Health Benefits : పచ్చి టమాటాలతో పిచ్చి లాభాలు.. తెలిస్తే మరింత స్మార్ట్‌గా అవుతారు..!
మార్కెట్లో పచ్చి టమాటాలు తక్కువ ధరకు ఇచ్చిన ఎవరూ కొనటానికి ఇష్టపడరు. కానీ పచ్చి టమోటాలతో కూడా ఎన్నో ఆరోగ్య ప్రయోజనాలున్నాయంటున్నారు ఆరోగ్య నిపుణులు.. ఒక్కసారి పచ్చి టమాటా తినడం వల్ల లాభాలు తెలిస్తే
Updated on: Jun 27, 2022 | 9:12 PM
మనలో చాలామంది టమాటాలను తినడానికి ఎక్కువగా ఇష్టపడతారు. టమాట కూర, టమాటా పప్పు అంటే చాలా మందికి ఇష్టం.. అయితే, ఇక్కడ పండు టమాటాలు వాడుతుంటారు. కానీ, పచ్చి టమాటాలను పొరపాటున కూడా వాడరు. మార్కెట్లో పచ్చి టమాటాలు తక్కువ ధరకు ఇచ్చిన ఎవరూ కొనటానికి ఇష్టపడరు. కానీ పచ్చి టమోటాలతో కూడా ఎన్నో ఆరోగ్య ప్రయోజనాలున్నాయంటున్నారు ఆరోగ్య నిపుణులు.. ఒక్కసారి పచ్చి టమాటా తినడం వల్ల లాభాలు తెలిస్తే ఇకపై తప్పక కొంటారని అంటున్నారు.
పచ్చి టమాటాలలో ఆరోగ్యానికి అవసరమైన అనేక ప్రయోజనాలు దాగున్నాయి. పచ్చి టమాటాలు రక్తపోటును తగ్గించడంలో సహాయపడతాయి. రక్తపోటు ఎక్కువగా ఉండే వారు పచ్చి టమాటాలు తినడం మంచిది. ఎందుకంటే ఇందులో సోడియం తక్కువ మోతాదులో, పోటాషియం అధిక మోతాదులో ఉంటుంది. విటమిన్ సి, యాంటీ ఆక్సిడెంట్స్ పచ్చి టమాటాల్లో పుష్కలంగా ఉండడం వల్ల శరీరానికి మేలు చేకూరుతుంది. ఇంకా రోదనిరోధక శక్తిని పెంచడంతో పాటు..కళ్ల ఆరోగ్యం కూడా మెరుగుపడుతుంది. పచ్చి టొమాటోలో బీటా కెరోటిన్ పుష్కలంగా ఉండి కళ్ల ఆరోగ్యానికి ఎలాంటి హాని కలగకుండా కాపాడుతుంది. విటమిన్ K పచ్చి టమాటాలో పుష్కలంగా ఉంటుంది. శరీరంలో ఎక్కడైనా బ్లడ్ క్లాట్స్ ఉంటే వాటిని తొలగించి.. సాధారణ స్థితికి తీసుకొస్తుంది. తద్వారా స్ట్రోక్స్ వంటి సమస్యలు రాకుండా రక్షించుకోవచ్చు.
పచ్చి టమాటాలు చర్మానికి కూడా మేలు చేస్తాయి. వీటిని తినడం వల్ల వృద్ధాప్య ప్రభావం తగ్గుతుంది. ఎల్లప్పుడూ.. యవ్వనంగా కనిపిస్తారు. ఆకుపచ్చ టమోటాలలో విటమిన్ సి అధిక మొత్తంలో లభిస్తుంది. దీని వల్ల చర్మ కణాలు ఏర్పడి.. ముడతలు తగ్గుతాయి. అప్పుడు మరింత అందంగా కనిపిస్తారు.
(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
మరిన్ని హెల్త్ టిప్స్ కోసం ఇక్కడ క్లిక్ చేయండి
