Obesity: ఈ ఒక్క ఔషధం ఊబకాయం సమస్యను తొలగిస్తుంది.. AIIMS వైద్యుల కీలక పరిశోధన
Obesity: ఊబకాయం సమస్య గతంలో కంటే దేశంలో గణనీయంగా పెరిగింది. దీన్ని వదిలించుకోవడానికి ప్రజలు అనేక రకాల మందులు, వ్యాయామాలను..
Updated on: Sep 23, 2022 | 5:14 PM
Obesity: ఊబకాయం సమస్య గతంలో కంటే దేశంలో గణనీయంగా పెరిగింది. దీన్ని వదిలించుకోవడానికి ప్రజలు అనేక రకాల మందులు, వ్యాయామాలను చేస్తుంటారు. కానీ చాలా సందర్భాలలో ఈ ఊబకాయం సమస్య తగ్గదు. ఇప్పుడు న్యూఢిల్లీకి చెందిన ఇండియన్ ఇన్స్టిట్యూట్ ఆఫ్ మెడికల్ సైన్సెస్ (AIIMS) ఒక అధ్యయనం చేసింది. ఇందులో ఆయుర్వేద ఔషధం BGR-34 చక్కెరను అలాగే ఊబకాయాన్ని తగ్గించడంలో చాలా ప్రభావవంతంగా పనిచేస్తుంది. బరువు తగ్గడంతో పాటు ఈ ఔషధం జీవక్రియ వ్యవస్థను మెరుగుపరుస్తుంది.
డయాబెటిక్స్లో ఊబకాయం సమస్య ఎక్కువగా కనిపిస్తుందని వైద్యులు చెబుతున్నారు. దీంతో వారు అనేక సమస్యలను ఎదుర్కోవాల్సి వస్తోంది. AIIMSలోని ఫార్మకాలజీ విభాగం ప్రొఫెసర్ డాక్టర్ సుధీర్ కుమార్ సారంగి పర్యవేక్షణలో మూడేళ్ల పరిశోధన తర్వాత ఈ వివరాలను వెల్లడించారు. ఈ అధ్యయనంలో బీజీఆర్-34ను అల్లోపతి మందులతో పాటు మధుమేహ వ్యాధిగ్రస్తులు కూడా వాడారని, అల్లోపతి మందులతో పాటు దీన్ని కూడా ఇస్తే ఫలితం వస్తుందో లేదో పరిశీలించామని పరిశోధనలో నిమగ్నమైన వైద్యులు తెలిపారు. దాని ఫలితాలు చాలా సంతృప్తికరంగా ఉన్నాయి. ఈ మందు ఒక్కటే చాలా ప్రభావవంతంగా పనిచేస్తుందని, ఇది రక్తంలో చక్కెరను తగ్గించడమే కాకుండా ఊబకాయాన్ని కూడా తగ్గిస్తుంది.
BGR-34 ఔషధాన్ని కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్ (CSIR) శాస్త్రవేత్తలు తయారు చేశారు. దీని మార్కెట్ పర్యవేక్షణ ఎమిల్ ఫార్మాస్యూటికల్స్కు బదిలీ చేయబడింది. పోలాండ్ సైన్స్ జర్నల్ సెండోలో కూడా ఒక పరిశోధన ప్రచురించబడింది. ఈ ఔషధం గ్లైకేటెడ్ హిమోగ్లోబిన్ (HbA1c) నియంత్రణలోకి తీసుకువస్తుందని చెప్పబడింది. దీనికి దారుహరిద్ర, గిలోయ్, విజయ్సర్, గుడ్మార్, మజిత్, మైతిక వంటి మూలికలు జోడించబడ్డాయి.
ట్రైగ్లిజరైడ్స్ స్థాయిలు కూడా తగ్గాయి
హార్మోన్ ప్రొఫైల్, లిపిడ్ ప్రొఫైల్, ట్రైగ్లిజరైడ్స్ స్థాయి కూడా BGR-34 ఔషధంతో సమతుల్యంగా ఉన్నట్లు పరిశోధనలో తేలింది. ట్రైగ్లిజరైడ్స్ ఒక చెడు కొలెస్ట్రాల్. వీటిలో అధిక మొత్తంలో శరీరానికి హానికరం. కానీ దాని గణనీయమైన తగ్గుదల కూడా కనిపించింది. లిపిడ్ ప్రొఫైల్ను నియంత్రించడం వల్ల గుండె జబ్బుల ముప్పు తగ్గుతుందని పరిశోధకులు చెబుతున్నారు. ఇది గుండెపోటు రాకుండా నివారిస్తుంది. డయాబెటిక్ రోగుల హార్మోన్ ప్రొఫైల్ క్షీణించడం ప్రారంభిస్తే, వారు ఆకలిని కోల్పోవడం, నిద్రలేమి వంటి సమస్యలను ఎదుర్కొంటారు.
ఈ ఔషధాన్ని ఉపయోగించే రోగులలో హార్మోన్ ప్రొఫైల్ స్థాయి కూడా సమతుల్యంగా ఉన్నట్లు గుర్తించారు పరిశోధకులు. మధుమేహాన్ని నియంత్రించడం వల్ల ఊబకాయం కూడా అదుపులో ఉంటుంది. BGR-34 ఔషధంపై చేసిన AIIMS ఫార్మకాలజీ విభాగం ఈ పరిశోధన త్వరలో ప్రచురించబడుతుంది.
మరిన్ని హెల్త్ వార్తల కోసం ఇక్కడ క్లిక్ చేయండి
