Lassa Fever: కలకలం రేపుతోన్న మరో ప్రాణాంతక వైరస్‌.. తొలి మరణం నమోదు.. పూర్తి వివరాలు..

Lassa Fever: ప్రపంచాన్ని గడగడలాడించిన కరోనా మహమ్మారి (Corona) ఇంకా పూర్తిగా మనల్ని వదిలిపెట్టలేదు. ఇప్పటికే మూడు వేవ్‌ల రూపంలో ప్రపంచాన్ని అతలాకుతలం చేసిన ఈ మాయదారి రోగం ఎంతో నష్టాన్ని మిగిల్చింది. ఇదిలా ఉంటే ఈ మహమ్మారి ఇంకా పూర్తిగా కనుమరుగవ్వక ముందే మరో వైరస్‌ మానవాళిపై దండెత్తడానికి వస్తోంది. ‘లస్సా ఫీవర్‌’ పేరుతో మరో ప్రాణాంతక వ్యాధి మానవాలిని భయపెడుతోంది. యూకేలో ఇప్పటికే ఈ వ్యాధి బారిన పడి ఓ వ్యక్తి మరణించడంతో ప్రపంచం ఒక్కసారిగా ఉలిక్కిపడింది. లస్సా ఫీవర్‌ సోకిన ఓ వ్యక్తి ఫిబ్రవరి 11న మరణించాడు. ఇంతకీ ఈ లస్సా ఫీవర్‌ ఏంటి.? అసుల ఎలా వ్యాపిస్తుంది.? లక్షణాలు ఏంటి.? లాంటి పూర్తి వివరాలు..

అసలేంటీ ఫీవర్‌..

లస్సా ఫీవర్‌కు ఈ పేరు రావడానికి ఈ వైరస్‌ తొలిసారి వెలుగులోకి వచ్చిన ప్రాంతం పేరు ‘లస్సా’నే కారణం. ఇక తొలిసారి ఈ వైరస్‌ 1969లో వెలుగులోకి వచ్చింది. సెంటర్స్‌ ఫర్‌ డిసీస్‌ కంట్రోల్‌ అండ్‌ పొల్యుషన్‌ ప్రకారం ఈ వ్యాధి సోకిన చాలా మందిలో ఎలాంటి లక్షణాలు ఉండడం లేదని, కొందరిలో మాత్రం తీవ్ర లక్షణాలతో పాటు ఆసుపత్రిలో చేరే అవకాశం కూడా ఉందని తెలిపారు.

ఎలా సోకుతుంది.?

ఈ వైరస్‌ మనుషులకు ఎలుకల నుంచి సోకుతుంది. వెస్ట్‌ ఆఫ్రికా, నైగేరియా, గునియా, లిబేరియా ప్రాంతాల్లో ఉండే ఎలుకల్లో ఈ వైరస్‌ను గుర్తించారు. ఎలుకలు ఇంట్లో ఉండే వస్తువులను తాకినప్పుడు వైరస్‌ సోకుతుంది. అలాగే వైరస్‌ సోకిన వ్యక్తి నుంచి మరొకరి వ్యాపిస్తుంది.

లక్షణాలు ఇలా ఉంటాయి..

సాధారణంగా వైరస్‌ సోకిన తర్వాత 1 నుంచి 3 వారాల వరకు లక్షణాలు బయటపడడం లేదు. అయితే ఈ వైరస్‌ సోకిన వారిలో జ్వరం, బలహీనత, తలనొప్పి వంటి వాటితో పాటు వాంతులు, మొహం వాపు, ఛాతిలో నొప్పి, శ్వాసతీసుకోవడంలో ఇబ్బంది వంటి లక్షణాలు ఉంటాయి.

Also Read: Sanjay Raut: ఆ విషయంలో కూడా ఈడీ ఇలానే దర్యాప్తు చేస్తుందా.. ఎంపీ సంజయ్ రౌత్ కీలక వ్యాఖ్యలు.. 

EIL Recruitment: ఇంజనీరింగ్ చేసిన వారికి బంపరాఫర్‌.. ఇంజనీర్స్‌ ఇండియా లిమిటెడ్‌లో ఉద్యోగాలు..

Varun Tej’s Ghani: బాక్సాఫీస్ రింగ్‌లోకి దిగడానికి సిద్దమైన మెగాహీరో.. గని ప్రేక్షకుల ముందుకు వచ్చేది అప్పుడే..