డయాబెటీస్ బాధితులు కొబ్బరి నీళ్లు తాగొచ్చా? ఇది శరీరాన్ని ఎలా ప్రభావితం చేస్తుందో తెలుసా
కొబ్బరి నీళ్లలో సహజసిద్ధమైన చక్కెర ఉంటుంది. కొంచెం తీపిగా ఉంటుంది కాబట్టి, డయాబెటిక్ పేషెంట్లు దీన్ని తాగడానికి ఎప్పుడూ భయపడతారు. మధుమేహ బాధితులు కొబ్బరి నీళ్లు తాగొచ్చా లేదా..?
కొబ్బరి నీరు తాగడం ఆరోగ్యానికి మంచిదని భావిస్తారు. ఎందుకంటే ఇది కూడా సహజమైన పానీయం. టెట్రాప్యాక్ లేదా బాటిల్ జ్యూస్‌లు, శీతల పానీయాల కంటే ఇది మంచిది. ఇది ఎక్కువగా గ్రామాల నుండి నగరాలకు రవాణా చేయబడుతుంది. సముద్ర తీరానికి వెళ్లే వారు ఖచ్చితంగా కొబ్బరి నీటిని తీసుకుంటారు. అయితే మధుమేహ వ్యాధిగ్రస్తులు దీనిని తాగవచ్చా? కొబ్బరి నీళ్లలో సహజసిద్ధమైన చక్కెర ఉంటుంది. కొంచెం తీపిగా ఉంటుంది కాబట్టి, డయాబెటిక్ పేషెంట్లు దీన్ని తాగడానికి ఎప్పుడూ భయపడతారు. మధుమేహ బాధితులు కొబ్బరి నీళ్లు తాగొచ్చా లేదా..? అనే సందేహాలకు నిపుణుల సలహా ఏంటంటే..
పోషకాహార నిపుణుల ప్రకారం… కొబ్బరి నీటిలో పాల కంటే ఎక్కువ పోషకాలు ఉన్నాయి. ఇందులో కొవ్వు తక్కువగా ఉంటుంది. అలాగే దీన్ని నిత్యం తీసుకునే వారి శరీరానికి పొటాషియం, సోడియం, కాల్షియం, మెగ్నీషియం, యాంటీ ఆక్సిడెంట్లు అందుతాయి. కొబ్బరినీళ్లు తాగడం వల్ల శరీరంలోని టాక్సిన్స్ బయటకు వెళ్లి, రోగాల బారిన పడకుండా ఉంటారు.
మధుమేహ వ్యాధిగ్రస్తులు కొబ్బరి నీరు త్రాగవచ్చు.. వారు ప్రతిరోజూ ఈ సహజ పానీయాన్ని త్రాగాలి. ఎందుకంటే ఇది వారి ఆరోగ్యానికి చాలా ఉపయోగకరంగా ఉంటుంది. తక్కువ గ్లైసెమిక్ ఇండెక్స్ (GI) కారణంగా రక్తంలో చక్కెర స్థాయిలను తగ్గించడంలో సహాయపడుతుంది. కొబ్బరి నీళ్లలో ఉండే మెగ్నీషియం ఇన్సులిన్ సెన్సిటివిటీని మెరుగుపరచడంలో సహాయపడుతుంది. కొబ్బరి నీళ్లు తాగడం వల్ల శరీరంలో నీటి కొరత తొలగిపోతుంది. అదే సమయంలో వారు అద్భుతమైన శక్తిని పొందుతారు.
మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి
