Trisha Krishnan : తమిళపొన్ను అభిమానులకు నిరాశ.. చెన్నై చంద్రం త్రిష 60వ సినిమాకు అనుకోని షాక్..

Trisha Krishnan :  అందం అభినయంతో ఆకట్టుకున్న తారల్లో త్రిష ఒకరు. ఈ అమ్మడు తెలుగు తమిళ భాషల్లో హీరోయిన్ గా తనదైన ముద్రను వేసింది. తెలుగులో దాదాపు స్టార్ హీరోలందరి సరసన ఈ ముద్దుగుమ్మ నటించి అలరించింది. ఇటీవల తెలుగులో సినిమాలు తగ్గించింది త్రిష. రీసెంట్ గా తమిళ్ లో విజయ్ సేతుపతి సరసన నటించిన 96 సినిమా సంచలన విజయాన్ని సొంతం చేసుకుంది. ఈ సినిమాలో విజయ్ సేతుపతికి పోటాపోటీగా నటించిన త్రిష అందరిని ఆకట్టుకుంది.

అయితే ఈ అమ్మడుకొరటాల శివ మెగాస్టార్ చిరంజీవి కాంబినేషన్ లో తెరకెక్కుతున్న ‘ఆచార్య’ సినిమాలో నటించే అవకాశాన్ని దక్కించుకుంది. అయితే అనుకోని కారణాల వల్ల ఆ సినిమానుంచి తప్పుకుందని ఆ మధ్య వార్తలు వచ్చాయి. ప్రస్తుతం లేడీ ఓరియెంటెడ్ సినిమాలు, అలాగే నటనకు ప్రాధాన్యత ఉన్న పాత్రలను ఎంచుకుంటూ సినిమాలు చేస్తుంది ఈ చెన్నై బ్యూటీ.ఈ నేపథ్యంలో తమిళ్ లో త్రిష ఓ సినిమా చేస్తుంది. పరమపతం విలయట్టు అనే సినిమా చేస్తుంది. ఈ మూవీ త్రిష కెరియర్ లో 60వ సినిమా. 24 ఫ్రెమ్స్ ప్రొడక్షన్స్ నిర్మిస్తున్న ఈ సినిమాకు తిరుగ్ననం దర్శకత్వం వహిస్తున్నారు. ఈ సినిమాలో త్రిష డాక్టర్ గా కనిపించనుంది. ఈ సినిమా షూటింగ్ ఎప్పుడో పూర్తయింది. గతఏడాది విడుదలకావల్సిన ఈ సినిమా అనేక కారణాల చేత వాయిదా పడుతూ వస్తుంది. అయితే ఈ సినిమా ఎంత ఆలస్యమైన థియేటర్స్ లోనే రిలీజ్ చేస్తారని అభిమానులంతా అనుకున్నారు కానీ ఈ సినిమాను ఓటీటీ వేదికగా  రిలీజ్ చేస్తున్నారు. డిస్నీ + హాట్‌స్టార్‌లోఈ సినిమా త్వరలో స్ట్రీమింగ్ కానుంది. ఇక ఈ సినిమా తో పాటు త్రిష  మణిరత్నం తెరకెక్కిస్తున్న  పీరియడ్ చిత్రం పొన్నియిన్ సెల్వన్ షూటింగ్లో బిజీగా ఉంది . ఈ చిత్రంలో త్రిష చోళ యువరాణి కుందవై పాత్రలో నటించనుందని తెలుస్తుంది.

మరిన్ని ఇక్కడ చదవండి : 

Saif Ali Khan in a new look : సైఫ్ అలీఖాన్ న్యూ లుక్.. ‘ఆదిపురుష్’ లో కనిపించేది ఇలానేనా..

అనుపమ గుండె ముక్కలైపోయిందా..? ఆ పోస్టులు బుమ్రాను ఉద్దేశించేనా.?Anupama post about bumrah marriage video