Coconut Flower Nectar: షుగర్ పేషేంట్స్‌కు బెస్ట్ స్వీటెనర్ కొబ్బరి పువ్వు తేనె.. ఈ మకరందంతో షాకింగ్ ప్రయోజనాలు
కొబ్బరి పువ్వులు వికసించినప్పుడు సహజంగా తేనెను తీస్తారు. వాస్తవానికి ఇది శతాబ్దాలుగా ఉష్ణమండల ప్రాంతమంతటా వినియోగంలో ఉన్నా.. ముఖ్యంగా ఫిలిప్పీన్స్ , ఇండోనేషియాలోని ప్రాంతాల్లో ఉపయోగిస్తారు
Updated on: Sep 10, 2022 | 12:43 PM
Coconut Flower Nectar: భారతయులకు కొబ్బరి ఉత్పత్తులకు అవినాభావ సంబంధం ఉంది. మనమందరం మన జీవితంలో అనేక సందర్భాలలో కొబ్బరి ఉత్పత్తులను అనేక రకాలుగా ఉపయోగిస్తూనే ఉన్నాం. కొబ్బరి , కొబ్బరి పాలు, కొబ్బరి నూనె, కొబ్బరి పిండి ఇలా ఎంత చెప్పుకున్నా ఆ జాబితా ఎప్పటికీ ముగియదు. అయితే కొబ్బరి పువ్వు మకరందం గురించి ఎప్పుడైనా విన్నారా ? ఈ ప్రకృతి అందించిన అద్భుతం గురించి చాలా మందికి తెలియదు. కొబ్బరి పువ్వులు వికసించినప్పుడు సహజంగా తేనెను తీస్తారు. వాస్తవానికి ఇది శతాబ్దాలుగా ఉష్ణమండల ప్రాంతమంతటా వినియోగంలో ఉన్నా.. ముఖ్యంగా ఫిలిప్పీన్స్ , ఇండోనేషియాలోని ప్రాంతాల్లో ఉపయోగిస్తారు. ఇటీవల ప్రపంచంలోని కొన్ని ప్రదేశాలలో కొబ్బరి పువ్వుల తేనె సహజ స్వీటెనర్‌కు ప్రత్యామ్నాయంగా మారింది. ఇది ఇతర రకాలతో పోలిస్తే అనేక అదనపు ప్రయోజనాలను కలిగి ఉంది.
కొబ్బరి పువ్వు మకరందం అంటే ఏమిటి? కొబ్బరి పువ్వు మకరందం పూర్తిగా సహజమైన తేనె, కొబ్బరి పువ్వుల రసం నుండి తీస్తారు. కొబ్బరి పువ్వులు వికసించినప్పుడు, తేనెను సులభంగా తీయవచ్చు. దీని కోసం మీరు రోజుకు చాలాసార్లు కొబ్బరి చెట్టు పైకి ఎక్కాల్సి ఉంటుంది. రసాన్ని పొందడానికి కొబ్బరి పువ్వులను నొక్కడం తదుపరి దశ. సుమారు 90 నిమిషాలలో, రసం వెలికితీసి తర్వాత తక్కువ ఉష్ణోగ్రతకు వేడి చేస్తారు. కిణ్వ ప్రక్రియను నిరోధించడానికి వేడిని ఉపయోగించడం ద్వారా కనిష్టంగా ప్రాసెస్ చేయబడుతుంది. తద్వారా కొబ్బరి పువ్వు తేనే ఉత్పత్తి చేయబడుతుంది.
ఇది రుచికరమైనది అయినప్పటికీ ఇందులో ఫ్రక్టోజ్ ఎక్కువగా ఉండదు. ఇది పొటాషియం, జింక్, మెగ్నీషియం, ఇనుముతో సహా అనేక ఖనిజాలను కలిగి ఉంటుంది. అదనంగా, ఇందులో విటమిన్ సి, వివిధ రకాల బి విటమిన్లు, అమైనో ఆమ్లాలు ఉంటాయి. ఇది చాలా పోషకమైనది కాకుండా ఇది చాలా ప్రత్యేకమైన తీపి రుచిని కలిగి ఉంటుంది. దీని కారణంగా దీనిని బేకింగ్ లో ఉపయోగిస్తున్నారు.
కొబ్బరి పువ్వు తేనె యొక్క ప్రయోజనాలు దీనిని మధుమేహ వ్యాధిగ్రస్తులు ఉపయోగించవచ్చు: కొబ్బరి పువ్వుల తేనెలో గ్లైసెమిక్ సూచిక (35) కలిగి ఉంటుంది. దీని కారణంగా, కొబ్బరి పువ్వుల మకరందాన్ని మధుమేహ వ్యాధిగ్రస్తులకు సురక్షితమైన ప్రత్యామ్నాయంగా ఉపయోగించవచ్చు. బ్లడ్ షుగర్ గురించి అవగాహన ఉన్నవారు కూడా దీనిని ఉపయోగించవచ్చు.
బరువు తగ్గడంలో సహాయకారి: కొబ్బరి పువ్వుల మకరందం తక్కువ గ్లైసెమిక్ ఇండెక్స్ ను కలిగి ఉంటుంది. కనుక ఇది మీకు ఎక్కువ సమయం కడుపు నిండిన అనుభూతిని కలిగిస్తుంది. తద్వారా ఆకలి వేయదు. మీరు బరువు తగ్గడానికి సహాయపడుతుంది.
శక్తిని సమతుల్యం చేసే కొబ్బరి పువ్వుల తేనే: కొబ్బరి పూల మకరందం శక్తిని నెమ్మదిగా విడుదల చేస్తుంది. దీంతో ఆకస్మిక శక్తి హెచ్చుతగ్గులకు కారణం కాదు. మీరు మరింత శక్తివంతంగా, సమతుల్యంగా ఉండేలా చేయవచ్చు.
సురక్షితమైన స్వీటెనర్ కొబ్బరి పువ్వుల తేనె అనేక ఆరోగ్య ప్రయోజనాలతో పాటు సురక్షితమైన స్వీటెనర్ గా ప్రసిద్ధి. తయారీ ప్రక్రియలో కొబ్బరి పువ్వుల తేనెకు రసాయనాలు లేదా సంకలనాలు జోడించబడవు. ఎందుకంటే ప్రాథమికంగా పువ్వుల తేనె రుచి తీపిగా ఉంటుంది.
కొబ్బరి పువ్వు మకరందాన్ని ఎలా ఉపయోగించాలి!
మీ శరీరానికి కొబ్బరి తేనె పువ్వు ఆరోగ్య ప్రయోజనాలను పొందడానికి, మీరు దానిని వేడి టీ, పానీయాలు, షేక్స్, స్మూతీస్, మీ డెజర్ట్‌లలో ఉపయోగించవచ్చు. రుచికరమైన మాపుల్ సిరప్ మాదిరిగానే, ఇది మీ రుచిని మెరుగుపరచడానికి కొబ్బరి పువ్వుల తేనెను సహజమైన స్వీటెనర్‌గా పనిచేస్తుంది.
ఈ సూపర్ ఫుడ్ అనేక ఆరోగ్య ప్రయోజనాలను ఇచ్చే కొబ్బరి పువ్వు తేనే.. పోషకాహార నిపుణుడిచే ఎక్కువగా సిఫార్సు చేయబడుతోంది.
మరిన్ని హెల్త్ వార్తల కోసం ఇక్కడ క్లిక్ చేయండి..
