Viral: మహిళ తాకగానే స్పృహ కోల్పోతున్న పూజారి.. ఆస్పత్రిలో నర్సు తాకినా అంతే.. ఏంటీ మిస్టరీ..

Trending: ఇదో మిస్టరీ కేసు… మహిళ స్పర్శ తగిలితే చాలు.. మూర్ఛపోతున్నాడు ఈ పూజారి. అందుకే ఆలయానికి వచ్చిన మహిళలను దగ్గరికి కూడా రానివ్వడం లేదు. దూరం నుంచే హారతి ఇస్తున్నాడు. మహిళలు కాస్త దగ్గరిగా వస్తే చాలు తెగ భయపడిపోతున్నాడు. మధ్యప్రదేశ్​(Madhya Pradesh)లోని భోపాల్(Bhopal)​లో ఓ వింత కేసు వెలుగులోకి వచ్చింది. అయితే మహిళలు.. టచ్ చేస్తే  కళ్లు తిరిగి పడిపోవడానికి కారణం కూడా ఆ పూజారే చెప్పేస్తున్నాడు. తాను ఆంజనేయుడిని వీపరీతంగా ఆరాధిస్తానని.. అందుకే ఇలా జరుగుతుందని చెప్పుకొచ్చాడు. అసలు ఈ పూజారి సమస్య ఏంటో తేల్చాలని..స్థానికంగా ఉన్న సైకియాట్రిస్ట్​ దగ్గరకు తీసుకెళ్లారు కొందరు భక్తులు. జేపీ ఆసుపత్రి సైకియాట్రిస్ట్​​ డా.ఆర్​.కె.బైరాగి అతడిని పరీక్షించారు. వివిధ రకాలు టెస్టులు చేశారు. అయితే రిపోర్ట్స్ అన్నింటిలోనూ నార్మల్ అనే వచ్చింది. దీంతో డాక్టర్ కూడా కాస్త దీర్ఘంగా ఆలోచించారు. అనంతరం ఆ పూజారికి ఓ టెస్ట్ పెట్టారు. ‘లేడీ నర్సు నిన్ను తాకుతుంది. నువ్వు స్పృహా కోల్పోతావో లేదో మేము చూస్తాం’ అని పూజారితో చెప్పారు డాక్టర్. కానీ మహిళా నర్సుతో కాకుండా, అక్కడే పని చేస్తున్న ఓ వ్యక్తితో తాకమని చెప్పాడు డాక్టర్​. అది తెలియని ఆ పూజారి మాత్రం స్పృహ తప్పి పడిపోయాడు. తిరిగి తేరుకున్నాక డాక్టర్​ జరిగినదంతా చెప్పాడు. ఆపై అతను మానసిక రుగ్నతతో బాధపడుతున్నట్లు గుర్తించిన డాక్టర్.. ఆ మేరకు చికిత్స ప్రారంభించారు.

పూజారికి కొద్దిరోజులుగా కౌన్సిలింగ్​ ఇస్తున్నారు. కొన్ని మందులు కూడా ఇచ్చారు. ఇలాంటి స్థితి ఉన్నవారిని సైకోపత్ ​అని​ అనొచ్చని, వీరికి  వైద్యంతో పాటు కౌన్సిలింగ్​ అందిస్తే సరిపోతుందని డాక్టర్​ బైరాగి చెప్పారు. ‘కొందరు తమను తాము సూపర్ హీరోలుగా.. దేవుళ్లుగా భావిస్తున్నారు. ఇంకొందరు తమకు అతీత శక్తులున్నట్లు ఫీల్ అవుతుంటారు. ఫలానా విషయం గురించి అతిగా ఆలోచించడం వల్ల ఇలా జరుగుతుంది. ఈ పూజారి కూడా తనలో భగవంతుడి శక్తి ఉందని భావిస్తున్నాడు. అందుకే ఇలా చేస్తున్నాడు’ అని డా.ఆర్​.కె. బైరాగి తెలిపారు.

జాతీయ వార్తల కోసం