తెలంగాణ ప్రజలకు గుడ్ న్యూస్, తగ్గిన ఆర్‌- వాల్యూ

తెలంగాణలో కరోనా వైరస్ విజృంభణ కాస్త తగ్గుముఖం పట్టింది.  పాజిటివ్ కేసుల సంఖ్య మాత్రం 2,00,611 కు చేరింది. మరోవైపు ఆర్‌- వాల్యూ మాత్రం క్రమంగా తగ్గుతుంది.  కోవిడ్ సోకిన వ్యక్తి నుంచి సగటున ఎంతమంది ఇతర వ్యక్తులకు వైరస్‌ సంక్రమించిందన్న వి యాన్ని ఆర్‌- వాల్యూ (రీ ప్రొడక్షన్‌) తెలియజేస్తుంది. దీని ద్వారా వైరస్‌ వ్యాప్తి తీవ్రతపై ఒక స్పష్టమైన అవగాహన వచ్చే ఛాన్స్ ఉంటుంది. తెలంగాణలో ఆర్‌- వాల్యూ  ఆగస్టు మూడవ వారంలో 1.27 ఉండగా, అది సెప్టెంబర్ మూడవ వారంలో కేవలం 1 కి పడిపోయింది. ఈ సంఖ్య భారత సగటు 0.86 కన్నా కొంచెం ఎక్కువగా ఉన్నప్పటికీ, నిపుణులు రాష్ట్రంలో సంక్రమణ వ్యాప్తి భయంకరమైన దశలో లేదని, క్రమంగా తగ్గుతున్నదని చెప్పారు. నిజానికి ఆర్‌- వాల్యూ ఒకటి కంటే తక్కువగా ఉండటం ప్రజల ఇమ్యూనిటి పవర్ మెరుగు పడుతుందనడానికి సంకేతం. ఉభయ తెలుగు రాష్ట్రాలలో కోవిడ్-19 సోకిన వ్యక్తి సగటున  ఒకరి కంటే తక్కువగానే వ్యాధి వ్యాప్తి చేస్తున్నట్లు నిపుణులు చెబుతున్నారు. 

Also Read :

హైదరాబాద్‌లో బైక్ నంబర్ ప్లేట్లకు మాస్కులు, పోలీసులకు కొత్త చిక్కులు

నాయినికి కరోనా నెగిటివ్