతుందని చెప్పడానికి ఈ సంఘటన నిదర్శనం. తన ప్రాణాలు కాపాడుకునేందుకు తన కన్నా ఎన్నో రెట్లు పెద్ద దైన కుక్కను ఎదిరించింది ఓ చిన్నపాటి తొండ. ధైర్యంగా ఎదిరిస్తూ ప్రాణాలతో బయటపడింది. మహబూబ్‌నగర్ పట్టణంలోని ఎనుగొండ, సగర కాలనీలో ఈ సీన్ కనిపించింది. ఇంట్లోకి వచ్చిన తొండను పెంపుడు కుక్క అడ్డుకోవడంతో.. ఆ కుక్కను తొండ ఎదిరించింది. కానీ తొండ.. కాస్త అగ్రెసీవ్‌గా ముందుకు వస్తున్నప్పటికీ… కుక్క దానికి ఎలాంటి హాని తలపెట్టలేదు. కేవలం అరుస్తూ భయపెట్టే ప్రయత్నం చేసింది. ఈ సన్నివేశం ఆసక్తికరంగా ఉండడంతో ఇంటి యజమాని చక్రపాణి తన సెల్ ఫోన్ లో బంధించారు.  స్థాయి చిన్నదైనప్పటికీ తొండ  ధైర్యం ప్రదర్శిస్తున్న తీరు తనకు నచ్చిందని, అందుకే సెల్ ఫోన్ లో బంధించానని ఉపాధ్యాయుడు చక్రపాణి తెలిపారు. కాగా ఈ వీడియోను ఇప్పుడు నెట్టింట ట్రెండింగ్‌గా మారింది. నెటిజన్లు కామెంట్స్ పెడుతూ వీడియోను షేర్ చేస్తున్నారు.

Also Read: Viral: ఆకాశం నుంచి చేపల వర్షం… సంభ్రమాశ్చర్యాలకు లోనైన జనం

Telangana: కిలో మటన్‌ కొను.. అదిరిపోయే గిఫ్ట్‌ పట్టు.. వ్యాపారి క్రేజీ ఆఫర్..