ఏటీఎం కార్డు పై 16 అంకెల సంఖ్య ఎందుకు ఉంటుంది..? ఈ అంకెల రహస్యం ఏంటో తెలుసుకోండి..

డెబిట్ కార్డు సామాన్యులకు బ్యాంకింగ్ సేవలను చాలా సులభతరం చేసింది. ఇప్పుడు మీరు ఏ వస్తువులు కొనాలన్నా.. ఏ చెల్లింపులు

Debit Card

Updated on: Jul 27, 2021 | 1:15 PM

డెబిట్ కార్డు సామాన్యులకు బ్యాంకింగ్ సేవలను చాలా సులభతరం చేసింది. ఇప్పుడు మీరు ఏ వస్తువులు కొనాలన్నా.. ఏ చెల్లింపులు చేయాలన్నా నగదు తీసుకెళ్లవలసిన అవసరం లేదు. కార్డును స్వైప్ చేస్తే మీ చెల్లింపు పూర్తవుతుంది. మీ బ్యాంక్ ఖాతాకు లింక్ చేయబడిన డెబిట్ కార్డ్ మీకు 24X7 చెల్లింపులకు హామీ ఇస్తుంది. చెల్లింపు కోసం మీ బ్యాంక్ ఖాతాలో డబ్బు ఉంటే సరిపోతుంది. చెల్లింపు ప్రక్రియలో భద్రత,సౌలభ్యం కోసం ఈ కార్డు అనేక రకాల సమాచారాన్ని కలిగి ఉంటుంది. ఇది మీరు తెలుసుకోవాలి.

ఉదాహరణకు మీ కార్డు ఏ కంపెనీ జారీ చేసింది, మీ కార్డులోని 16 అంకెల సంఖ్య అర్థం ఏమిటి, సివివి అంటే ఏమిటి, తదితర విషయాలు కచ్చితంగా తెలుసుకోవాలి. మీరు ఆన్‌లైన్ చెల్లింపులు చేసినప్పుడు ఈ సంఖ్యల సాయంతో ఈ కార్డు ఏ నెట్‌వర్క్ కంపెనీ నుంచి జారీ చేసిందో తెలుస్తుంది. దీనితో పాటు ఈ సంఖ్యలు మీ బ్యాంక్ ఖాతా గురించి సమాచారం ఇస్తాయి. ఇది కాకుండా ఈ సంఖ్యల సాయంతో మీ కార్డు భద్రతను కూడా నిర్ధారిస్తారు. కార్డు పోయినప్పటికీ మీ కార్డు ద్వారా ఏ వ్యక్తి ఎటువంటి ఖర్చు చేయలేడు.

కార్డులోని ఈ 16 అంకెల అర్థం ఏమిటి? ఏదైనా డెబిట్ కార్డు ముందు భాగంలో 16 అంకెల కోడ్ రాసి ఉంటుంది. డెబిట్ కార్డుతో ఆన్‌లైన్ చెల్లింపు చేసేటప్పుడు కూడా మీరు ఈ నంబర్‌ను పూరించాలి. ఈ కార్డు మొదటి 6 అంకెలు ‘బ్యాంక్ ఐడెంటిఫికేషన్ నంబర్’. దీని తరువాత ఉన్న 10 సంఖ్యలను కార్డ్ హోల్డర్ ప్రత్యేక ఖాతా సంఖ్య అంటారు. మీ డెబిట్ / ఎటిఎం కార్డులోని గ్లోబల్ హోలోగ్రామ్ కూడా భద్రతా హోలోగ్రామ్ ఇది కాపీ చేయడం చాలా కష్టం.

ఈ హోలోగ్రామ్ 3D. గడువు తేదీ కూడా కార్డులో ఉంటుంది. తద్వారా ఈ తేదీ తర్వాత మీరు దీనిని చెల్లింపు కోసం ఉపయోగించలేరని తెలుసుకోవచ్చు. మీ కార్డులో ముద్రించిన ఈ 16 అంకెల సంఖ్య అర్థం ఏమిటో మరింత తెలుసుకోండి. మొదటి అంకె 16 అంకెల కోడ్‌లో మొదటి అంకె ఈ కార్డ్‌ను ఏ సంస్థ జారీ చేసిందో చూపిస్తుంది. దీనిని ‘మేజర్ ఇండస్ట్రీ ఐడెంటిఫైయర్’ (MII) అంటారు. వివిధ పరిశ్రమలకు ఇది భిన్నంగా ఉంటుంది.

1 – ISO లేదా ఇతర పరిశ్రమలు 2 – ఎయిర్‌లైన్స్ 3 – ఎయిర్‌లైన్స్, ఇతర పరిశ్రమలు 4 – ప్రయాణ, వినోదం 5 – బ్యాంకింగ్, ఫైనాన్స్ (వీసా) 6 – బ్యాంకింగ్, ఫైనాన్స్ (మాస్టర్ కార్డ్) 7 – బ్యాంకింగ్, మర్చండైజింగ్ 8 – పెట్రోలియం 9 – టెలికాం, ఇతర పరిశ్రమలు