Parenting Tips: మీ పిల్లలు బలంగా ఉండాలని.. పాలల్లో ఈ పౌడర్ కలుపుతున్నారా!
పిల్లలు బలంగా, దృఢంగా ఉండాలని ప్రతి తల్లిదండ్రులు కోరుకుంటారు. అలాగే పిల్లలు ఆరోగ్యంగా, బరువుతో ఉండాలని ఎన్నో రకాల ఫుడ్స్ పెడుతూ ఉంటారు. ఈ క్రమంలో వారికి పాలు ఎక్కువగా ఇస్తారు. అయితే మరి కొంత మంది పిల్లలు పాలు తాగమని మారం చేస్తూ ఉంటారు. ఇలాంటి పిల్లలకు పాలల్లో ఎనర్జీ డ్రింక్ కలిపి ఇస్తూ ఉంటారు తల్లిదండ్రులు. వీటిల్లో వెనీల్లా, చాక్లెట్, స్ట్రాబెర్రీ ఇలా పిల్లలకు ఇష్టమైన ఫ్లేవర్స్ ఉంటాయి. ఈ ఫ్లేవర్స్ తో పిల్లలు ఇష్టంగా పాలు..
Chinni Enni | Edited By: Ravi Kiran
Updated on: Dec 08, 2023 | 9:50 PM
పిల్లలు బలంగా, దృఢంగా ఉండాలని ప్రతి తల్లిదండ్రులు కోరుకుంటారు. అలాగే పిల్లలు ఆరోగ్యంగా, బరువుతో ఉండాలని ఎన్నో రకాల ఫుడ్స్ పెడుతూ ఉంటారు. ఈ క్రమంలో వారికి పాలు ఎక్కువగా ఇస్తారు. అయితే మరి కొంత మంది పిల్లలు పాలు తాగమని మారం చేస్తూ ఉంటారు. ఇలాంటి పిల్లలకు పాలల్లో ఎనర్జీ డ్రింక్ కలిపి ఇస్తూ ఉంటారు తల్లిదండ్రులు. వీటిల్లో వెనీల్లా, చాక్లెట్, స్ట్రాబెర్రీ ఇలా పిల్లలకు ఇష్టమైన ఫ్లేవర్స్ ఉంటాయి. ఈ ఫ్లేవర్స్ తో పిల్లలు ఇష్టంగా పాలు తాగుతారని పేరెంట్స్ ఆ పౌడర్ ని మిక్స్ చేసి ఇస్తారు. కానీ వీటి వల్ల పిల్లల ఆరోగ్యం దెబ్బ తింటుందని చాలా మందికి తెలీదు. ఎందుకో ఇప్పుడు వివరంగా తెలుసుకుందాం.
కెమికల్స్, రసాయనాలు ఉంటాయి:
ఎనర్జీ డ్రింక్స్ లో యాడెడ్ కలర్స్, ఫ్లేవర్స్ కలుపుతూ ఉంటారు. అంతే కాకుండా అవి నిల్వ ఉండటానికి వివిధ రకాల కెమికల్స్, రసాయనాలు కలుపుతారు. ఇలాంటి పౌడర్స్ పిల్లలకు ఇవ్వడం వల్ల వారి ఆరోగ్యం దెబ్బతింటుంది. కొంత మంది పిల్లలకు వాంతులు, విరేచనాలు అవ్వడం, బలహీనంగా మారడం వంటివి జరుగుతాయి. కాబట్టి వీటిని పిల్లలకు పట్టించేముందు పలు జాగ్రత్తలు పాటించాలి.
పంచదార ఎక్కువగా ఉంటుంది:
పిల్లలకు ఇచ్చే ఎనర్జీ డ్రింక్స్ లో కార్బోహైడ్రేట్స్, ప్రోటీన్లు ఎక్కువగా ఉంటాయి. అలాగే ఈ పౌడర్ తియ్యగా, రుచిగా ఉండేందుకు పంచదారను ఎక్కువగా ఉపయోగిస్తారు. ఇది అస్సలు మంచిది కాదు. దీని వల్ల పిల్లలు బరువు పెరగడం, డయాబెటీస్ వంటి సమస్యలను ఎదుర్కొనాల్సి ఉంటుంది. ఇందులోని తీపి కారణంగా ఎక్కువ అనారోగ్య సమస్యలు వస్తాయి. ఇలాంటి ఎనర్జీ డ్రింక్స్ కి బదులు నేచురల్ గా ఉండే ఆహార పదార్థాలు తీసుకోవడం మంచిదని నిపుణులు చెబుతున్నారు.
నేచురల్ ఆహార పదార్థాలు బెస్ట్:
ఎనర్జీ డ్రింక్స్ లో పోషకాలు ఉన్నా.. షుగర్ లెవల్స్ ఎక్కువగా ఉంటాయి. దీని కారణంగా పిల్లల్లో అనారోగ్య సమస్యలు వస్తాయి. వీటికి బదులు నేచురల్ గా ఉండే వెజిటేబుల్స్, పండ్లు, నట్స్ ఇవ్వడం మంచిది.
వ్యసనంలా మారుతుంది:
ఎనర్జీ డ్రింక్ కలిపిన పాలను రెగ్యులర్ గా తీసుకోవడం వల్ల.. పిల్లలకు ఇదో వ్యసనంలా మారుతుంది. కాబట్టి పిల్లలకు దీన్ని దూరంగా ఉంచడమే మంచిది. అప్పుడప్పుడు మంచిదే కానీ.. రెగ్యులర్ గా మాత్రం అస్సలు ఇవ్వకూడదు.
మరిన్ని హెల్త్ వార్తల కోసం ఇక్కడ క్లిక్ చేయండి
గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడం మేలు.
