Kidney Cure: కిడ్నీ సమస్యలతో బాధపడేవారు పసుపు తినవచ్చా.. నిపుణులు ఏమంటున్నారంటే..

కిడ్నీ మన శరీరంలో ఒక ముఖ్యమైన భాగం. ఇది శరీరం నుండి హానికరమైన.. విషపూరిత వ్యర్థ పదార్థాలను తొలగిస్తుంది. చెడు ఆహారం, దిగజారుతున్న జీవనశైలి మన కిడ్నీలను అనేక విధాలుగా అనారోగ్యానికి గురిచేస్తున్నాయి. ఆరోగ్య నిపుణుల అభిప్రాయం ప్రకారం, మూత్రపిండాలు సరిగ్గా పనిచేయనప్పుడు, శరీరంలో టాక్సిన్స్ పేరుకుపోతాయి. దాని కారణంగా మన శరీరంలో అనేక వ్యాధులు అభివృద్ధి చెందుతాయి. కిడ్నీ వ్యాధులు, కిడ్నీ బలహీనత, కిడ్నీ వాపు, కిడ్నీ దెబ్బతినడం వంటి జబ్బుల గురించి మాట్లాడటం ప్రజలను మరింత ఇబ్బంది పెడుతుంది. మూత్రపిండాల వ్యాధిలో ఆహారం, పానీయాలను నియంత్రించడం చాలా ముఖ్యం. కొన్ని ఆహారపదార్థాల వినియోగం కిడ్నీ రోగులకు ప్రయోజనకరంగా ఉంటుంది. అయితే కొన్ని ఆహారాలను తీసుకోవడం వల్ల వారి ఆరోగ్యానికి చాలా హాని కలిగిస్తుంది.

తరచుగా కిడ్నీ రోగులు పసుపు తినకూడదని ప్రజలు నమ్ముతారు. ఔషధ గుణాలు పుష్కలంగా ఉన్న పసుపును తీసుకోవడం వల్ల రోగనిరోధక శక్తి బలపడి శరీరం ఆరోగ్యంగా ఉంటుంది. పసుపు తీసుకోవడం వల్ల మానసిక ఒత్తిడి తొలగిపోతుంది. రక్తంలో చక్కెర కూడా నియంత్రణలో ఉంటుంది. పసుపు తీసుకోవడం ఔషధంలా శరీరంపై ప్రభావం చూపుతుంది.

పసుపు అనేది అల్లం కుటుంబానికి చెందినది. ఇది ఆరోగ్యానికి చాలా ఉపయోగకరంగా ఉంటుంది. కిడ్నీ సమస్యలలో పసుపును తీసుకోవచ్చని నిపుణుల నుంచి తెలుసుకుందాం. ఈ మసాలాను తీసుకోవడం వల్ల శరీరానికి కలిగే ప్రయోజనాలు ఏంటి?

కిడ్నీ వ్యాధిలో పసుపు తినవచ్చా?

హెల్త్‌మ్యాచ్ నిపుణుల అభిప్రాయం ప్రకారం, పసుపు అనేది అనేక ఆరోగ్య సమస్యలను పరిష్కరించడానికి ఉపయోగించే మసాలా. పసుపులో ఉండే కర్కుమిన్ అనేది సూపర్ ఫుడ్‌గా చేసే ప్రధాన మూలకం. ఈ మూలకం నొప్పిని తొలగిస్తుంది. రోగనిరోధక శక్తిని బలంగా చేస్తుంది. దీన్ని తీసుకోవడం వల్ల ఇన్ఫెక్షన్ వచ్చే ప్రమాదం తగ్గుతుంది. ఈ మసాలా శరీరంలోని అన్నింటిని నయం చేస్తుంది.

ఇప్పుడు పసుపు తీసుకోవడం వల్ల కిడ్నీ సమస్యలు పెరుగుతాయా అనే ప్రశ్న తలెత్తుతోంది. దీర్ఘకాలిక మూత్రపిండ వ్యాధి, ఇతర ఆరోగ్య పరిస్థితులతో బాధపడుతున్న వ్యక్తులకు పసుపు చాలా ఉపయోగకరంగా ఉంటుంది. ఈ మసాలాను పరిమితంగా తీసుకోవడం వల్ల కిడ్నీకి ఎలాంటి సమస్యలు రావు.

పసుపు అధిక వినియోగం ఆరోగ్యాన్ని ఎలా ప్రభావితం చేస్తుంది:

హెల్త్‌లైన్ వార్తల ప్రకారం, పసుపును అధికంగా తీసుకోవడం వల్ల శరీరంలో అనేక వ్యాధులు వచ్చే ప్రమాదం ఉంది. పసుపులో ఉండే కర్కుమిన్‌లో అధిక మొత్తంలో ఆక్సలేట్‌లు ఉంటాయి, ఇవి మూత్రపిండాల్లో రాళ్ల ప్రమాదాన్ని పెంచుతాయి. ఈ ముఖ్యమైన అవయవం పనితీరుకు ఆటంకం కలిగిస్తాయి.

ఇది కాకుండా, కర్కుమిన్ ప్రభావం వేడిగా ఉంటుంది, ఇది అతిసారం, అజీర్ణానికి కారణమవుతుంది. పసుపును అధికంగా తీసుకోవడం వల్ల రక్తం సన్నబడటానికి దారితీస్తుంది, ఎందుకంటే ఇది రక్తం గడ్డకట్టడాన్ని తగ్గించడంలో సహాయపడుతుంది. పసుపును ఎక్కువగా తీసుకోవడం వల్ల కాలేయం ఆరోగ్యం కూడా దెబ్బతింటుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ న్యూస్ కోసం