Guava Leaves: ఆకుల్లో ఔషధం.. జామ ఆకులు తీసుకోవడం వల్ల కలిగే లాభాలు ఏంటో తెలుసా..
జామ పండ్లకే కాదు ఆకులకు కూడా రోగనిరోధక శక్తి ఉంటుంది.కానీ జామ పండు తింటాం, కానీ ఆకులను పారేస్తాం. జామ ఆకుల్లో ఎన్నో ఔషధ గుణాలుంటాయి.
Updated on: Nov 10, 2022 | 8:15 PM
ఆరోగ్యంగా ఉండటం కోసం మనం ఏవేవో చేస్తుంటాం కానీ మన చుట్టుపక్కల దొరికే పండ్లు మనకు ఎంతో మేలు చేస్తాయి. ముఖ్యంగా జామకాయలు మన శరీరాన్ని ఆరోగ్యంగా ఉంచడానికి చాలా సహకరిస్తాయట. చలికాలంలో జామ పండ్లు మార్కెట్లో ఎక్కువగా కనిపిస్తాయి. జామ పండ్లకే కాదు ఆకులకు కూడా రోగనిరోధక శక్తి ఉంటుంది.కానీ జామ పండు తింటాం, కానీ ఆకులను పారేస్తాం. జామ ఆకుల్లో ఎన్నో ఔషధ గుణాలుంటాయి. ఇవి ఆరోగ్యానికి ఎంతో మేలు చేస్తాయి. వాటిలో విటమిన్ సి, యాంటీఆక్సిడెంట్లు, ఫైబర్స్ మరియు పొటాషియం వంటి పోషకాలు ఉంటాయి. ఇవి అనేక వ్యాధుల నుంచి మనల్ని రక్షిస్తాయి. జామ ఆకులను ఎలా తినాలో..వాటిని తీసుకోవడం వల్ల కలిగే ప్రయోజనాలను ఇప్పుడు చూద్దాం..
మనం జామ ఆకులను ఉడకబెట్టి టీ తయారు చేసుకోవచ్చు. ఈ ఉడికించిన నీటిని వడపోసి అందులో తేనె కలుపుకుని తాగాలి. ఆకులను కూడా ఎండబెట్టి పొడిగా చేసి, కూరగాయలు లేదా సలాడ్లతో తినవచ్చు. జామ ఆకులను రెండు విధాలుగా తీసుకోవడం వల్ల మేలు జరుగుతుంది.
షుగర్ కంట్రోల్ జామ ఆకుల్లో షుగర్ లెవల్స్ తగ్గించే యాంటీ డయాబెటిక్ గుణాలు ఉంటాయి. ఈ లీఫ్ టీ ప్రభావం శరీరంలో ఎక్కువ సేపు ఉండి షుగర్ నియంత్రణలో ఉంచుతుంది. జామ ఆకుల్లో క్యాన్సర్ నిరోధక గుణాలు కూడా ఉంటాయి. ఇవి క్యాన్సర్ ప్రమాదాన్ని తగ్గిస్తాయి . ఈ ఆకులు క్యాన్సర్ కణాల పెరుగుదలను ఆపడానికి పని చేస్తాయి. అవి యాంటీ-ఆక్సిడెంట్లను కలిగి ఉంటాయి. ఇవి కణాలకు హాని కలిగించవు , క్యాన్సర్ ప్రమాదాన్ని తగ్గిస్తాయి.
రోగనిరోధక శక్తిని పెంచే జామ ఆకుల్లో విటమిన్ సి ఉంటుంది. విటమిన్ సి రోగనిరోధక శక్తిని పెంచడానికి పనిచేస్తుంది. ఆకులలో యాంటీమైక్రోబయల్ లక్షణాలు కనిపిస్తాయి, ఇవి జలుబు మరియు ఫ్లూ వంటి వ్యాధుల ప్రమాదాన్ని తగ్గిస్తాయి.
డయేరియాను తగ్గిస్తుంది జామ ఆకులలో ఉండే యాంటీ మైక్రోబియల్ లక్షణాలు. అలాగే పేగు ఇన్ఫెక్షన్ల నుంచి ఉపశమనం కలిగిస్తాయి. విరేచనాలు అయినప్పుడు జామ ఆకులను తింటే త్వరగా ఉపశమనం కలుగుతుంది. ఇతర ప్రయోజనాలు జామ ఆకులు నొప్పి నివారిణిగా కూడా పనిచేస్తాయి. జామ ఆకులు రుతుక్రమ సమస్యలను కూడా నయం చేస్తాయి.
నోట్.. ఈ కథనంలో పేర్కొన్న విషయాలు కేవలం అవగాహన కోసం మాత్రమే. వీటిని పాటించేముందు నిపుణుల సలహాలు తీసుకోవడం ఉత్తమం
