High Protein Foods: తరచుగా ఆకలి, అలసటతో ఇబ్బందిపడుతున్నారా..? ఇవి వ్యాధులు కావు.. శరీరంలో కొన్నింటి లోపాలు మాత్రమే..!
అందుకే సమతులాహారం తీసుకోవాలి. చెడు ఆహారం ఊబకాయం తీవ్రమైన సమస్యకు దారి తీస్తుంది. ఆహారంలో 40 శాతం ప్రోటీన్లు, 30 శాతం కొవ్వు 30 శాతం కార్బోహైడ్రేట్లను చేర్చండి.
Updated on: Feb 27, 2023 | 4:58 PM
ఉదయం నిద్రలేచింది మొదలు ప్రతి ఒక్కరిదీ బిజీ షెడ్యూలే. వ్యాయామం నుండి ఉద్యోగం వరకు, వ్యాపారంతో సహా, వారు తమ శారీరక శక్తిని బట్టి చేస్తుంటారు. అయితే మన శరీరానికి శక్తి ఎలా వస్తుందో తెలుసా? ప్రొటీన్, విటమిన్ వంటి పేర్లను మీరు వినే ఉంటారు. ప్రొటీన్లు ఎక్కువగా ఉండే ఆహారాన్ని ఎక్కువగా తీసుకోవాలని వైద్యులు చెబుతున్నారు. ఇది రోగనిరోధక శక్తిని బలోపేతం చేస్తుంది. అనారోగ్యం బారినపడకుండా చేస్తుంది. ప్రొటీన్ లోపం వల్ల శరీరంలో ఎలాంటి సమస్యలు వస్తాయో ఇక్కడ తెలుసుకుందాం..
శరీరం ఉబ్బిపోవటం.. సాధారణంగా, వాపుకు ప్రధాన కారణం మూత్రపిండాల వైఫల్యానికి సంబంధించినది. కానీ అకస్మాత్తుగా శరీరంపై వాపు, ముఖం, చేతులు, కాళ్లు వాపుగా కనిపిస్తే అది ప్రొటీన్ లోపానికి సంబంధించి కూడా ఉండవచ్చు. వెంటనే డాక్టర్ని సంప్రదించటం ఉత్తమం.
వైద్యం.. ఎక్కడైనా గాయం అయితే రెండు నుంచి నాలుగు రోజుల్లో వాటంతట అవే నయం అవుతాయి. కానీ గాయం మానకపోతే అది ప్రోటీన్ లోపం లక్షణం కావచ్చు. వైద్యుడిని సంప్రదించిన తర్వాతే ప్రొటీన్లు అధికంగా ఉండే పదార్థాల్ని మీ ఆహారంలో చేర్చుకోవాలి.
మానసిక కల్లోలం.. ప్రోటీన్ లోపం ప్రభావం మెదడుపై స్పష్టంగా కనిపిస్తుంది. దీని కారణంగా బాధిత వ్యక్తి ఆ క్షణంలో సంతోషంగా ఉంటారు.. ఆ మరు నిమిషంలోనే విచారంగా ఉంటారు.. ఇది కూడా ప్రోటీన్ లోపంగా చెబుతున్నారు వైద్య నిపుణులు. వెంటనే డాక్టర్ ని సంప్రదించాలని సూచిస్తున్నారు.
అలసిపోవటం.. సమతులమైన ప్రొటీన్ తీసుకోవడం వల్ల శరీరంలో శక్తి లోపిస్తుంది. దీనివల్ల అలసట సమస్య వస్తుంది. మీరు కూడా పనిలో చాలా త్వరగా అలసిపోతే, ఇవి ప్రోటీన్ లోపం లక్షణాలుగా తెలుసుకోవాలి.. అలసటను నివారించడానికి, బీన్స్, క్వినోవా, గుడ్లు, అరటిపండ్లు మొదలైన వాటిని తినండి. నాన్ వెజ్ తీసుకుంటే చికెన్ లివర్, రెడ్ మీట్ ను డైట్ లో చేర్చుకోవచ్చు. ఇది ప్రొటీన్లనే కాకుండా ఐరన్ లోపాన్ని కూడా దూరం చేస్తుంది.
గోరు, చర్మ వ్యాధి.. ప్రొటీన్ గోర్లు, చర్మాన్ని సరిచేయడానికి పనిచేస్తుంది. చర్మాన్ని తయారు చేయడంలో ప్రొటీన్ కీలక పాత్ర పోషిస్తుంది. ఏదైనా చర్మ సంబంధిత వ్యాధి ఉంటే, అందులో ప్రోటీన్ లోపం పెద్ద పాత్ర ఉంటుంది. పొడి చర్మం, బలహీనమైన గోర్లు ప్రోటీన్ లోపం లక్షణాలు.
అధిక ఆకలి.. ప్రోటీన్ లోపం ఉన్నవారు చాలా ఆకలితో ఉంటారు. అందుకే సమతులాహారం తీసుకోవాలి. చెడు ఆహారం ఊబకాయం తీవ్రమైన సమస్యకు దారి తీస్తుంది. ఆహారంలో 40 శాతం ప్రోటీన్లు, 30 శాతం కొవ్వు 30 శాతం కార్బోహైడ్రేట్లను చేర్చండి.
మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి..
