Health Tips: చలికాలంలో వచ్చే జబ్బులేవైనా సరే… ఇలా చెక్ పెట్టండి..! వ్యాధులు పరార్..
ఈ కషాయం శరీరంలో రోగనిరోధక శక్తిని పెంచడమే కాకుండా ఆరోగ్యాన్ని ఫిట్గా మార్చడంలో ముఖ్యపాత్ర పోషిస్తుంది.
Updated on: Dec 31, 2022 | 7:32 AM
చలికాలంలో మన శరీరంలో రక్తం గడ్డకట్టడం మొదలవుతుంది. దీని కారణంగా మన శరీరంలోని రోగనిరోధక శక్తి బలహీనపడుతుంది. జలుబు-దగ్గు,జ్వరం వంటి వ్యాధులు మనలను చుట్టుముడతాయి. ఈ సీజన్లో శరీరంలో రోగ నిరోధక శక్తిని పెంపొందించుకోవడానికి అల్లం డికాషన్ తాగితే ఆరోగ్య ప్రయోజనాలు పుష్కలంగా ఉన్నాయని పెద్దలు సూచించారు. ఈ కషాయం శరీరంలో రోగనిరోధక శక్తిని పెంచడమే కాకుండా ఆరోగ్యాన్ని ఫిట్గా మార్చడంలో ముఖ్యపాత్ర పోషిస్తుందని చెబుతున్నారు. ఈ రోజు అల్లం డికాక్షన్ వల్ల కలిగే అనేక ప్రయోజనాల గురించి మీకు తెలియజేస్తాము.
తలనొప్పి నుంచి తక్షణ ఉపశమనం.. చలికాలంలో చాలా మంది ఎదుర్కొనే సమస్యల్లో జలుబు, దగ్గు, తలనొప్పి ముఖ్యమైనవి. వీటి నుంచి ఉపశమనం పొందడానికి అల్లంతో చేసి డికాషన్ తాగండి. ఈ సమస్యల నుంచి త్వరలోనే ఉపశమనం పొందుతారు. బ్యాక్టీరియా, ఫంగల్ ఇన్ఫెక్షన్ల నుంచి విముక్తి కలిగిస్తుంది. చలికాలంలో చలి కారణంగా ప్రజలు తరచుగా తలనొప్పి బారినపడుతుంటారు. అటువంటి పరిస్థితిలో మీరు అల్లం కషాయాలను తాగితే, మీరు వెంటనే ఈ సమస్యను వదిలించుకోవచ్చు. నిజానికి ఈ డికాక్షన్ లో యాంటీ మైక్రోబియల్ గుణాలు ఉన్నాయి. ఇవి తలనొప్పిని తగ్గించడంలో ప్రయోజనకరంగా ఉంటాయి.
చలి నుంచి ఉపశమనం.. యాంటీ-ఆక్సిడెంట్లు అల్లం డికాక్షన్లో ఉంటాయి. ఇవి శరీరానికి హాని కలిగించే ఫ్రీ రాడికల్స్ను నాశనం చేస్తాయి. దీన్ని తీసుకోవడం వల్ల జలుబు నుంచి చాలా వరకు ఉపశమనం లభిస్తుంది. గొంతు నొప్పి త్వరగా నయమవుతుంది.
జ్వరం, ఒళ్లు నొప్పి నుంచి ఊరట.. చలికాలంలో జలుబు వల్ల జ్వరం పెరిగితే వెంటనే అల్లం కషాయం చేసి రోజుకు 3-4 సార్లు తాగాలి. ఇలా చేయడం వల్ల శరీరంలో రోగ నిరోధక శక్తి పెరిగి క్రమంగా జ్వరం తగ్గుతుంది. దీనితో పాటు, ఒళ్లు నొప్పుల నుండి కూడా ఉపశమనం లభిస్తుంది.
కండరాల నొప్పిలో .. జలుబు కారణంగా కండరాలు నొప్పులు ప్రారంభిస్తే మీరు అల్లం డికాక్షన్ తీసుకోవడం ప్రారంభించాలి. అల్లంలో ఉండే యాంటీ ఇన్ఫ్లమేటరీ గుణాల వల్ల కండరాల నొప్పి నుంచి ఉపశమనం లభిస్తుంది. దీనితో పాటు మీ శరీరం కూడా క్రమంగా ఫిట్గా మారడం ప్రారంభమవుతుంది.
జీర్ణవ్యవస్థకు అద్భుతమైనది.. తరచుగా కడుపునొప్పి, మలబద్ధకం లేదా అజీర్ణం సమస్య ఉన్నవారు, దానిని నివారించడానికి అల్లం కషాయం తీసుకోవాలి. మీకు వికారం లేదా వాంతులు అనిపించినా అల్లం డికాషన్ తాగవచ్చు. ఇలా చేయడం వల్ల మీ జీర్ణవ్యవస్థ చాలా ఫిట్గా మారుతుంది.
అల్లం డికాక్షన్ తయారు చేసే విధానం .. ముందుగా ఒక పాత్రలో 2 కప్పుల నీళ్లు పోసి వేడి చేయాలి. తరువాత తులసి ఆకులు, 1 దాల్చిన చెక్క, అల్లం, కొన్ని నల్ల మిరియాలు వేయండి. నీళ్లు మరిగిన తర్వాత ఆ వేడి నీటిలో ఒక చెంచా తేనె కలపండి. ఆ తర్వాత ఆ నీటిని దించి ఫిల్టర్ చేసుకుని గోరువెచ్చగా ఉండగానే తాగేయాలి. కావాలంటే ఆ డికాక్షన్ లో నిమ్మరసం కూడా వేసి కలుపుకోవచ్చు.
మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి.
