Pregnancy Care: గర్భవతులు ఆహారం ఎక్కువ తీసుకుంటే.. మధుమేహానికి దారితీయొచ్చు..వైద్యులు ఏం చెబుతున్నారంటే..

Pregnancy Care: గర్భధారణ సమయంలో, మహిళలు ఒకరు కాదు ఇద్దరు వ్యక్తుల ఆహారాన్ని తినాలని సాధారణ భారతీయ గృహాలలో నమ్మకం ఉంది. కానీ వైద్యులు దీనిని తప్పుగా చెబుతున్నారు. ఇది గర్భధారణ మధుమేహానికి దారితీస్తుందని వారు అంటున్నారు. గర్భధారణ సమయంలో స్రవించే హార్మోన్లు రక్తంలో చక్కెర స్థాయిని పెంచుతాయి. నైజీరియన్ ఇన్స్టిట్యూట్ ఆఫ్ మెడికల్ రీసెర్చ్ యొక్క కన్సల్టెంట్ గైనకాలజిస్ట్ డాక్టర్ గ్రెగొరీ ప్రకారం, గర్భధారణ సమయంలో అతిగా తినే మహిళలు తమ అలవాట్లను మార్చుకోవాల్సి ఉంటుంది. గర్భధారణలో ఆకలి పెరుగుతున్నందున ఈ సమయంలో వివిధ రకాల ఆహార కోరికలు ఉండటం సాధారణమని ఆయన అన్నారు. అందువల్ల, జంక్ ఫుడ్ తినడానికి బదులుగా, ఆరోగ్యకరమైన మరియు సమతుల్య ఆహారం తీసుకోవడం మంచిదని ఆయన చెబుతున్నారు. అలాగే, గర్భంతో ఉండడం వలన.. తనకు తనలోని బిడ్డకు కలిపి ఇద్దరు వ్యక్తుల ఆహారాన్ని కలిసి తినాలని అనుకోవడం సరికాదని ఆయన అంటున్నారు. గర్భధారణ సమయంలో ఆలోచించకుండా ఎక్కువ తినే మహిళల బరువు వేగంగా పెరుగుతుంది. ఈ మహిళలకు గర్భధారణ డయాబెటిస్ మెల్లిటస్ ఉండవచ్చు. డెలివరీ సమయంలో వారికి ఎక్కువ ప్రసవ నొప్పి కూడా ఉంటుంది. డయాబెటిస్ కారణంగా నొప్పిని భరించే శక్తి కూడా తగ్గిపోతుంది. దీంతో డెలివరీ కష్టం అయ్యే ప్రమాదం ఉంటుంది. సహజ ప్రసవానికి ఇబ్బందులు ఎదురవుతాయి. ఒకవేళ షుగర్ లెవెల్స్ ఆ సమయంలో ఎక్కువగా ఉంటె.. సిజేరియన్ కూడా కష్టం కావచ్చు అని డాక్టర్ గ్రెగొరీ అంటున్నారు.

యునైటెడ్ కింగ్‌డమ్ నేషనల్ హెల్త్ సర్వీస్ ప్రకారం, గర్భిణీ స్త్రీలు గర్భంలో ఇద్దరు లేదా ముగ్గురు పిల్లలు ఉన్నట్లు తెలిసినా కూడా కూడా ఇద్దరు వ్యక్తుల ఆహారాన్ని తినకూడదు. ఇందుకోసం రోజంతా ఆరోగ్యకరమైన అల్పాహారం తీసుకోవడం చాలా ముఖ్యం. తద్వారా మీరు రోజంతా కొవ్వు మరియు చక్కెర అల్పాహారం తినాలని అనుకోరు. అలాగే, ఆరోగ్యకరమైన ఆహార పదార్థాలను మార్చి మార్చి తినాలి. అంటే తిన్న ప్రతిసారీ ఆహర పదార్ధం మారుతూ ఉండాలి. అందువల్ల తినడం విసుగు అనిపించదు. గర్భధారణ సమయంలో, ఇది ఆహారం తక్కువ తిన్నా ఫర్వాలేదు కానీ, నాణ్యమైన ఆహారాన్ని తినడం చాలా ముఖ్యమని వైద్యులు నమ్ముతున్నారు.

Also Read: Vitamin D: షాకింగ్ పరిశోధన.. విటమిన్-డి కరోనా నుంచి రక్షించదు..తేల్చి చెప్పిన కెనడా శాస్త్రవేత్తలు

Weight Loss Tips: బరువు తగ్గాలనుకుంటున్నారా?.. అయితే ఈ చిట్కాలను పాటించండి..