Cloudburst: పోటెత్తిన వరదలు.. కుప్పకూలిన ఇళ్లు.. ముగ్గురు మృతి, నలుగురు గల్లంతు..

Uttarakhand Cloudburst: ఉత్తరాఖండ్‌లోని ఉత్తరకాశీ జిల్లాలో ఎడతెరపి లేకుండా భారీ వర్షాలు కురుస్తున్నాయి. దీంతో సోమవారం తెల్లవారుజామున ఆకస్మిక

Cloudburst In Mando Village

Shaik Madar Saheb |

Updated on: Jul 19, 2021 | 8:27 AM

Uttarakhand Cloudburst: ఉత్తరాఖండ్‌లోని ఉత్తరకాశీ జిల్లాలో ఎడతెరపి లేకుండా భారీ వర్షాలు కురుస్తున్నాయి. దీంతో సోమవారం తెల్లవారుజామున ఆకస్మిక వరదలు వెల్లువెత్తాయి. దీంతో ఒకే కుటుంబానికి చెందిన ముగ్గురు మరణించారు. మరో నలుగురు గల్లంతయ్యారు. ఉత్తరకాశీ జిల్లా మండో గ్రామంలో ఆకస్మిక వరదలు పోటెత్తడంతో జిల్లాలోని ఇళ్లు కుప్ప కూలినట్లు అధికారులు వెల్లడించారు. ఈ ఆకస్మిక వరదల్లో ఓ ఇల్లు కుప్ప కూలి మాధురి(42), రీతూ(38), ఇషూ (6) మరణించగా.. మరో నలుగురు కుటుంబసభ్యులు గల్లంతైనట్లు అధికారులు పేర్కొన్నారు.

Uttarakhand: 3 people died and four people were reported as missing after a cloudburst in Mando village in Uttarkashi district, says Inspector Jagdamba Prasad, Team Incharge, State Disaster Response Force (SDRF) pic.twitter.com/krNECEjtSe

— ANI (@ANI) July 19, 2021

సమాచారం అందుకున్న ఉత్తరకాశీ జిల్లా అధికారులు, ఎస్డీఆర్‌ఎఫ్‌ బృందం ఘటనా స్థలానికి చేరుకుని సహాయక చర్యలు చేపట్టారు. సహాయక చర్యలు కొనసాగుతున్నట్లు అధికారులు వెల్లడించారు. వరదల అనంతరం సహాయ పునరావాస పనులు చేపట్టామని, గల్లంతైన వారి కోసం గాలిస్తున్నట్లు ఎస్డీఆర్ఎఫ్ ఇన్‌చార్జ్ జగదాంబ ప్రసాద్ పేర్కొన్నారు. భారీ వర్షాల కారణంగా చాలా ఇళ్లు నీట మునిగినట్లు అధికారులు తెలిపారు.

Uttarakhand: Rescue operation underway at Uttarkashi’s Mando village where a cloudburst incident claiming at least three lives was reported, yesterday pic.twitter.com/EocGek8uc6

— ANI (@ANI) July 19, 2021