ఉదయం ఖాళీ కడుపుతో ఇవి తింటున్నారా..? ఎంత ప్రమాదమో మీకు తెలుసా..?
ఉదయం ఖాళీ కడుపుతో కొన్ని ఆహారాలు తినడం వల్ల ఆరోగ్యానికి హాని చేస్తాయి అంటున్నారు వైద్య నిపుణులు. టీ, కాఫీలు కడుపులో ఆమ్లాల్ని పెంచి మంట, గ్యాస్ సమస్యలకు కారణమవుతాయట. చాక్లెట్, స్వీట్లు రక్తంలో చక్కెర స్థాయిలను పెంచి ఇన్సులిన్ సమస్యలు కలిగించవచ్చు అంటున్నారు. అరటిపండ్లలో మెగ్నీషియం అధికంగా ఉండటం వల్ల గుండెకు హాని చేస్తాయట.
ఉదయం లేవగానే చాలా మందికి టీ, కాఫీ తాగే అలవాటు ఉంటుంది. ఇది చాలా సాధారణం కానీ ఖాళీ కడుపుతో టీ లేదా కాఫీ తాగడం ఆరోగ్యానికి అంత మంచిది కాదు. టీ, కాఫీలలో టానిన్లు, కెఫీన్ వంటి పదార్థాలు ఉంటాయి. ఇవి కడుపులో ఆమ్లాల ఉత్పత్తిని పెంచుతాయి. దీనివల్ల కడుపులో మంట, అల్సర్లు, గ్యాస్ట్రిక్ సమస్యలు వచ్చే అవకాశం ఉంది. కొంతమందికి ఖాళీ కడుపుతో టీ తాగడం వల్ల వికారం, తలనొప్పి వంటి సమస్యలు కూడా వస్తాయి.
1 / 9
చాక్లెట్, స్వీట్లు కూడా ఖాళీ కడుపుతో తినకూడదు. వీటిలో చక్కెర ఎక్కువగా ఉంటుంది. ఖాళీ కడుపుతో స్వీట్లు తింటే రక్తంలో గ్లూకోజ్ స్థాయిలు ఒక్కసారిగా పెరిగిపోతాయి. దీనివల్ల ఇన్సులిన్ స్థాయిలు కూడా పెరుగుతాయి. ఇది డయాబెటిస్ ఉన్నవారికి చాలా ప్రమాదకరం. అంతే కాకుండా ఖాళీ కడుపుతో చక్కెర తీసుకోవడం వల్ల బరువు పెరిగే అవకాశం కూడా ఉంది.
2 / 9
పెరుగు ఆరోగ్యానికి చాలా మంచిది. కానీ ఖాళీ కడుపుతో పెరుగు తినకూడదు. పెరుగులో లాక్టిక్ యాసిడ్ ఉంటుంది. ఇది కడుపులో ఆమ్లాల ఉత్పత్తిని పెంచుతుంది. దీనివల్ల కడుపులో మంట కలుగుతుంది. పెరుగును భోజనం తర్వాత లేదా రాత్రి పడుకునే ముందు తీసుకోవడం మంచిది.
3 / 9
సాధారణంగా ఖాళీ కడుపుతో మాత్రలు వేసుకోకూడదు. చాలా మాత్రలు కడుపులో ఆమ్లంతో కలిసిపోయి కడుపు లైనింగ్‌ను దెబ్బతీస్తాయి. దీనివల్ల కడుపులో పుండ్లు, రక్తస్రావం వంటి సమస్యలు వస్తాయి. డాక్టర్ సూచించినట్లయితే కొన్ని ప్రత్యేకమైన మాత్రలను ఖాళీ కడుపుతో తీసుకోవచ్చు. కానీ సాధారణంగా ఆహారం తిన్న తర్వాతే మాత్రలు వేసుకోవడం మంచిది.
4 / 9
అరటిపండ్లలో మెగ్నీషియం ఎక్కువగా ఉంటుంది. ఉదయం ఖాళీ కడుపుతో అరటిపండు తింటే రక్తంలో మెగ్నీషియం స్థాయిలు ఒక్కసారిగా పెరుగుతాయి. ఇది గుండెకు హాని చేస్తుంది. అరటిపండును ఉదయం కాకుండా భోజనం తర్వాత లేదా సాయంత్రం తీసుకోవడం మంచిది.
5 / 9
టొమాటోలు కూడా ఖాళీ కడుపుతో తినకూడదు. వీటిలో టానిక్ యాసిడ్ ఉంటుంది. ఇది కడుపులో స్రవించే యాసిడ్‌తో కలిసి హాని కలిగిస్తుంది. టొమాటోలను వండిన తర్వాత లేదా ఇతర ఆహారాలతో కలిపి తీసుకోవడం మంచిది.
6 / 9
ఖాలీ కడుపుతో స్పైసీ ఫుడ్స్ తినడం వల్ల కడుపులో మంట, అల్సర్లు వస్తాయి. స్పైసీ ఫుడ్స్‌లోని కాప్సైసిన్ కడుపు లైనింగ్‌ను చికాకుపెడుతుంది. దీనివల్ల కడుపులో నొప్పి, మంట కలుగుతాయి.
7 / 9
ఖాలీ కడుపుతో కూల్ డ్రింక్స్ తాగడం వల్ల కడుపులో గ్యాస్ సమస్యలు వస్తాయి. కూల్ డ్రింక్స్ లలో కార్బన్ డయాక్సైడ్ ఎక్కువగా ఉంటుంది. ఇది కడుపులో గ్యాస్ ఉత్పత్తిని పెంచుతుంది. దీనివల్ల కడుపు ఉబ్బరం, నొప్పి కలుగుతాయి.
8 / 9
ఉదయం పూట ఆరోగ్యకరమైన ఆహారం తీసుకోవడం చాలా ముఖ్యం. ఇడ్లీ, దోశ, ఉప్మా, పొంగల్ లాంటి ఆహారాలు తీసుకోవడం వల్ల ఆరోగ్యం బాగుంటుంది.
