Diabetic Tips: షుగర్ వ్యాధిగ్రస్తులకు శుభవార్త.. ఆ స్వీట్లు తిన్నా షుగర్ పెరగదంతే.. వివరాలను తెలుసుకోండి

మారుతున్న ఆహార అలవాట్ల కారణంగా వయస్సుతో సంబంధం లేకుండా షుగర్ సమస్య అందరినీ వేధిస్తుంది. అయితే షుగర్ వ్యాధిగ్రస్తులకు స్వీట్లు అంటే ఓ ఎమోషన్. ఎంత ఇష్టపడినా తినలేరు. ఎందుకంటే స్వీట్ తింటే షుగర్ లెవెల్స్ అమాంతం పెరిగిపోతాయి. ఆరోగ్య నిపుణుల అభిప్రాయం ప్రకారం చక్కెర కాని స్వీటెనర్లు (ఎన్ఎన్ఎస్) అని పిలిచే చక్కెరలకు తక్కువ కేలరీల స్వీటెనర్లు లేదా క్యాలరీలు లేని ప్రత్యామ్నాయాలను తీసుకోవడం వల్ల మధుమేహం ఉన్నవారిలో హాని జరగదు. సాధారణంగా ఎన్ఎస్ఎస్ బరువు తగ్గడానికి లేదా ఆరోగ్యకరమైన బరువును నిర్వహించడానికి సహాయం చేస్తుంది. మధుమేహం ఉన్న వ్యక్తులలో రక్తంలో గ్లూకోజ్‌ని నియంత్రించే సాధనంగా తరచుగా సిఫార్సు చేస్తారు. సాధారణ ఎన్ఎస్ఎస్‌లో ఎసిసల్ఫేమ్ కే, అస్పర్టమే, అడ్వాంటేమ్, సైక్లేమేట్స్, నియోటామ్, సాచరిన్, సుక్రలోజ్, స్టెవియా, దాని ఉత్పన్నాలు ఉన్నాయి. ప్రపంచ ఆరోగ్య సంస్థ ఇటీవల బరువు నియంత్రణ కోసం స్టెవియా వంటి చక్కెర రహిత స్వీటెనర్లకు వ్యతిరేకంగా సలహా ఇచ్చింది. అయితే, నిపుణులు ఎఫ్ఐసీసీఐ ఇటీవల నిర్వహించిన సెమినార్‌లో దేశ-నిర్దిష్ట విధానాన్ని తీసుకురావాల్సిన ఆవశ్యకతపై చర్చించారు. ఇండియన్ కౌన్సిల్ ఆఫ్ మెడికల్ రీసెర్చ్ నిర్వహించిన తాజా అధ్యయనంలో భారతదేశంలో 101 మిలియన్ల మధుమేహం, 136 మిలియన్ ప్రీ-డయాబెటిక్ ప్రజలు నివసిస్తున్నారని తేలింది.

కార్బోహైడ్రేట్ – చక్కెర తీసుకోవడం తగ్గించాలని నిపుణులు సిఫార్సు చేస్తున్నారు. చక్కెర వినియోగం వల్ల కలిగే ప్రతికూల ఆరోగ్య ఫలితాలు మధుమేహం, ఊబకాయం, హైపర్‌టెన్షన్ & ఇతర హృదయ సంబంధ వ్యాధులు, కాలేయం, కిడ్నీ వ్యాధులు మరియు క్యాన్సర్‌తో పాటు ఇతరత్రా ఉన్నాయని ఆయన అన్నారు. డబ్ల్యూ‌హెచ్ఓ మార్గదర్శకాల ప్రకారం చక్కెర తీసుకోవడం వల్ల మొత్తం శక్తి తీసుకోవడం పెరుగుతుంది. ఇది అనారోగ్యకరమైన ఆహారం ఈ వ్యాధుల ప్రమాదాన్ని పెంచుతుంది. ఇలాంటి సమయంలో ఎన్‌ఎస్‌ఎస్ లేదా తక్కువ కేలరీల స్వీటెనర్‌లు తీపి రుచిని త్యాగం చేయకుండా చక్కెర, కేలరీల తీసుకోవడం తగ్గించడానికి సురక్షితమైన ఎంపికను అందిస్తాయని నిపుణులు చెబతున్నారు. అయితే వీటి వినియోగం కూడా మితంగా ఉండాలని సూచిస్తున్నారు. చక్కెర, కేలరీల వినియోగాన్ని తగ్గించడంలో, బరువు నిర్వహణలో సహాయం చేయడంలో ప్రజారోగ్య సిఫార్సులకు అనుగుణంగా ఉత్పత్తి సంస్కరణను ప్రారంభించడంలో తక్కువ/క్యాలరీలు లేని స్వీటెనర్లు కీలక పాత్ర పోషిస్తాయని నిపుణులు పేర్కొంటున్నారు. 

కొంతమంది నిపుణులు స్వీటెనర్లతో సంబంధం ప్రమాదం కంటే చక్కెరను తీసుకోవడం వల్ల వచ్చే ప్రమాదం చాలా ఎక్కువని చెబుతున్నారు. అయితే ఎన్ఎన్ఎస్ వినియోగం, భారతదేశంలో ఆరోగ్యంపై వాటి ప్రభావాన్ని అర్థం చేసుకోవడానికి మరింత డేటా అవసరాన్ని నిపుణులు చెబుతున్నారు. ప్రీడయాబెటిస్, ఇన్సులిన్ రెసిస్టెన్స్ యువకుల్లో అధిక బరువు, సన్నగా ఉన్న ఊబకాయం రెండింటిలోనూ ఉప వైద్యపరంగా ప్రభావం చూపుతోంది. మొత్తం ఖాళీ క్యాలరీలు, ఆహారంలోని నాణ్యత ప్రధాన నిర్ణయాధికారం అని స్పష్టంగా తెలుస్తుంది. ఆరోగ్యకరమైన ఆహారాన్ని అనుసరిస్తూ స్వీటెనర్‌లతో కూడిన ఈ షుగర్ మార్పిడులు అదనపు చక్కెర తీసుకోవడం తగ్గించడంలో సహాయపడతాయి.

ఇవి కూడా చదవండి

Vaccines For Children: భారత్‌లో వర్షాకాలం షురూ.. మరి పిల్లల ఆరోగ్యం కోసం తీసుకోవాల్సిన టీకాలివే..!

Eye Care During Pregnancy: ఆ సమయంలో కంటి సమస్యలతో ఇబ్బంది.. గర్భిణులు ఈ జాగ్రత్తలు తీసుకోవాల్సిందే

ఆ ఆహారంతో జాగ్రత్త… తింటే కాన్సర్ రావొచ్చు…!

గమనిక: ప్రజల సాధారణ ప్రయోజనాలను దృష్టిలో ఉంచుకుని ఇవ్వడం జరిగింది. ఏవైనా అనారోగ్య సమస్యలు ఉంటే వెంటనే వైద్యులను సంప్రదించడం ఉత్తమం.

మరిన్ని హెల్త్ వార్తల కోసం ఇక్కడ క్లిక్ చేయండి..