అబ్దుల్ సలాం కేసులో నిందితులకు షరతులతో కూడిన బెయిల్, వివరాలు ఇలా ఉన్నాయి
తెలుగు రాష్ట్రాల్లో ప్రకంపనలు రేపిన అబ్దుల్ సలాం ఫ్యామిలీ ఆత్మహత్య కేసులో నిందితులకు కర్నూలు జిల్లా నంద్యాల కోర్టు బెయిల్ మంజూరు చేసింది.
Updated on: Dec 11, 2020 | 9:27 PM
తెలుగు రాష్ట్రాల్లో ప్రకంపనలు రేపిన అబ్దుల్ సలాం ఫ్యామిలీ ఆత్మహత్య కేసులో నిందితులకు కర్నూలు జిల్లా నంద్యాల కోర్టు బెయిల్ మంజూరు చేసింది. ఈ కేసులో ప్రధాన నిందితులుగా ఉన్న సీఐ సోమశేఖర్రెడ్డి, హెడ్కానిస్టేబుల్ గంగాధర్కు బెయిల్ లభించింది. ఇద్దరికీ రూ.5వేల చొప్పున పూచీకత్తుతో పాటు రెండు నెలల పాటు ప్రతి సోమవారం మార్నింగ్ 10 గంటల నుంచి మధ్యాహ్నం 2 గంటల మధ్య ఆళ్లగడ్డ డీఎస్పీ ఎదుట హాజరుకావాలని న్యాయమూర్తి ఆదేశించారు.
దొంగతనం కేసులకు సంబంధించి తనకు ఏ సంబంధం లేకపోయినా వేధింపులకు గురిచేస్తున్నారనే మనస్తాపంతో నంద్యాల సిటీకి చెందిన అబ్దుల్ సలాం తన ఫ్యామిలితో సహా ఆత్మహత్య చేసుకున్నారు. పాణ్యం సమీపంలో రైల్వేట్రాక్పై భార్యాపిల్లలతో సహా తనువు చాలించాడు. ఆత్మహత్యకు ముందు ఆ కుటుంబం తీసుకున్న సెల్ఫీ వీడియో వైరల్గా మాదింది. దాని ఆధారంగా విచారణ చేపట్టిన పోలీసులు నంద్యాల సీఐ సోమశేఖర్రెడ్డి, హెడ్కానిస్టేబుల్ గంగాధర్లపై కేసు నమోదు చేసి అరెస్ట్ చేశారు.
Also Read :
అగ్గితో ఆటలొద్దు..సీఎం మమతా బెనర్జీకు గవర్నర్ జగ్దీప్ ధనకర్ డైరెక్ట్ వార్నింగ్
రైతులకు ఆదాయం పెంచే విధానాలపై ఫోకస్ పెట్టండి, బ్యాంకర్లకు సీఎం జగన్ సూచన
