కూతురి మృతదేహాన్ని మంచంపై ఉంచి 35 కి.మీ. కాలినడక, మధ్యప్రదేశ్ లో ఓ తండ్రి దీనావస్థ ! వీడియోను చూసి నెటిజన్ల ఆవేదన

మధ్యప్రదేశ్ లోని సింగ్రౌలీ జిలాల్లో తన కూతురి మృతదేహాన్ని మంచంపై ఉంచి 35 కిలోమీటర్ల దూరం కాలినడకన సుదీర్ఘ ప్రయాణం సాగించాడు ఓ తండ్రి..

Man Walks With Daughter's Body

Umakanth Rao | Edited By: Phani CH

Updated on: May 09, 2021 | 8:18 PM

మధ్యప్రదేశ్ లోని సింగ్రౌలీ జిలాల్లో తన కూతురి మృతదేహాన్ని మంచంపై ఉంచి 35 కిలోమీటర్ల దూరం కాలినడకన సుదీర్ఘ ప్రయాణం సాగించాడు ఓ తండ్రి.. జిల్లా ఆసుపత్రిలో ఆమె మృతదేహానికి పోస్టుమార్టం కోసం తీసుకువెళ్లేందుకు ఏడు గంటలు ఇలా నడిచాడు. ఇద్దరు, ముగ్గురు గ్రామస్థులు కూడా ఆయనకు సహకరించారు. 16 ఏళ్ళ ఇతని కూతురు ఈ నెల 5 న సూసైడ్ చేసుకుంది. గడాయి అనే ఈ గ్రామంలో జరిగిన ఈ ఘటన గురించి తెలుసుకున్న పోలీసులు ఇక్కడికి వచ్చి ఈ యువతి మృతదేహానికి జిల్లా ఆసుపత్రిలో పోస్టుమార్టం చేయాల్సి ఉందని, అక్కడికి తీసుకురావాలని చెప్పి వెళ్లిపోయారు. అయితే ఆసుపత్రి సుమారు 35 కి.మీ. దూరంలో ఉంది. నిరుపేద అయిన ఈమె తండ్రికి తన కూతురు డెడ్ బాడీని తరలించేందుకు ఏ వాహనాన్నీ సమకూర్చుకోలేకపోయాడు. పైగా అధికారులు కూడా తాము వాహనాన్ని ఏర్పాటు చేయలేమని, అది నువ్వే చూసుకోవాలని చెప్పి చేతులెత్తేశారు. దాంతో ఈ తండ్రి తన కుమార్తె డెడ్ బాడీని మంచం మై వేసుకుని కాలినడకన బయల్దేరాడు, ఉదయం 9 గంటలకు బయల్దేరి సాయంత్రం సుమారు 4 గంటలకు జిల్లా ఆసుపత్రికి చేరాడట.. ఈ వీడియో ఎంతో దయనీయంగా ఉందని, ఆ నిర్భాగ్య పేద తండ్రికి ఎన్ని కష్టాలువచ్చాయని నెటిజన్లు వాపోతున్నారు.

A man was forced to carry his daughter’s body on a cot for post-mortem for 35 km, walking for almost seven hours to reach the hospital in Singrauli @ndtv @ndtvindia pic.twitter.com/cNMYsWVzNh

— Anurag Dwary (@Anurag_Dwary) May 9, 2021