Vitamin D: షాకింగ్ పరిశోధన.. విటమిన్-డి కరోనా నుంచి రక్షించదు..తేల్చి చెప్పిన కెనడా శాస్త్రవేత్తలు

Vitamin D: మనకు తెలీని కరోనా గురించి నిపుణులు ఏది చెబితే అది నిజమని నమ్ముతూ వచ్చాము. వాళ్ళు కూడా వారికీ అందుబాటులో ఉన్న సమాచారాన్ని మనకు పంచుతూ వచ్చారు. కాలం గడిచే కరోనాకు సంబంధించిన ప్రతి అంశంలోనూ పరిశోధనలు సాగుతూ వస్తున్నాయి. ఒక్కో పరిశోధనలోనూ కొత్త విషయాలు ఎన్నో బయటకు వస్తున్నాయి. కొన్ని అప్పటివరకూ మనం నమ్మిన వాటిని నిజమే అని చెబుతున్నవి అయితే, మరికొన్ని మనం నమ్మకంగా అనుకున్న కొన్ని విషయాలను పూర్తిగా తప్పుగా నిర్ధారిస్తున్నాయి. తాజాగా విటమిన్-డి గురించి అటువంటి షాకింగ్ పరిశోధనా ఫలితాలు బయటకు వచ్చాయి. దీని ప్రకారం విటమిన్-డి కరోనా నుండి రక్షించదు లేదా సంక్రమణ తర్వాత పరిస్థితి క్లిష్టంగా మారకుండా నిరోధిస్తుందని చెప్పలేము. కెనడాలోని మెక్‌గిల్ విశ్వవిద్యాలయానికి చెందిన శాస్త్రవేత్తలు దీనిని పేర్కొన్నారు. విటమిన్-డి తగినంత మొత్తంలో ఉన్నవారికి కూడా కరోనా బారిన పడవచ్చు లేదా ఇన్ఫెక్షన్ కారణంగా ఆసుపత్రిలో చేరే అవకాశం ఉందని శాస్త్రవేత్తలు అంటున్నారు.

పొంతనలేని పరిశోధనలు..

ఈ పరిశోధన కూడా ఆశ్చర్యకరంగా అనిపిస్తోంది. ఎందుకంటే కొంతకాలం క్రితం చికాగో మెడిసిన్ విశ్వవిద్యాలయ పరిశోధనలో ఫలితాలు దీనికి విరుద్ధంగా ఉన్నాయి. శరీరంలో విటమిన్-డి పరిమాణం ఎక్కువగా ఉంటే కరోనా సంక్రమణ ప్రమాదం తగ్గుతుందని ఆ పరిశోధకులు పేర్కొన్నారు. అదే సమయంలో, బార్సిలోనా విశ్వవిద్యాలయానికి చెందిన శాస్త్రవేత్తలు విటమిన్-డి కరోనా మరణాల ప్రమాదాన్ని 60 శాతం తగ్గిస్తుందని ఒక ప్రత్యేక పరిశోధనలో పేర్కొన్నారు. అయితే, మెక్‌గిల్ విశ్వవిద్యాలయం నుండి వచ్చిన ఇటీవలి పరిశోధనలు ఈ వాదనలను తప్పుగా రుజువు చేస్తున్నాయి. ఈ పరిశోధన ప్రకారం, శరీరంలో విటమిన్-డి మరియు కరోనా ఇన్ఫెక్షన్ మధ్య ఎటువంటి సంబంధం లేదు.

విటమిన్-డి సంక్రమణ ప్రమాదాన్ని తగ్గిస్తుంది అందానికి ఎటువంటి ఆధారాలు లేవు, చాలా మంది నిపుణులు, ఈ విటమిన్ వైరస్ సంక్రమణను నివారించగలదని నిరూపించడానికి ఇప్పటివరకు ఎటువంటి ఆధారాలు కనుగొనలేదు. విటమిన్-డిపై చేసిన అధ్యయనం ఆధారంగా ఏదైనా చెప్పడం కష్టమని మెక్‌గిల్ విశ్వవిద్యాలయంలోని మైక్రోబయాలజిస్ట్ డాక్టర్ గుయిలౌమ్ బట్లర్ చెప్పారు. కాబట్టి దీనిని పరీక్షించడం మంచిది. అయితే ఇందుకు చాలా సమయం పడుతుంది.

అటువంటి పరిశోధనలో, శరీరంలో విటమిన్-డి పరిమాణం ఎక్కువగా ఉన్నప్పుడు, మానవుల జన్యువులను ప్రభావితం చేసేటప్పుడు, శాస్త్రవేత్తలు అదే జన్యువును అధ్యయనం చేశారు. ఇందుకోసం 11 దేశాల పరిశోధనలో 4,134 కరోనా బాధితులు, 12,848,76 మంది సాధారణ వ్యక్తులను చేర్చారు.

విటమిన్ డి తగినంత మొత్తంలో ఉన్నవారిలో సంక్రమణ తక్కువ తీవ్రంగా ఉందా అని శాస్త్రవేత్తలు పరీక్షించారు. విటమిన్-డి మరియు సంక్రమణ ప్రభావం తగ్గినట్లు నివేదికలో ఆధారాలు కనుగొనబడలేదు. శాస్త్రవేత్తలు, విటమిన్-డి సప్లిమెంట్లను తీసుకోవడం ద్వారా ఆరోగ్యాన్ని మెరుగుపరిచే మార్గానికి కూడా మా పరిశోధన మద్దతు ఇవ్వదు అని తేల్చి చెబుతున్నారు.

Also Read: Oxygen: దిగివస్తున్న ఆక్సిజన్ ధరలు.. ఆమేరకు ప్రయోజనం కల్పించని ఆసుపత్రులు..కాన్సన్‌ట్రేటర్ల ధరలూ అందుబాటులోకి!

Earth from Space: అంతరిక్షం నుంచి భూమి.. సూర్యుడి తొలి వెలుగులలో భూగోళ సుందర దృశ్యాలు ఇలా ఉంటాయి..