Vijay Devarakonda: పాన్‌ ఇండియా చిత్రంగా విజయ్‌ – శివ సినిమా.? అందుకు ఇదే నిదర్శనమా..?
Vijay Devarakonda: అర్జున్‌ రెడ్డి అనే ఒక్క సినిమాతో ఎంతో పాపులారిటీని సొంతం చేసుకున్నారు రౌడీ హీరో విజయ్‌ దేవరకొండ. అత్యంత తక్కువ సమయంలో ఎక్కువ క్రేజ్‌ దక్కించుకున్న విజయ్‌ అనతికాలంలోనే టాప్‌ హీరోల్లో ఒకరిగా...
Vijay Devarakonda: అర్జున్‌ రెడ్డి అనే ఒక్క సినిమాతో ఎంతో పాపులారిటీని సొంతం చేసుకున్నారు రౌడీ హీరో విజయ్‌ దేవరకొండ. అత్యంత తక్కువ సమయంలో ఎక్కువ క్రేజ్‌ దక్కించుకున్న విజయ్‌ అనతికాలంలోనే టాప్‌ హీరోల్లో ఒకరిగా చోటు దక్కించుకున్నారు. ఈ క్రమంలోనే పూరి జగన్నాథ్‌ దర్శకత్వంలో తెరకెక్కుతోన్న లైగర్‌ చిత్రంతో బాలీవుడ్‌లోనూ అడుగుపెట్టారు విజయ్‌. తొలి సినిమాతోనే బాలీవుడ్‌లో పాగా వేయాలని గట్టిగా ప్లాన్‌ చేస్తున్నారు విజయ్‌. అందుకు అనుగుణంగానే లైగర్‌ సినిమా కోసం విజయ్‌ ఎంతో శ్రమించారు. ఇప్పటికే అర్జున్‌ రెడ్డితో బాలీవుడ్‌ ప్రేక్షకులను ఆకట్టుకున్న విజయ్‌ లైగర్‌తో పాన్‌ ఇండియా హీరోగా మారనున్నారు. ఇదిలా ఉంటే విజయ్‌ తర్వాతి చిత్రం కూడా పాన్‌ ఇండియా రేంజ్‌లోనే తెరకెక్కనుందా అంటే చిత్ర యూనిట్‌ తీసుకున్న నిర్ణయం చూస్తుంటే అవుననే సమాధానం వస్తోంది.
ఇంతకీ విషయమేంటంటే లైగర్‌ సినిమా తర్వాత విజయ్‌.. శివ నిర్వాణతో ఓ సినిమాలో నటించనున్న విషయం తెలిసిందే. ఇప్పటికే ప్రీ ప్రొడక్షన్‌ పనులు పూర్తి చేసుకున్న ఈ సినిమా రెగ్యులర్‌ షూటింగ్‌ త్వరలోనే ప్రారంభం కానుంది. ఇక ఈ సినిమాలో విజయ్‌ సరసన బాలీవుడ్‌ బ్యూటీ కియారా అద్వాణీ నటించనుందని వార్తలు వస్తున్న విషయం తెలిసిందే. ఈ వార్తలే విజయ్‌ తర్వాతి చిత్రం కూడా పాన్‌ ఇండియా స్థాయిలో తెరకెక్కనుందన్న వార్తలు బలం చేకూరుస్తున్నాయి.
లైగర్‌తో బాలీవుడ్‌లో విజయ్‌కి వచ్చే క్రేజ్‌ను ఉపయోగించుకునేందుకే శివ ఇలాంటి నిర్ణయం తీసుకున్నాడని చర్చ జరుగుతోంది. మరి విజయ్‌, శివల చిత్రం నిజంగానే బాలీవుడ్‌లోనూ విడుదలవుతుందా.? లేదో తెలియాలంటే చిత్ర యూనిట్‌ నుంచి అధికారిక ప్రకటన వచ్చే వరకు వేచి చూడాలి.
JEE Advanced 2022: జేఈఈ అడ్వాన్స్‌డ్‌ పరీక్షల షెడ్యూల్‌ విడుదల.. పూర్తి వివరాలివే..
