Smartphone Tips: స్మార్ట్ ఫోన్ ఉందని తెగ వాడేస్తున్నారా.. బాడీలోని ఆ పార్ట్ పనికిరాకుండా పోతుందట..

మొబైల్ ఫోన్ అనేది ప్రతీ మనిషికి నిత్యావసరంగా మారిపోయింది. లెక్కబెట్టాలే గాని ఇప్పుడు ఇంటికో అరడజను ఫోన్ల దాకా ఉంటాయి. నేడు ప్రతి చేతిలో మొబైల్ ఫోన్ ఉంది. పగలు, రాత్రి అనే తేడా లేకుండా చాలా మంది ఇందులో నిమగ్నమై ఉన్నారు. ఓ రకంగా చెప్పాలంటే ఫోన్‌కి అడిక్ట్ అయిపోయారు. తింటున్నప్పుడూ, తాగుతున్నప్పుడూ వారి కళ్లు స్మార్ట్‌ఫోన్‌పైనే ఉంటాయి. కొందరు బెడ్‌పై పడుకునేటప్పుడు ఫోన్‌ని దిండు కింద లేదా దగ్గర పెట్టుకుని ఛార్జింగ్ పెడుతుంటారు. చాలా సార్లు వారు తమ ఫోన్‌ను ఛార్జింగ్‌లో ఉంచుకుని నిద్రపోతారు, తద్వారా వారి ఫోన్ ఉదయాన్నే ఫుల్ ఛార్జ్ అవుతుంది. మీరు కూడా ఇలా చేస్తుంటే జాగ్రత్తగా ఉండండి. ఎందుకంటే మీ ఈ అలవాటు శరీరంలోని చాలా భాగాలకు ప్రమాదకరంగా మార్చుతోంది. దాని నష్టాలు ఏంటో ఇప్పుడు ఇక్కడ తెలుసుకుందాం..

మనం ఇంతకాలం కేవలం చిన్న చిన్న సమస్యలు వస్తాయని అనుకున్నాం. కానీ ఈ ఫోన్ మన జీవితంపైనే ప్రభావం చూపిస్తుందని తాజా పరిశోధనల్లో తేలింది.

వంధ్యత్వం ప్రమాదం

స్మార్ట్‌ఫోన్ మెదడు నుండి లైంగిక శక్తి వరకు చెడుగా ప్రభావితం చేస్తుంది. మొబైల్ ఫోన్ల నుంచి వెలువడే రేడియేషన్ పునరుత్పత్తిపై చెడు ప్రభావాన్ని చూపుతుందని చాలా నివేదికలు హెచ్చరిస్తున్నాయి. దీని వల్ల స్పెర్మ్ కౌంట్ తగ్గుతుంది. ఒక వ్యక్తి ఎప్పుడూ ఫోన్‌ను జేబులో ఉంచుకుంటే.. అతని స్పెర్మ్ కౌంట్ తగ్గవచ్చు. తండ్రి కావడానికి ఇబ్బంది ఉండవచ్చు.

మెదడు దెబ్బతింటుంది

మంచం మీద దిండు కింద మొబైల్ ఫోన్ పెట్టుకోవడం వల్ల మెదడు దెబ్బతింటుంది. ఇది పిల్లలకు మరింత ప్రమాదకరం. ఎందుకంటే వారి స్కాల్ప్, పుర్రె మరింత సున్నితంగా ఉంటాయి. అందుకే రేడియేషన్ వల్ల ఎక్కువ నష్టం వాటిల్లుతుంది. మొబైల్ ఫోన్ల నుంచి వెలువడే రేడియేషన్ క్యాన్సర్, ట్యూమర్ వంటి తీవ్రమైన, ప్రాణాంతక వ్యాధులకు కూడా కారణం కావచ్చు. అందుకే వీలైనంత వరకు ఫోన్‌కు దూరంగా ఉండండి.

జీవక్రియ ప్రభావితం..

ప్రపంచ ఆరోగ్య సంస్థ (డబ్ల్యూహెచ్‌ఓ) అందించిన సమాచారం ప్రకారం, ఫోన్‌ను తల దగ్గర పెట్టుకుని పడుకోవడం వల్ల అనేక రకాల ఆరోగ్య సమస్యలు వస్తాయి. రేడియేషన్ కారణంగా శరీరం తీవ్రంగా ప్రభావితమవుతుంది. మీరు మొబైల్ ఫోన్‌ను ఛార్జ్‌లో ఉంచడం ద్వారా నిద్రిస్తున్నప్పుడు, ఫోన్ నుండి రేడియో ఫ్రీక్వెన్సీ నిరంతరం బయటకు వస్తుంది. ఇది జీవక్రియను చెడుగా ప్రభావితం చేస్తుంది. కాబట్టి ఫోన్‌ను శరీరానికి దూరంగా ఉంచండి. ఒక అధ్యయనం ప్రకారం, ఫోన్‌ను ఎల్లప్పుడూ శరీరానికి 3 అడుగుల దూరంలో ఉంచడం ద్వారా దీని వల్ల కలిగే నష్టాన్ని తగ్గించవచ్చు.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ న్యూస్ కోసం