Tea Effect on Health: మీకు టీ తాగడం అంటే ఇష్టమా.. అయితే, ఇవి తప్పక తెలుసుకోవాల్సిందే..
చాలా మంది ఒక కప్పు హార్డ్ టీతో తమరోజును ప్రారంభిస్తారు. టీ తాగడం వల్ల శరీరానికి శక్తిని ఇస్తుంది. టీ తీసుకోవడం వల్ల కొన్ని రకాల క్యాన్సర్ వచ్చే అవకాశాలు తగ్గుతాయని, గుండె ఆరోగ్యాన్ని కూడా సరిగ్గా ఉంచుకోవచ్చని కొందరు నిపుణులు పేర్కొన్నారు.
Health Benefits of Tea: టీని ఇష్టపడకుండా ఎవరుంటారు.. ఉద‌యం లేచిన దగ్గరి నుంచి రాత్రి పడుకునే వరకు టీ తాగే అల‌వాటు చాలామందికి ఉంటుంది. టీని మన జీవితాల్లో ఒక భాగంగా చేసుకున్నాం. తాజాదనాన్ని ఇవ్వడంతో పాటు, టీ శరీరానికి కూడా చాలా మేలు చేస్తుంది. రోజూ టీ తాగే వారిలో చాలామందికి టీ వల్ల కలిగే ప్రయోజనాల గురించి తెలియకపోవడం విశేషం. ఏదో అలవాటుగా చాలామంది తాగుతుంటారు. అయితే, తాజాగా ఒక కొత్త అధ్యయనం వెలుగులోకి వచ్చింది. పాలీఫెనాల్స్ టీలో కనిపిస్తుంది. ఇవి వివిధ ఆరోగ్య ప్రయోజనాలను కలిగి ఉంటాయి. టీలో ఉండే కాటెచిన్స్, థెఫ్లావిన్స్, థెరుబిగిన్స్ వంటి సమ్మేళనాలు అనేక యాంటీ ఇన్‌ఫ్లమేటరీ, యాంటీ క్యాన్సర్, కార్డియోప్రొటెక్టివ్ లక్షణాలను కలిగి ఉంటాయి. క్యాన్సర్, గుండె సమస్యలతో పోరాడటానికి, డిమెన్షియా ప్రమాదాన్ని తగ్గించడానికి టీ సహాయపడుతుందని కొత్త పరిశోధన పేర్కొంది.
ఈ వ్యాధులు వచ్చే ప్రమాదం తక్కువ..
టీ ఆకులలో యాంటీఆక్సిడెంట్లు అధిక మొత్తంలో ఉంటాయి. ఇవి రక్తం నుంచి హానికరమైన అణువులను బయటకు పంపడంతోపాటు వాపును తగ్గించడంలో సహాయపడతాయి. పరిశోధకుడు డాక్టర్ టేలర్ వాలెస్ ప్రకారం, టీ అనేది ప్రజలు సులభంగా తాగగలిగే పానీయం అని తెలిపారు.
యూఎస్ టీ కౌన్సిల్ ప్రకారం, బ్లాక్, గ్రీన్, హెర్బల్ టీలలో ఫ్లేవనాయిడ్లు మంచి మొత్తంలో కనిపిస్తాయి. ఇవి రోగనిరోధక శక్తిని బలోపేతం చేస్తాయి. బ్యాక్టీరియా, వైరల్ ఇన్ఫెక్షన్లతో పోరాడటానికి సహాయపడతాయి. ఆస్ట్రేలియాలో నిర్వహించిన ఒక సమీక్షలో రోజుకు 1 నుంచి 5 కప్పుల టీ తాగే వ్యక్తులకు డిమెన్షియా వచ్చే ప్రమాదం తక్కువగా ఉందని తేలింది. ఏదైనా వేడి పానీయాలు ఒత్తిడిని తగ్గించడంలో సహాయపడతాయని, దృష్టిని కేంద్రీకరించడంలో సహాయపడుతుందని కూడా చెప్పబడింది.
ప్రతిరోజూ 1 కప్పు కప్పా టీ తాగడం వల్ల స్ట్రోక్ లేదా గుండె సమస్యల ప్రమాదాన్ని 4 శాతం తగ్గించవచ్చని, యువకులలో మరణించే ప్రమాదాన్ని 1.5 శాతం తగ్గించవచ్చని ఓ పరిశోధనలో తేలింది.
వేడి టీ తాగడం వల్ల క్యాన్సర్..
కొన్ని క్యాన్సర్‌ల ప్రమాదాన్ని తగ్గించడంలో ఫ్లేవనాయిడ్లు సహాయపడతాయని తేలింది. అమెరికాలోని బోస్టన్‌లోని టఫ్ట్స్ యూనివర్శిటీకి చెందిన డాక్టర్ జెఫ్రీ బ్లమ్‌బెర్గ్ ప్రకారం, టీ మానవులకు అనేక విధాలుగా మేలు చేస్తుందని పరిశోధనలు సూచిస్తున్నాయి. కానీ, మరొక అధ్యయనంలో వేడి టీ అన్నవాహిక క్యాన్సర్ ప్రమాదాన్ని పెంచుతుందని హెచ్చరించింది. అన్నవాహిక క్యాన్సర్ అనేది ఆహార పైపులో ఎక్కడైనా సంభవించే క్యాన్సర్. ఈ క్యాన్సర్ 60 ఏళ్లు పైబడిన వారిలో కనిపిస్తుంది.
2019 లో ప్రచురించిన ఒక పరిశోధన ప్రకారం, వేడి టీ తాగే వ్యక్తులు థర్మల్ కప్పు, సాధారణ కప్పులో టీ తాగడం మధ్య తక్కువ సమయం ఉండటం వల్ల అన్నవాహిక క్యాన్సర్ వచ్చే ప్రమాదం ఉందని తేలింది.
మరిన్ని హెల్త్ న్యూస్ కోసం ఇక్కడ క్లిక్ చేయండి..
Also Read: Breast Cancer in Men: పురుషుల్లోనూ రొమ్ము క్యాన్సర్.. ఈ లక్షణాలుంటే వెంటనే అలర్ట్ అవ్వండి..!
PBKS vs LSG Highlights: రాణించిన దీపక్ హుడా.. 20 పరుగుల తేడాతో పంజాబ్‌పై లక్నో విజయం
IPL 2022 Orange Cap: టాప్‌ 5 లోకి ఎంట్రీ ఇచ్చిన శ్రేయస్‌ అయ్యర్.. బట్లర్‌కి ఇక పోటీ తప్పదు..!
