Flies In Home : ఇంట్లో ఈగల గోల ఎక్కువైందా..? ఈ టిప్స్‌ ఫాలో అయితే.. మళ్లీ చూద్దామన్నా కనిపించవు..

వర్షాకాలం వచ్చిందంటే ఇంట్లో ఈగల మోత మొదలవుతుంది. వంటగది, బాత్రూమ్, హాలు ప్రతిచోటా ఈగలే కనిపిస్తాయి. అవి ఆహారం మీద కూర్చుని చికాకు కలిగిస్తాయి.. ఈగలు వాలిన ఆహారాన్ని తినడం వల్ల కలరా, విరేచనాలు వంటి అనేక ఆరోగ్య సమస్యలు వస్తాయని నిపుణులు హెచ్చరిస్తున్నారు. అయితే ఈ ఈగలను తరిమికొట్టేందుకు కొందరు మార్కెట్ లో లభించే కెమికల్ స్ప్రేలను వాడుతుంటారు. కానీ, గుర్తుంచుకోండి..మితిమీరిన కెమికల్ స్ప్రేని ఉపయోగించడం ఆరోగ్యానికి మంచిది కాదు. దీనివల్ల మరిన్ని ఆరోగ్య సమస్యలు కలిగిస్తుంది. కాబట్టి, ఇంట్లో లభించే సహజసిద్ధమైన ఉత్పత్తులతో ఈగలు, దోమలను సులభంగా వదిలించుకోవచ్చు. అవేంటో ఇక్కడ తెలుసుకుందాం..

ఉప్పు నీరు: స్ప్రే బాటిల్‌లో నీటిని నింపి దానికి రెండు టేబుల్‌స్పూన్ల ఉప్పు వేయండి. ఈగలు ఉన్న చోట ఈ ద్రవాన్ని పిచికారీ చేయండి. నేలను శుభ్రపరిచేటప్పుడు ఉప్పునీటితో నేలను తుడిచినా మంచి ఫలితాలు వస్తాయి.

కర్పూరం పొడి: హారతికి వాడే కర్పూరం బాల్స్ తీసుకుని మెత్తగా రుబ్బుకోవాలి. ఈ పొడిని నీళ్లతో కలిపి స్ప్రే బాటిల్‌లో నింపాలి. ఈగలు కనిపించే చోట పిచికారీ చేయాలి. ఇలా చేస్తే ఒక్క ఈగ కూడా కనిపించదు.. 2013లో ‘జర్నల్ ఆఫ్ ఎంటమాలజీ’లో ప్రచురించబడిన ఒక అధ్యయనం ప్రకారం, ఈగలను తరిమికొట్టడంలో కర్పూరం ప్రభావవంతంగా పనిచేస్తుందని పరిశోధకులు కనుగొన్నారు. అలాగే కర్పూరం పొడి చల్లిన ప్రదేశంలో ఈగల సంఖ్య గణనీయంగా తగ్గుతుందని పరిశోధనలో తెలిసింది. ఈ పరిశోధనలో ఢిల్లీలోని జవహర్‌లాల్ నెహ్రూ యూనివర్సిటీకి చెందిన జువాలజీ ప్రొఫెసర్ కూడా పాల్గొన్నారు.

ఇవి కూడా చదవండి

కేరళ కళాకారుడి చేతిలో ప్రధాని మోదీ అద్భుతమైన విగ్రహం..ఎత్తు, రూపు

ప్రతిరోజూ సైకిల్ తొక్కండి.. ఆరోగ్యాన్ని కాపాడుకోండి..! ప్రయోజనాలు

ఖాళీ కడుపుతో నాలుగు వేప ఆకులు తింటే చాలు..ఆరోగ్య ప్రయోజనాలుబోలెడు

ఎప్పుడూ ముందుకే కాదు..రోజులో కాసేపు ఇలా ట్రై చేయండి.. బెనిఫిట్స్

తులసి ఆకు పేస్ట్: కొన్ని తులసి ఆకులను తీసుకుని మెత్తగా పేస్ట్ చేయాలి. ఈ పేస్ట్‌ను నీళ్లతో కలపండి. స్ప్రే బాటిల్‌లో నింపండి. ఇంట్లో ఈగలు ఎక్కువగా ఉండే ప్రదేశాలలో రోజుకు రెండుసార్లు పిచికారీ చేయాలి. ఇలా చేస్తే ఈగలు రావు.

దాల్చిన చెక్క పొడి: దాల్చిన చెక్క ఈగలను తరిమికొట్టడంలో బాగా ఉపయోగపడుతుంది. ముందుగా కొన్ని దాల్చిన చెక్కలను తీసుకుని మిక్సీలో మెత్తగా రుబ్బుకోవాలి. ఈగలు ఎక్కువగా ఉండే ప్రదేశాలలో ఈ పొడిని కొద్దిగా చల్లండి. ఈగలు దాల్చిన చెక్కతో ఇంట్లోకి ప్రవేశించవు.

పాలు, మిరియాలు: ఒక గ్లాసు పాలలో ఒక చెంచా నల్లమిరియాలు, 2 చెంచాల పంచదార వేసి బాగా కలపండి. ఒక చిన్న పాత్రలో ఉంచండి. ఈగలు ఉన్న చోట ఆ కంటైనర్‌ను ఉంచండి. అంతే ఆ కుండలో ఈగలు పడి చనిపోతాయి.

వెనిగర్: ఒక గిన్నెలో యాపిల్ సైడర్ వెనిగర్ తీసుకుని అందులో కాస్త యూకలిప్టస్ ఆయిల్ వేయాలి. తర్వాత ఈ ద్రవాన్ని స్ప్రే బాటిల్‌లో నింపి ఈగలు ఎక్కువగా ఉండే చోట స్ప్రే చేయండి. రోజుకు రెండుసార్లు పిచికారీ చేయడం వల్ల ఈగలు ఇంట్లోకి రాకుండా ఉంటాయి.

బిర్యానీ ఆకులు: ఇంట్లో ఈగలు ఎక్కువగా ఉన్నప్పుడు రెండు బిర్యానీ ఆకులను కాల్చండి. ఈ ఆకుల పొగ నుండి ఈగలు కూడా పారిపోతాయి.

మరిన్ని హ్యుమన్‌ ఇంట్రెస్ట్‌ వార్తల కోసం క్లిక్‌ చేయండి..